Select Your Preferred Category to see your Personalized Content

బూర్గంపాడు: శేష జీవితం ప్రశాంతంగా గడపాల్సిన ఇద్దరు వృద్ధులు సాహసానికి పూనుకున్నారు. గోదావరి పరీవాహక ప్రాంతంలో పాదయాత్ర చేపట్టారు. మహారాష్ట్రలోని నాసిక్‌కు చెందిన 80 ఏళ్ల పాండురంగ విఠల్‌ భగవత్, 82 ఏళ్ల కార్బరి దేవ్‌రామ్‌ డుమ్రి పాదయాత్ర చేస్తున్నారు. శనివారం వీరి పాదయాత్ర తెలంగాణలోని భద్రాద్రి కొత్తగూడెం జిల్లా బూర్గంపాడుకు చేరుకుంది. ఈ సందర్భంగా వారు ‘సాక్షి’తో మాట్లాడుతూ గతంలో రెండుసార్లు నాసిక్‌ నుంచి రాజమండ్రి వరకు గోదావరి అవతలి గట్టున పాదయాత్ర చేశామని, ప్రస్తుతం నాసిక్‌ నుంచి నరసాపురం వరకు రైలులో వచ్చామని, అక్కడి నుంచి తిరిగి నాసిక్‌కు గోదావరి ఇవతలి గట్టున పాదయాత్ర చేస్తున్నామని వివరించారు. 15 రోజుల కిందట నరసాపురంలో పాదయాత్ర ప్రారంభించామన్నారు. గోదావరి నది పుట్టుక స్థానం నుంచి సముద్రంలో కలిసే వరకు రెండుసార్లు పాదయాత్ర చేశామని చెప్పారు. ఇప్పుడు సముద్రంలో కలిసిన స్థానం నుంచి గోదావరి పుట్టుక స్థానం వరకు పాదయాత్ర చేపట్టామని వెల్లడించారు.  

గుంటూరు ఈస్ట్‌: కామంతో కళ్లు మూసుకుపోయి పసిపిల్లలపై పశువులా ప్రవర్తించాడు ఓ వృద్ధుడు. తన నలుగురు కుమార్తెలకు పెళ్లిళ్లు చేసి అత్తారింటికి పంపిన మానవమృగం అభం శుభం తెలియని బాలికలపై లైంగిక దాడి చేసిన ఘటన మంగళవారం ఆలస్యంగా వెలుగుచూసింది. దీంతో బాలికల తల్లిదండ్రులు గుంటూరులోని లాలాపేట పోలీస్టేషన్‌లో ఫిర్యాదు చేశారు. వివరాల్లోకి వెళితే.. గుంటూరులోని లాలాపేట చిన్నబజారుకు చెందిన జానీ బాషా అనే వృద్ధుడు పెళ్లి సంబంధాలు కుదుర్చే మధ్యవర్తిగా జీవనం సాగించేవాడు. భార్య చనిపోవడంతో ఇంట్లో ఒంటరిగా ఉంటున్నాడు. నవంబర్‌ నెలాఖరున తన ఇంటికి సమీపంలో ఆడుకునే 3 నుంచి 4 ఏళ్లు ఉన్న ముగ్గురు బాలికలకు జానీ బాషా మాయమాటలు చెప్పి ఇంట్లోకి తీసుకెళ్లాడు. సెల్‌ఫోన్‌లో వారికి నీలి చిత్రాలు చూపించి అదే విధంగా బాలికలతో వ్యవహరిం చాడు. ఈ విషయాన్ని పెద్దవాళ్లకు చెప్పవద్దని బెదిరిం చాడు. ఆది వారం ఓ బాలిక కడుపులో నొప్పగా ఉందని బాధపడుతుండటంతో తల్లి ఆరా తీయగా అసలు విషయం తెలి సింది. సమీప బంధువులైన మరో ఇద్దరి బాలికలతోనూ అదే విధంగా ప్రవర్తించాడని బాలిక తల్లితో చెప్పిం ది. సోమవారం ఆ కామాంధుడు లాలాపేట చిన్నబజా రులో ఉన్నాడని తెలుసుకుని బాలి కల తల్లిదండ్రులు వెళ్లి అతడిని నిలదీశారు. అదే సమయంలో జానీ బాషా బంధువులు వచ్చి అతనిని తీసుకెళ్లిపోయారు. దీంతో వారు లాలాపేట పోలీస్‌ స్టేషన్‌లో ఫిర్యాదు చేశారు. లైంగిక వేధింపుల నుంచి బాలలను రక్షించే చట్టం (పోక్సో) కింద జానీ బాషాపై పోలీసులు కేసులు నమోదు చేసి దర్యాప్తు చేస్తున్నారు. 

