ఆసీస్‌పై పాక్‌ గెలుపు : కైఫ్‌ ఒక దేశద్రోహి!

మనం దేశంలలో రోజుకు ఎన్ని కోళ్లు ఖతం అవుతున్నాయో చెప్పాల్సిన పనిలేదు. ఈ లెక్కన ఏడాదికి లక్షకు పైమాటే. ఒక కేజీ లేదా కేజీపైనా తూగే కోడిలో మహా అయితే దగ్గర 650 నుంచి 750 గ్రాముల మాంసం రాగా, మిగతా అంతా వేస్టేజ్‌. అంటే ఒక్క కోడికి ఇంత వేస్టేజ్‌ అంటే మరీ రోజుకి ఎంత పౌల్ట్రీ వ్యర్థాలు వస్తున్నాయో ఊహిస్తేనే వామ్మో అనిపిస్తోంది కదూ. అయితే ఈ వ్యర్థాలతో సరికొత్త వస్త్ర పరిశ్రమకు నాంది పలికి అందిరి చేత శెభాష్‌ అని ప్రశంసలు అందుకుంటున్నాడు యూపీకి చెందిన ఒక వ్యక్తి. అతడెవరూ? ఎలా ఈ వ్యర్థాలతో వస్త్రాలు తయారీ చేశాడంటే..అతడి పేరు రాధేష్ అగ్రహరి. ఆయన స్టార్టప్ "గోల్డెన్ ఫెదర్స్" వ్యవస్థాపకుడు. ఇది ఇది పౌల్ట్రీ వ్యర్థాలను 'ఉన్ని లాంటి' ఫైబర్, చేతితో తయారు చేసిన కాగితంగా మారుస్తుంది. ఈ వ్యర్థాలను ముడి పదార్థంగా ఉపయోగించి, స్టార్టప్ శాలువాలు, కుల్తాలు, స్టోల్స్, డైరీలు, చేపల మేత కంపోస్ట్‌లను తయారు చేస్తుంది. జైపూర్, పూణేలలో కంపెనీకి సంబంధించని మ్యాన్యుఫ్యాక్చరింగ్‌ యూనిట్లు ఉన్నాయి. అక్కడ తయారైన ఉత్పత్తులను B2B మార్కెట్‌లో విక్రయిస్తుంది. ఈ కంపెనీ వార్షిక ఆదాయం రూ. 1.5 కోట్లు. ఇప్పటి వరకు ఈ కంపెనీ ఏకంగా 73 లక్షల కిలోల కోడి మాంసం వ్యర్థాలను రీసైకిల్ చేసింది. ఆయన చేస్తున్న పర్యావరణ హిత బిజినెస్‌ి గానూ దాదాపు 25 జాతీయ, అంతర్జాతీయ అవార్డులు అందుకున్నారు. ఈ వినూత్న ఆలోచన ఎలా వచ్చిందంటే..జైపూర్‌లోని ప్రతిష్టాత్మక ఇండియన్ ఇన్‌స్టిట్యూట్ ఆఫ్ క్రాఫ్ట్స్ అండ్ డిజైన్‌ చదువుతున్న టైంలో రాధేష్‌ అగ్రహరికి ఈ ఆలోచన వచ్చింది. ఒక రోజు కాలేజ్‌లో రీసైక్లింగ్‌ స్టడీ నిమిత్తం విద్యార్థులను వ్యర్థాలను సేకరించి తీసుకురమ్మని ఉపాధ్యాయులు ఆదేశించారు. అందరూ ప్లాస్టిక్ నుంచి థర్మోకోల్ వరకు అన్ని రకాల వ్యర్థ పదార్థాలను క్రమబద్ధీకరించి ఏం తయారు చేయొచ్చొ వివరించారు. రాధేష్‌ వంతు వచ్చేటప్పటకీ ఎలాంటి వ్యర్థాలు సేకరించాలో అర్థంగాక తీసుకురాకపోవడంతో క్లాస్‌ రూం నుంచి ఉపాధ్యాయులు బయటకు పంపించేశారు. అవమానంతో నిరాశగా వచ్చిన అతడికి కాసేపు మంచి చికెన్‌ తెచ్చుకుని తింటే మూడ్‌ మారుతుంది. పైగా ఏదైన ఆలోచన తట్టొచ్చు అని భావించి, మార్కెట్‌కి వెళ్లి ఒక కేజీ చికెన్‌ ఆర్డర్‌ చేశాడు. అయితే అక్కడ దాన్ని నీటిగా క్లీన్‌ చేయగా తూగింది 650 గ్రాములే. కానీ దుకాణదారుడు ఒక కేజి చికెన్‌ ధర వసూలు చేయడం జరిగింది.మరీ మిగతా భాగం ఏంటని రాధేష్‌ దుకాణదారుడిని ప్రశ్నించటంతో.. మిగిలిన 350 గ్రాములు వేస్ట్‌ అని చెప్పగా దాన్ని ప్యాక్‌ చేసి ఇమ్మని చెప్పి మరీ తీసుకెళ్లాడు. అప్పుడే అతనికి ఈ వ్యర్థాలు ఏం చేస్తారు, ఏటా ఎన్ని కోళ్ల వ్యర్థాలు వస్తున్నాయి అనే దిశగా ఆలోచించడం, పరిశోధించండ ప్రారభించాడు. కాలేజ్‌ రీసెక్లింగ్‌ ప్రాజెక్ట్‌ కారణంగా కోళ్ల వ్యర్థాల గురించి వచ్చిన ఆలోచన క్రమేణ రీసైక్లింగ్‌ చేసి ఏం చేయొచ్చు అనే దిశగా పరిశోధనలు చేయడం ప్రారంభించాడు. అందరూ ప్లాస్టిక్‌ వంటి వ్యర్థాలతో రీసైక్లింగ్‌ వంటివి చేస్తారు తాను మాత్రం ఇలా కోళ్ల వ్యర్థాల రీ సైక్లింగ్‌తో అందరి దృష్టిని ఆకర్షించాలనుకున్నాడు. అలా రాధేష్‌కి వీటిని సరిగ్గా రీసైకిల్‌ చేసి ఉత్పత్తులుగా రూపొందించడానికి దగ్గర దగ్గర 13 ఏళ్లు పట్టింది.