అవికా గోర్, శ్రీరామ్‌ ప్రధాన పాత్రధారులుగా కెమెరామేన్‌ ‘గరుడవేగ’ అంజి దర్శకుడిగా పరిచయమవుతున్న చిత్రం ‘టెన్త్‌ క్లాస్‌ డైరీస్‌’. అచ్యుత రామారావు, పి. రవితేజ మన్యం నిర్మించిన ఈ చిత్రం టీజర్‌ ఈ నెల 26న విడుదల కానుంది. తాజాగా ఈ సినిమాలోని ‘సిలకా.. సిలకా.. రామా సిలకా.. ఏదో ఉందే మెలికా..’ అంటూ సాగే స్పెషల్‌ సాంగ్‌ లిరికల్‌ వీడియోను శనివారం విడుదల చేశారు. కాసర్ల శ్యామ్‌ లిరిక్స్‌ అందించిన ఈ పాటను ఇండియన్‌ ఐడల్‌ రేవంత్‌ పాడారు. సురేష్‌ బొబ్బిలి ఈ చిత్రానికి మ్యూజిక్‌ డైరెక్టర్‌.

ఈ సందర్భంగా ‘గరుడ వేగ’ అంజి మాట్లాడుతూ – ‘‘ప్రధాన తారాగణంతో పాటు 150 మంది జూనియర్‌ ఆర్టిస్టులు, 30 మంది డ్యాన్సర్స్‌పై ఈ పాటను తెరకెక్కించాం. ఈ పాటలో ఇద్దరు ముంబై డ్యాన్సర్స్‌ స్పెషల్‌ అట్రాక్షన్‌గా కనిపిస్తారు. ఈ సినిమా చిత్రీకరణ పూర్తయింది. ప్రస్తుతం పోస్ట్‌ ప్రొడక్షన్‌ వర్క్స్‌ జరుగుతున్నాయి’’ అన్నారు. ‘‘రోజ్‌ విల్లా, ‘ముగ్గురు మొనగాళ్లు’ తర్వాత మేం చేస్తోన్న మూడో చిత్రం ఇది. టెన్త్‌ క్లాస్‌ చదివిన ప్రతి ఒక్కరూ చూడాల్సిన చిత్రం ఇది’’ అన్నారు అచ్యుత రామారావు.