మేడ్చల్‌: ఓ వృద్ధుడు నాలుగేళ్ల చిన్నారిపై లైంగికదాడికి పాల్పడిన సంఘటన మేడ్చల్‌ పోలీస్‌ స్టేషన్‌ పరిధిలో బుధవారం చోటు చేసుకుంది.  సీఐ వెంకట్‌రెడ్డి కథనం మేరకు వివరాలిలా ఉన్నాయి. మురహరిపల్లి గ్రామ పరిధిలోని ప్రజయ్‌ అపార్ట్‌మెంట్స్‌కు చెందిన  నాగేంద్రచారి(65)అదే ప్రాంతానికి చెందిన నాలుగేళ్ల చిన్నారిని బుధవారం మధ్యాహ్నం సమీపంలో ఖాళీగా ఉన్న ఇంట్లోకి తీసుకెళ్లి లైంగిక దాడికి పాల్పడ్డాడు. అతడి భారి తప్పించుకున్న చిన్నారి తల్లిదండ్రులకు ఈ విషయం చెప్పడంతో వారు నాగేంద్రచారిని  చితకబాది మేడ్చల్‌ పోలీసులకు అప్పగించారు. పోలీసులు చిన్నారిని వైద్యం పరీక్షల నిమిత్తం గాంధీ ఆసుపత్రికి తరలించి, కేసు నమోదు చేసుకుని దర్యాప్తు చేస్తున్నారు. నిందితుడు నాగేంద్రచారి పరారీలో ఉన్నట్లు సీఐ తెలిపారు.


 మలికిపురం :
 దిండి గ్రామంలో ఆదివారం  గుడాల ప్రకాష్‌ (96) అనే వృద్ధుడు అనుమానాస్పదంగా మృతి చెందాడు. అతని మృత దేహం తన ఇంటిలోనే రక్తపు మడుగులో కుర్చీలోనే ఉంది.  ఇది హత్యా, లేక ఆత్మ హత్యా అనే అనుమానాలు వ్యక్తం అవుతున్నాయి. కత్తితో గొంతు కోసి రక్తపు మడుగులో మృత దేహం పడి ఉన్న తీరు అనుమానాస్పదంగా ఉంది. కుటుంబ సభ్యులు మాత్రం ఇది ఆత్మహత్యేనని పోలీసులకు ఇచ్చిన వాగ్మూలంలో పేర్కొంటున్నారు.  సీఐ క్రిస్టోఫర్‌ మాట్లాడుతూ ప్రకాష్‌ భార్య ఆదెమ్మ గత ఏడాది నవంబరు 29న మృతి చెందారని అప్పటి నుంచి మానసిక స్థితి సరిగా లేక భార్య వద్దకే వెళ్లిపోతానంటూ  ఇంతకు ముందు రెండుసార్లు ఆత్మహత్యకు పాల్పడ్డారని అప్పట్లో అడ్డుకున్నామని కుటుంబ సభ్యులు చెప్పినట్టు పేర్కొన్నారు. ఆదివారం ప్రకాష్‌ బంధువులు అల్పాహారం పెట్టారని తెలిపారు. ఇంటిలో ఓ పక్క అద్దెకు ఉంటున్న వారు చర్చికి వెళ్తూ ప్రకాష్‌కు చెప్పేందుకు వెళ్లగా తలుపు గడియ వేసి ఉందని, తీయడం లేదన్నారు. దీంతో  ఆమె  గ్రామంలో మరో చోట నివాసం ఉంటున్న అతని కుమార్తెకు తెలియచేసింది.  ప్రకాష్‌ మానసిక పరిస్థితి మేరకు అతని  బంధువులు అతని గదికి మరో వైపు తలుపులు బయట వైపు తాళం వేసి ఉంచుతున్నారు. దీంతో  ఆ తలుపులు తెరిచి చూడగా రక్తపుమడుగులో ఉన్న ప్రకాష్‌ను గమనించి పోలీసులకు సమాచారం అందించారు. ఈ మేరకు కేసు నమోదు చేసి దర్యాప్తు  చేస్తున్నట్లు  సీఐ తెలిపారు. మృత దేహాన్ని పోస్టు మార్టంకు  రాజోలు ప్రభుత్వాస్పత్రికి పంపి రిపోర్టు అనంతరం తదుపరి విచారణ చేస్తామని ఆయన తెలిపారు.
  


 కట్టంగూర్: నల్గొండ జిల్లా కట్టంగూర్ శివారులోని పెట్రోల్ బంక్ వద్ద శనివారం సాయంత్రం కారు, ఆటో ఢీకొన్నాయి. ఈ ఘటనలో ఆటోలో ప్రయాణిస్తున్న ఓ వృద్ధుడు అక్కడిక్కడే మృతి చెందాడు. మృతుడిని తిప్పర్తి మండలం ఇండ్లూరు గ్రామానికి చెందిన పేరం సైదులు(70) గా గుర్తించారు. ఘటనపై పోలీసులు దర్యాప్తు జరుపుతున్నారు.