అంతేగాదు ఈ కోళ్ల వ్యర్థాలు ప్రపంచవ్యాప్తంగా మూడవ అతిపెద్ద తడి వ్యర్థాల సమస్య. పైగా నదీ కాలుష్యానికి ప్రధాన కారణాలలో ఒకటి. అదీగాక సెంటర్ ఫర్ ఎన్విరాన్‌మెంటల్ ఎడ్యుకేషన్ (CEE) నివేదిక ప్రకారం, US, EU, బ్రెజిల్ మరియు చైనా తర్వాత బ్రాయిలర్ మాంసం ఉత్పత్తిలో భారతదేశం ఐదవ అతిపెద్దది. వార్షిక ఉత్పత్తి 4.6 మిలియన్ మెట్రిక్ టన్నులు అని నివేదికలు చెబుతున్నాయి. ఐతే ప్రపంచం ప్లాస్టిక్ రీసైక్లింగ్ వైపు పని చేస్తోంది, కానీ చికెన్ వ్యర్థాల గురించి కూడా మాట్లాడటం లేదని అంటున్నారు రాధేష్‌. నీటి వనరులను శుద్ధి చేయాలని నినాదాలు చేసే బదులు మూలా కారణాలకు చెక్‌పెడితే సమస్య పరిష్కారమవుతుందంటున్నారు. కాగా, రాధేష్‌ తన స్టార్టప్‌ కంపెనీని 2019లో ప్రారంభించినట్లు తెలిపారు. ఇక కంపెనీ పనితీరు గురించి వివరిస్తూ..ఈ కంపెనీ కబేళాల నుంచి కోళ్ల వ్యర్థాను సేకరించి క్రిమి సంహారక మందులు, ఆవిరితో శుభ్రపరుస్తాం. అలాగే వాటికి ఉండే ఈకలను పత్తి, జనపనార, ఉన్ని, పట్టు వంటి సహజ ఫైబర్లుగా తయారు చేస్తాం. ఇక స్పిన్నింగ్‌కి సరిపడని ఈకలతో హ్యాండ్‌ మేడ్‌ కాగితాన్ని తయారు చేస్ం. అంతేగాదు కోళ్ల వ్యర్థాల్లోని ఉపఉత్పత్తులను ఎరువులుగా, చేపల మేతగా మార్చడం జరుగుతుందని చెబుతున్నారు రాధేష్‌. నిజానికి రాధేష్‌ డిజైనర్‌ నుంచి గొప్ప ఇన్నోవేటర్‌గా మార పర్యావరణ సంరక్షణలో తన వంతు పాత్ర పోషించేలా గొప్ప స్టార్టప్‌ వ్యాపారానికి నాంది పలికి, యువతకు ఆదర్శంగా నిలిచారు.(చదవండి: సుధామూర్తి పేరెంటింగ్‌ చిట్కాలు..నవతరం తల్లిదండ్రులు తప్పక తెలుసుకోవాల్సినవి..!)

టీమిండియా క్రికెటర్‌ మహ్మద్‌ షమీ పునరాగమనానికి సిద్ధమవుతున్నాడు. చీలమండ గాయానికి సర్జరీ చేయించుకున్న ఈ వెటరన్‌ పేసర్‌ బంగ్లాదేశ్‌తో టెస్టు సిరీస్‌ నాటికి అందుబాటులోకి వచ్చే అవకాశం ఉంది. బీసీసీఐ చీఫ్‌ సెలక్టర్‌ అజిత్‌ అగార్కర్‌ ఇటీవలే ఈ విషయాన్ని ధ్రువీకరించాడు.ఇదిలా ఉంటే.. షమీ వ్యక్తిగత జీవితంలో పడ్డ కష్టాల గురించి అతడి ప్రాణ స్నేహితుడు ఉమేశ్‌ కుమార్‌ తాజాగా వెల్లడించాడు. ఈ ఉత్తరప్రదేశ్‌ క్రికెటర్‌ ఒకానొక సమయంలో ఆత్మహత్య చేసుకోవాలని భావించాడంటూ షాకింగ్‌ విషయాలు బయటపెట్టాడు.ఆరోజు తనని అలా చూడగానే భయం వేసింది‘‘షమీకి అది నిజంగా గడ్డుకాలం. ఆరోజు తెల్లవారుజామున 4 గంటల సమయంలో నీళ్లు తాగేందుకు నేను నిద్రలేచాను. కిచెన్‌ వైపు వెళ్తూ.. బాల్కనీ వైపు చూశా. అప్పుడు షమీ వాళ్ల బాల్కనీ చివర నిల్చుని కిందకు చూస్తున్నాడు. మేము ఉండేది 19వ ఫ్లోర్‌. అతడి ఆలోచన ఏమిటో నేను పసిగట్టాను. నాకెంతోగానో భయం వేసింది’’ అని ఉమేశ్‌ కుమార్‌ చేదు జ్ఞాపకాలు గుర్తుచేసుకున్నాడు.