మెదక్‌జోన్‌: పారిశుద్ధ్య కార్మికులకు వెంటనే వేతనాలు చెల్లించాలని డిమాండ్‌ చేస్తూ సీఐటీయూ ఆధ్వర్యంలో గురువారం ఎమ్మెల్యే క్యాంపు కార్యాలయాన్ని ముట్టడించారు. ఈసందర్భంగా సీఐటీ యూ జిల్లా కోశాధికారి నర్సమ్మ మాట్లాడుతూ.. 8 నెలలుగా కార్మికులకు వేతనాలు ఇవ్వకుంటే కుటు ంబాలను ఎలా పోషించుకుంటారని ప్రశ్నించారు. ఇప్పటికై నా ప్రభుత్వం స్పందించి వేతనాలు చెల్లించాలని, లేనిపక్షంలో ఆందోళన ఉధృతం చేస్తామని హెచ్చరించారు. గత ప్రభుత్వం 2, 3 నెలల వేతనాలు పెండింగ్‌లో పెడితే, కొత్త ప్రభు త్వం అధికారంలోకి వచ్చాక అసలు జీతాలే చెల్లించలేదన్నారు. వేతనాలు చెల్లించకుంటే పనులు నిలిపివేస్తామని హెచ్చరించారు. అనంతరం కార్యాలయ సిబ్బందికి వినతిపత్రం అందజేశారు. కార్యక్రమంలో సీఐటీయూ జిల్లా ఉపాధ్యక్షురాలు బాలమణి, పారిశుద్ధ్య కార్మికులు, నాయకులు తదితరులు పాల్గొన్నారు.