మునగాల : వాసవీ క్లబ్‌ ఇంటర్నేషనల్‌ డైరెక్టర్‌ వంగవేటి వెంకటగురుమూర్తి పుట్టినరోజు సందర్భంగా గురువారం మునగాల మండలంలోని గణపవరంలో గల జిల్లా పరిషత్‌ ఉన్నత పాఠశాలకు వాసవీ క్లబ్‌ మునగాల శాఖ ఆధ్వర్యంలో ఫర్నీచర్‌ (ఆఫీసు టేబుల్‌, ఛైర్‌), స్టేషనరీతో పాటు విద్యార్థులకు నోట్‌ బుక్స్‌ అందజేశారు. ఈ సందర్భంగా పాఠశాల ఉపాధ్యాయుడు తల్లాడ ఉపేందర్‌ మాట్లాడుతూ వాసవీ క్లబ్‌ సేవలు అభినందనీయమని కొనియాడారు. అనంతరం వెంకటగురుమూర్తిని ఉపాధ్యాయులు, గ్రామపెద్దలు శాలువాలతో ఘనంగా సత్కరించారు. గ్రామపెద్దలు కొండపల్లి నరసింహారావు, వాసవీ క్లబ్‌ అధ్యక్షుడు కాపర్తి మణికంఠకుమార్‌, క్లబ్‌ జిల్లా బాధ్యులు పీవీడీ.ప్రసాద్‌, జిగిని ప్రసాద్‌, జెడ్సీ బెలిదీభరత్‌, షేక్‌ రమేష్‌, చిల్లంచర్ల శ్రీనివాసరావు, ఉపాధ్యాయులు, విద్యార్థులు పాల్గొన్నారు.