అయితే, అదృష్టవశాత్తూ షమీపై వచ్చిన ఆరోపణలు తొలగిపోయాయని.. తిరిగి టీమిండియాకు ఆడి తానేంటో నిరూపించుకున్నాడని ఉమేశ్‌ కుమార్‌ హర్షం వ్యక్తం చేశాడు. కాగా షమీ మాజీ భార్య హసీన్‌ జహాన్‌ అప్పట్లో అతడిపై సంచలన ఆరోపణలు చేసిన విషయం తెలిసిందే.స్త్రీలోలుడైన మహ్మద్‌ షమీ పాకిస్తానీల నుంచి డబ్బు తీసుకుని మ్యాచ్‌ ఫిక్సింగ్‌కు పాల్పడ్డాడని బాంబు పేల్చింది. అంతేకాదు తనను చిత్రహింసలు పెడుతున్నాడంటూ గృహహింస కేసు పెట్టింది. ఈ క్రమంలో షమీ కెరీర్‌ ప్రమాదంలో పడగా.. లోతుగా దర్యాప్తు జరిపిన బీసీసీఐ విచారణ కమిటి అతడికి క్లీన్‌ చిట్‌ ఇచ్చింది.ఇక అనేక అవాంతరాల అనంతరం హసీన్‌ జహాన్‌ నుంచి షమీ పూర్తిగా విడిపోయాడు. అయితే, నాటి పరిస్థితుల్లో డిప్రెషన్‌కు లోనైన షమీ ఆత్మహత్య చేసుకోవాలని భావించాడని ఉమేశ్‌ కుమార్‌ శుభాంకర్‌ మిశ్రా పాడ్‌కాస్ట్‌లో తాజాగా వెల్లడించాడు. అదే విధంగా.. షమీ డైట్‌ గురించి ఓ సీక్రెట్‌ కూడా పంచుకున్నాడు.కేజీ మటన్‌ ఉండాల్సిందే‘‘షమీ రోజుకు కిలో మటన్‌ తింటాడు. డైట్‌లో ఏమైనా తేడాలు వస్తే సహిస్తాడేమో గానీ.. మటన్‌ లేకుంటే మాత్రం అతడికి కోపం వస్తుంది. ఒక్కరోజైతే మటన్‌ లేకుండా ఉంటాడు.. కానీ రెండో రోజు అస్సలు ఊరుకోడు. మూడో రోజు కూడా మటన్‌ పెట్టలేదంటే పిచ్చోడైపోతాడు.అంతేకాదు.. అతడి బౌలింగ్‌ స్పీడ్‌ గంటకు పదిహేను కిలోమీటర్ల మేర తగ్గినా తగ్గొచ్చు’’ అంటూ ఉమేశ్‌ కుమార్‌ సరదాగా చెప్పుకొచ్చాడు. షమీకి అన్నింటికంటే మటన్‌ అంటే ఎంతో ఇష్టమని తెలిపాడు. అదే విధంగా.. షమీకి షాపింగ్‌ చేయడం అంటే సరదా అని.. మ్యాచ్‌లు లేనపుడు తనను ఢిల్లీలో షాపింగ్‌కు తీసుకువెళ్తాడని ఉమేశ్‌ కుమార్‌ తమ స్నేహబంధం గురించి చెప్పాడు.చదవండి: Paris Olympics 2024: పూర్తి షెడ్యూల్‌, ఆరంభ సమయం.. అథ్లెట్ల వివరాలు

ఉత్తరప్రదేశ్‌లో ఘోర రోడ్డు ప్రమాదం చోటుచేసుకుంది. లక్నో ఢిల్లీ హైవేపై ఈరోజు (సోమవారం) ఉదయం రెండు బస్సులు ఢీకొన్న ఘటనలో బస్సు డ్రైవర్‌తో సహా ముగ్గురు మృతిచెందారు. వందమందికి పైగా ప్రయాణికులు గాయపడ్డారు.మిలాక్‌లోని భైరవ బాబా ఆలయం సమీపంలో సాహిబాబాద్ డిపో బస్సు, వోల్వో బస్సు ఎదురెదురుగా ఢీకొన్నాయి. తెల్లవారుజామున 4.15 గంటలకు జరిగిన ఈ ప్రమాదంలో ముగ్గురు అక్కడికక్కడే మృతి చెందారు. ప్రమాదం గురించి సమాచారం అందిన వెంటనే పోలీసులు ఘటనా స్థలానికి చేరుకుని, క్షతగాత్రులను ఆస్పత్రికి తరలించారు. జిల్లా మేజిస్ట్రేట్ జోగేంద్ర సింగ్, పోలీసు సూపరింటెండెంట్ విద్యాసాగర్ మిశ్రా కూడా సంఘటనా స్థలానికి చేరుకున్నారు. జిల్లా మేజిస్ట్రేట్ తెలిపిన వివరాల ప్రకారం మృతులలో రోడ్డువేస్ బస్సు డ్రైవర్ కూడా ఉన్నారు.గాయపడిన వారి సంఖ్య 49కి చేరిందని జిల్లా మేజిస్ట్రేట్ తెలిపారు. తొమ్మదిమంది పరిస్థితి విషమంగా ఉండడంతో బాధితులను జిల్లా ఆస్పత్రికి తరలించారు. సాహిబాబాద్ డిపోకు చెందిన జనరత్ బస్సు లక్నో నుంచి ఢిల్లీ వెళ్తోంది. ప్రైవేట్ వోల్వో బస్సు హరిద్వార్ నుంచి శ్రీబస్తీకి వెళ్తోంది. ప్రైవేట్ బస్సు రాంగ్ సైడ్‌లో వచ్చిన కారణంగానే ప్రమాదం చోటుచేసుకున్నదని ప్రాథమికంగా తెలుస్తోంది.

