టాలీవుడ్‌ ప్రిన్స్‌ మహేశ్‌ బాబు  హీరోగా దర్శకుడు త్రివిక్రమ్‌ తెరకెక్కిస్తున్న సినిమా ‘గుంటూరు కారం’ . ఇందులో పూజా హెగ్డే , శ్రీలీల హీరోయిన్లుగా నటిస్తున్నారని చిత్ర బృందం ప్రకటించిన సంగతి తెలిసిందే. కానీ అనుకోకుండా ఈ ప్రాజెక్ట్‌ నుంచి పూజా తప్పుకుంది. ఈ సినిమాకు సంబంధించి  తాజాగా హీరోయిన్‌ మీనాక్షి చౌదరి ఈ మూవీకి సంబంధించి బిగ్‌ అప్‌డేట్‌ను లీక్‌ చేసింది.

(ఇదీ దచవండి: బిగ్‌బాస్‌లోకి ఈ జంట ఎంట్రీ ఖాయం.. వాళ్లకు బిగ్‌ సపోర్ట్‌ ఎవరో తెలిస్తే)

గుంటూరు కారం సినిమాలో తను నటిస్తున్నట్లు అధికారికంగా ప్రకటించింది.  తాజాగా  విజయ్ ఆంటోనీ సరసన హత్య అనే సినిమాలో హీరోయిన్‌గా నటించిన మీనాక్షి.. ఆ సినిమా ప్రీ రిలీజ్‌ ఈవెంట్‌లో గుంటూరు కారం సినిమా గురించి ఇలా మాట్లాడింది. 'నేను మహేష్ బాబు గారికి పెద్ద అభిమానిని. గుంటూరు కారం సినిమాలో నాకు అవకాశం దక్కినందుకు చాలా సంతోషంగా ఉన్నాను. మహేష్‌-త్రివిక్రమ్‌లది హిట్‌ పెయిర్‌. వారితో కలిసి నటించాలని ఎప్పట్నుంచో అనుకుంటున్నాను. ఇప్పటికే ఫస్ట్ షెడ్యూల్ షూట్ కూడా పూర్తి అయింది.  మహేష్ గారి పక్కన మొదటి షాట్ చిత్రీకరణ ఎప్పటికీ మర్చిపోలేను.' అని మీనాక్షి తెలిపింది.

(ఇదీ చదవండి: ఆ లీడర్లను నమ్మొద్దు.. ఏపీ పాలిటిక్స్‌పై పూనమ్‌ కౌర్‌ సంచలన ట్వీట్‌)

ఈ ప్రాజెక్ట్‌ నుంచి పూజ హెగ్డే తప్పుకోవడంతో ఆ స్థానంలోకి శ్రీలీలను తీసుకొని మరొక హీరోయిన్‌గా  మీనాక్షి చౌదరిని తీసుకున్నారు. హర్యానాకు చెందిన  మినాక్షి చౌదరి 'ఇచ్చట వాహనములు నిలుపరాదు' అనే సినిమాతో టాలీవుడ్‌లోకి ఎంట్రీ ఇచ్చినా రవితేజ ఖిలాడీ, హిట్ సినిమాలతో మంచి క్రేజ్‌ తెచ్చుకుంది.