నెహ్రూనగర్‌(గుంటూరు ఈస్ట్‌): సర్ధార్‌ గౌతు లచ్చన్న జయంతిని ప్రభుత్వం అధికారికంగా నిర్వహించాలని సర్ధార్‌ గౌతు లచ్చన్న విగ్రహ కమిటీ అధ్యక్షులు రావుల మణి విజ్ఞప్తి చేశారు. ఈ మేరకు గురువారం సచివాలయంలో ఆంధ్రప్రదేశ్‌ రెవెన్యూ, రిజిస్ట్రేషన్‌ అండ్‌ స్టాంప్స్‌ శాఖ మంత్రిగా బాధ్యతలు స్వీకరించిన అనగాని సత్యప్రసాద్‌ను గౌడ సంఘ ప్రతినిధులు కలిసి అభినందించడంతోపాటు వినతిపత్రం అందజేశారు. ఈ సందర్భంగా ఆయన మాట్లాడుతూ గౌడలకు ప్రత్యేకంగా కార్పొరేషన్‌ ఏర్పాటు చేయాలని, గీత కార్మికులకు గీత కార్పొరేషన్‌ ఏర్పాటు చేయాలని విజ్ఞప్తి చేశారు. కార్యక్రమంలో సంఘ నాయకులు గాలి సుబ్బారావు, మొరాకుల రాము, నరేంద్ర, వెంకటరమణ, ప్రసాద్‌, రమణ, గౌడ సంఘీయులు పాల్గొన్నారు.