లక్నో: కన్వర్‌ యాత్ర మార్గంలో ఉన్న దుకాణాల యజమానులు తమ పేర్లు కనిపించేలా బోర్డులు పెట్టకోవాలని ఉత్తర ప్రదేశ్‌ ప్రభుత్వం ఆదేశాలు జారీ చేయటం రాజకీయంగా దుమారం రేపుతోంది. సీఎం యోగి ఆదిత్యనాథ్ ప్రభుత్వం జారీ చేసిన ఆదేశాలను ప్రతిపక్షాలు తీవ్రంగా ఖండిస్తున్నాయి. తాజాగా కేంద్ర మంత్రి, ఎన్డీయే మిత్రపక్షం రాష్ట్రీయా లోక్‌దళ్‌ (ఆర్‌ఎల్‌డీ) చీఫ్‌ నేత జయంత్‌ చౌదరీ ఈ వ్యవహారంపై స్పందించారు. యూపీ ప్రభుత్వం తీసుకున్న ఆలోచించకుండా తీసుకున్న నిర్ణయంలా అనిపిస్తోందని అన్నారు. బీజేపీ ప్రభుత్వం తీసుకున్న నిర్ణయం ఎన్డీయే మిత్రపక్షం నేత, కేంద్రమంత్రి ఇలా వ్యాఖ్యానించటం ఆసక్తికరంగా మారింది.‘‘ కన్వర్‌ యాత్ర మార్గంలో దుకాణాదుల పేర్లబోర్డులు స్పష్టంగా కనిపించేలా పెట్టుకోవాలని ఆదేశాలు ఇవ్వటం సరికాదు. ఇది పూర్తిగా ఆలోచించి, సహేతుకంగా తీసుకున్న నిర్ణయం కాదు. ఏ నిర్ణయమైనా సమజ శ్రేయస్సు, సామరస్య భావానికి హాని కలిగించదు. కన్వర్‌ యాత్ర చేపట్టేవారు.. వారికి సేవచేవారు అందరూ ఒక్కటే. ఇటువంటి సాంప్రదాయం ఎప్పటినుంచో కొనసాగుతూ వస్తోంది. కన్వర్‌ యాత్ర చేపట్టినవారికి సేవ చేసేవారు ఆందోళన చెందాల్సిన అవసరం లేదు. సేవ చేసేవారిని మతం,కులం ఆధారంగా ఎవరూ గుర్తించరు. ప్రభుత్వం ఈ ఆదేశాలు వెనక్కి తీసుకోవటం లేదా వాటి అమలుపై తప్పనిసరి చేయటంపై ఇంకా స్పష్టమైన నిర్ణయం తీసుకోవడానికి ఇంకా సమయం ఉంది’’ అని అన్నారు.శనివారం యూపీ ప్రభుత్వం తీసుకున్న నిర్ణయాన్ని బీజేపీ మిత్రపక్షనేత, కేంద్రమంత్రి జితన్‌ రామ్‌ మాంఝీ సమర్థించారు. ఇతర పార్టీల అభిప్రాయల గురించి తాను ఎటువంటి వ్యాఖ్యలు చేయలేను. కానీ, యూపీ ప్రభుత్వం తీసుకున్న నిర్ణయంలో తప్పు లేదని పేర్కొన్నారు.

లక్నో: కన్వర్ యాత్ర మార్గంలో అన్ని హోటళ్లు తమ యజమానుల పేర్లను తప్పక ప్రదర్శించాలని ఉత్తర ప్రదేశ్‌ ముఖ్యమంత్రి యోగి ఆదిత్యనాథ్‌ ఆదేశించారు.. ప్రతి హోటళ్లు.. అది రెస్టారెంట్ అయినా, రోడ్‌సైడ్ దాబా అయినా, లేదా ఫుడ్ కార్ట్ అయినా యజమాని పేరును ప్రదర్శించాల్సిందేనని పేర్కొన్నారు. యాత్రికుల విశ్వాసాలను గౌరవించేందుకు ఈ నిర్ణయం తీసుకున్నామని సీఎంఓ వెల్లడించింది.ఇదిలా ఉండగా ఇటీవల ముజఫర్‌నగర్‌ పోలీసులు ఇలాంటి ఆదేశాలు ఇచ్చారు. కన్వర్ యాత్ర మార్గాల్లోని హోటళ్లకు యజమానుల పేర్లు, మొబైల్‌ నెంబర్‌, క్యూ ఆర్‌ కోడ్‌ను.. బోర్డుపై ఉంచాలని ఆదేశించారు. అయితే ఈ ఆదేశాలు వివాదస్పదంగా మారాయి. వీటిపై ప్రతిపక్ష ఎస్పీ, కాంగ్రెస్‌, బీఎస్పీ పార్టీలు ఆగ్రహం వ్యక్తం చేశాయి. భారత సంస్కృతిపై ఇదొక దాడి అని కాంగ్రెస్‌ విరుచుకుపడింది. ఈ ఉత్తర్వు పూర్తి వివక్షపూరితమని ఎంఐఎం అధ్యక్షుడు అసదుద్దీన్‌ ఒవైసీ విమర్శించారు. యూపీలో ముస్లింలను ద్వితీయ శ్రేణి పౌరులుగా చేయడమే దీని ఉద్దేశమని ఆరోపించారు. సామాజిక నేరంలాంటి ఈ ఉత్తర్వుపై కోర్టులు సుమోటోగా తీసుకొని విచారణ జరపాలని సమాజ్‌వాదీ పార్టీ అధ్యక్షుడు అఖిలేశ్‌ డిమాండ్‌ చేశారు.అయితే విపక్షాలు తప్పుబడుతున్నప్పటికీ యూపీ ప్రభుత్వం వెనక్కి తగ్గలేదు. కన్వర్‌ యాత్రకు వెళ్తున్నవారు ఫక్తు శాకాహారం ఎక్కడ లభ్యమవుతుందో తెలుసుకునేందుకే ఈ నిబంధన విధించినట్లు చెబుతోంది. హిందూ పేర్లతో ముస్లింలు మాంసాహారాన్ని యాత్రికులకు విక్రయిస్తున్నారని మంత్రి కపిల్ దేవ్ అగర్వాల్‌ ఆరోపించారు. వైష్ణో ధాబా భండార్, శాకుంభరీ దేవి భోజనాలయ, శుద్ధ్ భోజనాలయ వంటి పేర్లను రాసి మాంసాహారాన్ని విక్రయిస్తున్నారని పేర్కొన్నారు.కాగా జులై 22 నుంచి కన్వర్‌ యాత్ర ప్రారంభం కానుంది. ఈ యాత్రలో భాగంగా ఏటా శ్రావణ మాసంలో 15 రోజుల పాటు శివ భక్తులు గంగా నదీజలాలను సేకరిస్తుంటారు.

