మంగపేట: మండల కేంద్రంలోని వరద ముంపు ప్రాంతాలను మండల స్పెషలాఫీసర్ తుల రవి ఆధ్వర్యంలో అధికారుల బృందం బుధవారం సందర్శించింది. వర్షాకాలంలో గోదావరి వరదలు, గౌరారం వాగు వరద ఉధృతి కారణంగా మండల కేంద్రంలో ప్రతిఏటా లోతట్టు ముంపు ప్రాంత ప్రజలు ఎదుర్కొంటున్న ఇబ్బందులపై ఈ నెల 15న సాక్షిలో పొంచి ఉన్న ప్రళయం శీర్షికన కథనం ప్రచురితమైంది. దీనిపై స్పందించిన అధికారులు ముంపు ప్రాంతాలైన పొదుమూరు, సినిమాహాల్ వీధి, మంగపేట, బోరునర్సాపురం మధ్య నూతనంగా నిర్మించిన లోలెవల్ బ్రిడ్జిని వారు పరిశీలించారు. గత ఏడాది గౌరారంవాగు వరదకు ఎగువ ప్రాంతం నుంచి కొట్టుకు వచ్చి లోలెవల్ బ్రిడ్జి పిల్లర్లకు అడ్డుపడిన అవశేషాలు గుర్తించారు. వాటిని తొలగిస్తే ఎగువ ప్రాంతం నుంచి వచ్చే వరద దిగువ ప్రాంతానికి ప్రవహిస్తుందని లేని పక్షంలో వాగు వరద నీటితో పాటు గోదావరి బ్యాక్ వాటర్తో సినిమాహాల్ వీధిలోని 28ఇళ్లతో పాటు పొదుమూరులోని లోతట్టు ప్రాంతాల్లోని జనావాసాలు సైతం మునిగే ప్రమాదం ఉందని గుర్తించారు. ముందస్తుగా చర్యలు చేపట్టేందుకు రూ. లక్ష వరకు ఖర్చు చేయాల్సి ఉంటుందని అంచనా వేశారు. అనంతరం ఆయా గ్రామాల పంచాయతీ కార్యదర్శులు, ప్రత్యేకధికారులతో సమావేశం నిర్వహించారు. ముందస్తుగా చర్యలు చేపట్టాలని, వరదల పట్ల అన్నిశాఖల అధికారులు అప్రమత్తంగా ఉండాలని స్పెషలాఫీసర్ రవి ఆదేశించారు. ఈ కార్యక్రమంలో తహసీల్దార్ వీరస్వామి, ఎంపీడీఓ కృష్ణప్రసాద్, ఆర్ఆండ్బీ డీఈ రఘువీర్, ఐబీ ఏఈ వలీమ్ మహ్మద్, పంచాయతీ కార్యదర్శులు, ప్రత్యేకధికారులు పాల్గొన్నారు.
ముంపు ప్రాంతాలను సందర్శించిన అధికారులు
Published Thu, Jun 20 2024 12:58 AM | Last Updated on Thu, Jun 20 2024 12:58 AM
1/1
Advertisement
Advertisement
తప్పక చదవండి
- హైకమాండ్ పెద్దలతో రేవంత్ భేటీ.. ఏ క్షణమైనా టీపీసీసీ చీఫ్ను ప్రకటించే ఛాన్స్
- ఒక వెడ్డింగ్ కార్డు ధర అన్ని లక్షలా!.. అంబానీ అంటే ఆ మాత్రం ఉంటది
- సొరకాయా.. మజాకా! బోలెడన్ని ప్రయోజనాలు
- ఈ నెల 29 నుంచి అమర్నాథ్ యాత్ర ప్రారంభం
- వివాహితులకు ‘నోజాబ్’ అంటూ ఫాక్స్కాన్పై ప్రచారం.. ఎందుకంటే?
- అర్ధరాత్రి దాటాక, ఎక్కువ లైట్లో పనిచేస్తున్నారా? అయితే ఆ రిస్క్ ఎక్కువే!
- నీట్ పేపర్ లీకేజీ.. సీబీఐ తొలి అరెస్ట్
- పోలీసుల సమక్షంలోనే పిన్నెల్లిపై దాడికి యత్నం!
- ధని‘కుల’ దేశం.. 85 శాతం బిలియనీర్లు వాళ్లే!!
- సౌతాఫ్రికా చేతిలో ఘోర పరాభవం.. ఆఫ్ఘన్ల గుండె బద్దలైంది..!
Advertisement
Comments
Please login to add a commentAdd a comment