TV
టీ20 వరల్డ్‌కప్‌ 2024 గ్రూప్‌-సిలో భాగంగా ఇవాళ (జూన్‌ 17) న్యూజిలాండ్, పపువా న్యూ గినియా జట్లు తలపడనున్నాయి. ట్రినిడాడ్‌ వేదికగా జరుగనున్న ఈ మ్యాచ్‌లో న్యూజిలాండ్ టాస్‌ గెలిచి తొలుత ఫీల్డింగ్‌ ఎంచుకుంది. వర్షం పలు మార్లు అంతరాయం కలిగించడంతో టాస్‌ ఆలస్యంగా పడింది.
టాస్‌ అనంతరం మరోసారి వర్షం మొదలుకావడంతో మ్యాచ్‌ మరింత ఆలస్యమయ్యే అవకాశం ఉంది. భారతకాలమానం ప్రకారం ఈ మ్యాచ్‌ రాత్రి 8 గంటలకు ప్రారంభం కావాల్సి ఉండింది. న్యూజిలాండ్, పపువా న్యూ గినియా సూపర్‌-8 రేసు నుంచి నిష్క్రమించడంతో ఈ మ్యాచ్‌ నామమాత్రంగా సాగనుంది. న్యూజిలాండ్ స్టార్‌ పేసర్‌ ట్రెంట్ బౌల్ట్‌కు ఇది టీ20 వరల్డ్‌కప్‌లో చివరి మ్యాచ్‌.
తుది జట్లు..
న్యూజిలాండ్: ఫిన్ అలెన్, డెవాన్ కాన్వే(వికెట్‌కీపర్‌), రచిన్ రవీంద్ర, కేన్ విలియమ్సన్(కెప్టెన్‌), డారిల్ మిచెల్, గ్లెన్ ఫిలిప్స్, మిచెల్ సాంట్నర్, ఇష్ సోధీ, టిమ్ సౌతీ, లాకీ ఫెర్గూసన్, ట్రెంట్ బౌల్ట్
పపువా న్యూ గినియా: టోనీ ఉరా, అసద్ వలా(కెప్టెన్‌), చార్లెస్ అమిని, సెసే బావు, హిరి హిరి, చాడ్ సోపర్, కిప్లిన్ డోరిగా(వికెట్‌కీపర్‌), నార్మన్ వనువా, అలీ నావో, కబువా మోరియా, సెమో కమియా