వైఎస్సార్‌ సీపీ అణచివేతే లక్ష్యంగా టీడీపీ కూటమి అధికారంలోకి వచ్చిన నాటి నుంచే కుట్రలకు తెరలేపింది. ఆ పార్టీలో క్రియాశీలకంగా పనిచేసిన నాయకులు, కార్యకర్తలపై కూటమి నేతలు దాడులకు తెగబడ్డారు. అంతటితో ఆగకుండా వైఎస్సార్‌ సీపీ ఆనవాళ్లు కనిపించకూడదనే ధ్యేయంతో అభివృద్ధి పనుల శిలాఫలకాలను టీడీపీ, జనసేన శ్రేణులు ధ్వంసం చేశాయి. కళ్లెం లేని గుర్రంలా దౌడు తీస్తున్న అరాచకాలను కట్టడి చేయాల్సిన పోలీసులు, ప్రభుత్వ అధికారులను తొలి రోజు నుంచే కీలుబొమ్మలుగా మార్చారు. అక్రమాలకు పాల్పడితే ఉపేక్షించొద్దు. అది ఏ పార్టీ వారైనా.. వైఎస్సార్‌ సీపీ శ్రేణులైనా సరే.. ఇదీ 2019లో వైఎస్సార్‌ సీపీ అధికారం చేపట్టగానే ఐఏఎస్‌, ఐపీఎస్‌లకు సీఎం హోదాలో వైఎస్‌ జగన్‌మోహన్‌రెడ్డి ఇచ్చిన ఆదేశం. ప్రస్తుత సీఎం చంద్రబాబు నుంచి ఇలాంటి ఆదేశాలను ఆశించడం ప్రజల అమాయకత్వమే అవుతుంది. సాక్షి ప్రతినిధి, ఒంగోలు: ఆంధ్రప్రదేశ్‌ను సింగపూర్‌ చేస్తా, జపాన్‌ చేస్తా అంటూ ప్రగల్భాలు పలికిన చంద్రబాబు సార్వత్రిక ఎన్నికల్లో గెలుపొందిన నెల రోజులకే రాష్ట్రాన్ని సౌత్‌ బీహార్‌ చేశారనేది నూటికి నూరుశాతం నిజమని ప్రజలు, ప్రజా సంఘాల నేతలు మండిపడుతున్నారు. రాష్ట్రంలో కూటమి ప్రభుత్వం ఏర్పడిన నెలన్నర రోజుల్లో టీడీపీ, జనసేన కార్యకర్తలు పేట్రేగిపోయారు. జూన్‌ 4న ఒకవైపు ఎన్నికల ఫలితాలు వెలువడుతుండగానే మరోవైపు విధ్వంసం మొదలైంది. జిల్లాలో ఎక్కడ చూసినా భయాందోళనకర పరిస్థితి. సచివాలయాలు, రైతు భరోసా కేంద్రాలు, వెల్‌నెస్‌ సెంటర్ల వద్ద శిలాఫలకాలను ధ్వంసం చేశారు. మాజీ సీఎంలు వైఎస్సార్‌, వైఎస్‌ జగన్‌మోహన్‌రెడ్డి, తాజా మాజీ ఎమ్మెల్యే చిత్రాలు కనిపిస్తే చాలు పూనకం వచ్చిన పోతురాజుల్లా ఊగిపోయారు. గ్రామాలు, పట్టణాల్లోని ప్రధాన కూడళ్లలో వైఎస్సార్‌ విగ్రహాలను ధ్వంసం చేయడంతోపాటు పలుచోట్ల నిప్పు పెట్టి రాక్షసానందం పొందారు. ఎన్నికల నిబంధనలకు వ్యతిరేకంగా పార్టీ విజయోత్సవాల పేరిట దాడులకు తెగబడ్డారు. వైఎస్సార్‌ సీపీ సానుభూతిపరుల ఇళ్లపై రాళ్లు రువ్వడంతోపాటు ఇళ్లలోకి దూరి టపాసులు పేల్చి భయబ్రాంతులకు గురిచేశారు. ఇదేం అన్యాయమని ప్రశ్నిస్తే మహిళలు, వృద్ధులని కూడా కర్రలతో చితకబాదారు.అధికారులు గప్‌చుప్‌..వైఎస్సార్‌ సీపీకి ఓటేశారన్న కసితో దళితులు, మైనారీటీలు, ఇతర సామాజికవర్గాలపై దాడులకు పాల్పడుతుండటంతో పచ్చ కండువా భుజాన వేసుకుని ఎవరైనా కనిపిస్తే భయంతో వణికిపోయే దుస్థితి. గతంలో ఎప్పుడూ జిల్లాలోని ప్రభుత్వ కార్యాలయాలపై దాడులు జరిగిన దాఖలాలు లేవు. ఏకంగా అధికార పార్టీ కార్యకర్తలు, నాయకులే రౌడీల్లా ప్రభుత్వ కార్యాలయాలపై దాడులు చేయడమే కాకుండా ప్రభుత్వం ఏర్పాటు చేసిన శిలాఫలకాలు, చిహ్నాలను ధ్వంసం చేస్తుంటే ప్రభుత్వ అధికారులు చేష్టలుడిగి చోద్యం చూశారు. కనీసం దాడికి పాల్పడిన దుండగులపై పోలీసులకు ఫిర్యాదు చేసే సాహసం కూడా అధికారులు చేయలేదంటే పరిస్థితి ఎలా ఉందో అర్థం చేసుకోవచ్చు.చోద్యం చూసిన పోలీసులుప్రభుత్వ కార్యాలయాలపై టీడీపీ, జనసేన శ్రేణులు దాడులకు తెగబడుతున్నట్లు సమాచారం ఉన్నా పోలీసులు అడ్డుకున్న దాఖలాలు లేవు. నిందితులపై సుమోటోగా కేసులు పెట్టాలని పోలీసులు భావించినా టీడీపీ ఎమ్మెల్యేల ఒత్తిడితో వెనుకడుగు వేసినట్లు సమాచారం. ఎప్పుడైతే పోలీసులు చోద్యం చూస్తూ నిలబడ్డారో ప్రజలు కూడా ఈ దౌర్జన్యాలను, దాడులను అడ్డుకునేందుకు సాహసించలేకపోయారు. ఒకటీ రెండు చోట్ల ఇదేంటని ప్రశ్నించిన వారి మీద కూటమి నాయకులు దాడులకు పాల్పడ్డారు. కర్రలకు మేకులు కొట్టి దారుణంగా చితకబాదారు.ఫిర్యాదులు లేవటప్రభుత్వ ఆస్తులను ధ్వంసం చేసినట్లు ఎలాంటి ఫిర్యాదులు లేవని అధికారులు చెప్పారు. ఒంగోలు సబ్‌ డివిజన్‌ పరిధిలో ప్రభుత్వ ఆస్తులను ధ్వంసం చేసినట్లు సమాచారం లేదని డీఎస్పీ కిశోర్‌బాబు తెలిపారు. ఒంగోలు నగరంలోనూ ఎలాంటి ఫిర్యాదులు రాలేదని నగరపాలక సంస్థ కమిషనర్‌ జస్వంతరావు చెప్పారు. మార్కాపురం, కనిగిరి, దర్శి సబ్‌ డివిజన్ల పరిధిలో ఎక్కడా విధ్వంసకారులపై, దాడులకు పాల్పడిన వారిపై కేసులు నమోదు కాకపోవడం గమనార్హం.

ఆగిరిపల్లి: ఎన్నో ఆశలతో సౌదీ వెళ్లిన తాను తినటానికి తిండి లేక నరకయాతన అనుభవిస్తున్నానని, కాపాడాలంటూ ఆగిరిపల్లికి చెందిన షేక్‌ జుబేర్‌ సోషల్‌ మీడియాలో పోస్ట్‌ చేసిన వీడియో వైరల్‌గా మారింది. ఆగిరిపల్లికి చెందిన సలీమునిస్సా కుమారుడు జుబేర్‌ మూడు నెలల క్రితం బతుకు దెరువు కోసం సౌదీ అరేబియాలోని రియాదు నగరంలో ఒక వ్యక్తి దగ్గర డ్రైవర్‌గా పనిచేస్తున్నానని మూడు నెలల నుంచి యజమాని జీతం ఇవ్వడం లేదని, జీతం అడిగితే దౌర్జన్యంగా పాస్‌పోర్ట్‌ లాక్కుని గదిలో బంధించి రక్తం వచ్చేలా కొట్టాడని, యజమానికి తెలియకుండా పారిపోయి తప్పించుకున్నానని, తిండి, నీరు లేక అల్లాడిపోతున్నానని చాలా భయంగా ఉందని, ప్రభుత్వం వెంటనే స్పందించి తనను స్వదేశానికి తీసుకురావాలని వీడియోలో కోరాడు.

చంద్రబాబు ప్రజాగళం పేరుతో అలవికాని హామీలు ఇచ్చాడు. ప్రజలు నమ్మారు. అధికారం ఇచ్చారు.ప్రస్తుతం హామీల ఊసే ఎత్తడం లేదు.బాబుతో పాటు కూటమి నేతలు ఇచ్చిన హామీలపై ఆశలు పెట్టుకున్న ప్రజలకు చుక్కలు చూపిస్తున్నారు. దీంతో ప్రజలు ఆగ్రహం వ్యక్తం చేస్తున్నారు. సాక్షి రాయచోటి: రాష్ట్రంలో కూటమి ప్రభుత్వం అధికారంలోకి వచ్చినా ఇప్పటికీ సంక్షేమం వైపు అడుగులు పడటం లేదు. ఉద్యోగులకు జీతాలు, పింఛన్లతో సరిపెడుతూ...ఎన్నికల్లో ఇచ్చిన హామిల అమలు వైపు అడుగులు వేగంగా పడటం లేదు. ప్రధానంగా ఎన్నికల మ్యానిఫెస్టోలో రైతులతోపాటు నిరుద్యోగులు, విద్యార్థుల తల్లులకు ప్రత్యేక పథకాల ద్వారా అందిస్తామని చెప్పిన హామిలపై ప్రభుత్వం ఇంకా నిర్ణయం తీసుకోలేదు. తల్లికి వందనం అంటూ జీఓ విడుదల చేసినా మార్గదర్శకాల పేరుతో కాలయాపన సాగుతోంది. ఇదేకాకుండా ఇంకా కూటమి సర్కార్‌ చెప్పిన సంక్షేమ పథకాల అమలు విషయంలో ఆర్థిక సమస్యలంటూ వైఎస్సార్‌ సీపీపై నిందారోపణలు చేస్తున్నారే తప్ప చిత్తశుద్ధితో అడుగులు ముందుకు పడడం లేదు. అధికారంలోకి వచ్చి నెలన్నర రోజులు అవుతున్నా కూడా ఇంతవరకు నిర్ణయాల విషయంలో వెనుకంజ కనిపిస్తోంది. మరోవైపు అన్నదాతలు మొదలుకొని పాఠశాలల్లో చదివే పిల్లల తల్లులు, నిరుద్యోగులు సైతం ఎదురుచూడాల్సిన పరిస్థితి నెలకొంది. ఏదీ కదలిక సార్వత్రిక ఎన్నికల సమయంలో చంద్రబాబు అండ్‌ కో భారీ ఎత్తున హామీలు ఇచ్చినా వెంటనే అమలుకు చర్యలు తీసుకోలేదు. ఇంకా ఎన్ని రోజులు పడుతుందోనన్న ఆలోచన ప్రజల్లో మెదలుతోంది. ముఖ్యమంత్రిగా ప్రమాణ స్వీకారం చేసే రోజునే సూపర్‌ సిక్స్‌కు గ్రీన్‌ సిగ్నల్‌ ఇస్తారని భావించారు. కానీ ఇంతవరకు అతీగతీ లేకపోవడంతో అర్థం కాని పరిస్థితి నెలకొంది. ఇంకా ఎంత సమయం తీసుకుంటారో తెలియడం లేదు.అన్నదాతకు ఏదీ భరోసా అన్నదాతకు ప్రతి ఏడాది కష్టకాలం వెంటాడుతోంది. వైఎస్‌ జగన్‌ సర్కార్‌ అధికారంలో ఉన్నన్నాళ్లు రైతు భరోసా పేరుతో ఠంఛనుగా నిధులు మంజూరు చేస్తుండడంతో అన్నదాతకు అన్ని విధాలా ఉపయోగపడేది. అయితే కూటమి సర్కార్‌ అ«ధికారంలో వచ్చాక ఖరీఫ్‌ సీజన్‌ ప్రారంభమై రెండు నెలలవుతున్నా ప్రకటించిన మేరకు అన్నదాత సుఖీభవ పథకం అమలుకు నోచుకోలేదు. కేంద్ర ప్రభుత్వం తన వాటాగా మొత్తాన్ని అందజేసినా రాష్ట్ర ప్రభుత్వం నిధులు మంజూరు చేయకపోవడంతో అన్నదాతలు పంటల సాగుకు అనేక ఇబ్బందులు ఎదుర్కొంటున్నారు. ప్రస్తుతం వర్షాలు లేక కరువు పరిస్థితులు కనిపిస్తున్న తరుణంలో వెంటనే నిధులు విడుదల చేయాలని రైతులు డిమాండ్‌ చేస్తున్నారు. పాఠశాలలు ప్రారంభమైనా.. జిల్లాలో పాఠశాలలు జూన్‌ 13వ తేదీ నుంచి ప్రారంభమయ్యాయి. 1 నుంచి 10వ తరగతి వరకు విద్యార్థులు పాఠశాలలకు కూడా వెళుతున్నారు. ఈ ప్రభుత్వం ఇంటర్‌ విద్యార్థులకు తల్లికి వందనం పథకం కింద రూ. 15 వేలు ఇస్తామన్నా ఇప్పటికీ అతీగతీ లేదు. ప్రతి ఏడాది వైఎస్సార్‌ సీపీ ప్రభుత్వం అమ్మ ఒడి క్రమం తప్పకుండా నిరీ్ణత సమయానికే తల్లుల ఖాతాకు నిధులు జమ చేయడంతోపాటు విద్యార్థులకు పాఠశాల ప్రారంభం రోజే విద్యా సామగ్రితోకూడిన కిట్లను అందజేసేవారు. అయితే ప్రస్తుతం తల్లికి వందనం నిధుల కోసం ఇంకా ఎన్నిరోజులు ఎదురు చూడాల్సి వస్తుందోనని విద్యార్థుల తల్లులు పేర్కొంటున్నారు. భృతి కోసం నిరీక్షణ కూటమి సర్కార్‌ అధికారంలోకి వచ్చి దాదాపు నెలన్నర రోజులవుతున్నా నిరుద్యోగ భృతిపై కనీసం ఒక ప్రకటన కూడా చేయలేదు. ఎన్నాళ్లకిస్తారో...ఎలాంటి నిబంధనలు పెడతారోనన్న ఆందోళన నిరుద్యోగుల్లో ఉంది. ఉపాధి లేని నిరుద్యోగులకు ఒక్కొక్కరికి రూ. 3000 చొప్పున ఇస్తామని ప్రకటించినా నేటికీ ఆ ఊసే లేకుండా పోయింది. నిరుద్యోగులు ఎప్పుడెప్పుడా అని భృతి కోసం ఎదురు చూస్తున్నారు.కుప్పలు తెప్పలుగా హామీలు కూటమి ప్రభుత్వం అధికారంలోకి రావాలన్న ఏకైక లక్ష్యంతో కుప్పలు తెప్పలుగా హామీలు కురిపించింది. సూపర్‌ సిక్స్‌ పేరుతో మహిళలకు ఉచిత బస్సు ప్రయాణం, ప్రతి రైతుకు ఏటా 20వేల ఆర్థికసాయం, ప్రతి మహిళకు నెలకు రూ.1500, యువతకు 20 లక్షల ఉపాధి అవకాశాలు, లేదా నెలకు రూ.3వేల నిరుగ్యోగభృతి, స్కూల్‌కు వెళ్లే ప్రతి విద్యారి్థకి ఏడాదికి రూ.15వేలు, ప్రతి ఇంటికి ఉచితంగా ఏడాదికి 3 గ్యాస్‌ సిలిండర్లు ఇస్తామని చెప్పారు. అంతేకాకుండా రైతుకూలీలకు కార్పొరేషన్లు, 90శాత సబ్సిడీతో బిందుసేద్యం, ట్రాన్స్‌ఫార్మర్‌ ధర తగ్గింపు ఇలా చెప్పుకుంటూ పోతే కూటమి మేనిఫెస్టో 66 హామీలు గుప్పించింది. నా పేరు షేక్‌ మస్తాన్‌. మాది సంబేపల్లె మండలం దేవపట్ల గ్రామం. నేను డిగ్రీ పూర్తి చేశాను. ప్రస్తుతం ఖాళీగా ఉన్నాను. ఉద్యోగం కోసం ప్రయత్నిస్తున్నాను. ఇంకా ఎక్కడా ఉపాధి అవకాశం దొరకలేదు. కూటమి సర్కార్‌ మ్యానిఫెస్టోలో ప్రకటించినట్లుగా నిరుద్యోగ భృతి కింద రూ. 3 వేలు అందిస్తే ఎంతోకొంత ఉపశమనం లభిస్తుంది. ప్రభుత్వ ఆ దిశగా స్పందించాలి. మా పిల్లలందరికీ తల్లికి వందనం ఇవ్వాలి నాకు ఇద్దరు పిల్లలు. పెద్ద పాప షన మూడో తరగతి, రెండో పాప రజియా రెండో తరగతి చదువుతున్నారు. మాది సామాన్య కుటుంబం. ఎన్నికల సమయంలో కూటమి ప్రభుత్వం ఏర్పాటైతే ప్రతి విద్యార్థికి రూ.15 వేలు చొప్పున తల్లికి వందనం ద్వారా ఇస్తామన్నారు. హామీ నిలబెట్టుకుని చదువుకునే పిల్లలందరికీ తల్లికి వందనం అందించాలి. –సహారాభాను, అప్పారావుతోట, మదనపల్లె.హామీలు అమలు చేయాలి ఎన్నికల సందర్భంగా కూటమి నేలతు ఇచ్చిన హామీలను తప్పక అమలు చేయాలి. అధికారాన్ని చేపట్టి 50 రోజులు గడుస్తున్నా కమిటీలు, సమీక్షల పేర్లతో కాలయాపన చేయడం పద్దతి కాదు. చదువులే ఆస్తిగా భావించిన పేద పిల్లలకు తల్లికి వందనం, విద్యా దీవెన, వసతి దీవెనను వెంటనే అందివ్వాలి. మహిళలకు ఉచిత బస్సు ప్రయాణం, రైతులకు సాగుసాయం వంటి వాటిని ఇంతవరకు అమలు చేయలేకపోవడం అన్యాయం. –ఎంరామాంజులు, సీఐటీయూ జిల్లా ప్రధాన కార్యదర్శి కాలయాపన చేయడం తగదు ఎన్నికల సమయంలో కూటమి ప్రభుత్వం ఇచ్చిన హామీలన్నీ బూటకమేనని మరో మారు రుజువు అవుతోంది. పాఠశాలలు, కళాశాలలు తెరిచి నెలరోజులు గడుస్తున్నా విద్యార్థుల చదువులకు కావాలసిన డబ్బులు ఇవ్వకుండా ప్రభుత్వం కాలయాపన చేయడం మంచిది కాదు. ముఖ్యమంత్రి చంద్రబాబునాయుడు మాయమాటలు నమ్మి మరోమారు ప్రజలు మోసపోయారు. – కొత్తిమీర ప్రసాద్,రాయచోటి

సత్యసాయి జిల్లా: కదిరిలో నాగుపాముతో ఆటలాడి.. కాటుకు గురైన యువకుడు నాగరాజు పరిస్థితి ఇంకా విషమంగానే ఉందని వైద్యులు చెబుతున్నారు. అతను బతికే అవకాశాలు చాలా తక్కువ ఉన్నాయని గురువారం ఉదయం బులిటెన్‌ ద్వారా ప్రకటించారు. పూటుగా మద్యం సేవించిన నాగరాజు.. రోడ్డు మీద ఓ నాగుపాముతో ఆటలాడిన దృశ్యాలు సోషల్‌ మీడియాలో వైరల్‌ అయ్యాయి. మద్యం మత్తులో ఉన్న నాగరాజు ఆ యువకుడు అక్కడున్న వారు వద్దని చెప్పినా వినిపించుకోలేదు. నాగుపాము తల వద్ద చేయి పెట్టి ఆడుతుండగా అది కాటేసింది. పాము కాటేసినా నాగరాజు దాన్ని వదలలేదు. దాన్ని కాలుతో తొక్కాడు. చివరకు అది పొదల్లోకి పారిపోయింది. ఆ తర్వాత నాగరాజును బలవంతంగానే స్థానికులు ఆస్పత్రికి తరలించారు. … pic.twitter.com/cV7yv0iQ2v— Telugu Scribe (@TeluguScribe) July 24, 2024

సాక్షి, హైదరాబాద్‌/​అమరావతి: తెలుగు రాష్ట్రాల్లో కొద్ది రోజులుగా వర్షాలు దంచికొడుతున్నాయి. భారీ వర్షాల నేపథ్యంలో ఇప్పటికే నదులు, చెరువులు, వాగులు పొంగిపొర్లుతున్నాయి. పలుచోట్ల లోతట్టు ప్రాంతాలు జలమయమయ్యాయి. మరోవైపు.. ఏపీలో, తెలంగాణలో రాబోయే 3-4 రోజుల పాటు భారీ వర్షాలు కురిసే అవకాశం ఉన్నట్టు వాతావరణ శాఖ అధికారులు చెబుతున్నారుకాగా, బంగాళాఖాతంలో మరో అల్పపీడనం ఏర్పడినట్టు వాతావరణ శాఖ తెలిపింది. ఈ నేపథ్యంలో ఏపీలో మోస్తరు నుంచి భారీ వర్షాలు కురిసే అవకాశం ఉంది. ఉత్తరాంధ్రలో చాలా చోట్ల భారీ వర్షాలు కురుస్తాయని వాతావరణ శాఖ పేర్కొంది. నాలుగు రోజులు పాటు మత్స్యకారులు వేటకు వెళ్లవద్దని అధికారులు హెచ్చరించారు. అల్పపీడనం కారణంగా తీరం వెంబడి గంటలకు 40-50 కి.మీల వేగంతో ఈదురుగాలులు వీస్తాయని తెలిపారు.ఇదిలా ఉండగా.. తెలంగాణలో కూడా రాబోయే మూడు రోజుల పాటు భారీ వర్షాలు కురుస్తాయని వాతావరణ శాఖ హెచ్చరించింది. నేడు ఉరుములు, మెరుపులతో కూడిన భారీ వర్షం కురిసే ఛాన్స్‌ ఉన్నట్టు తెలిపింది. ఇక, ఆసిఫాబాద్‌, మంచిర్యాల, పెద్దపల్లి జిల్లాలో భారీ వర్షాలు కురుస్తాయని పేర్కొంది. మూడు రోజుల పాటు నిర్మల్‌, నిజామాబాద్‌, జగిత్యాల, కరీంనగర్‌, భూపాలపల్లి, ములుగు, వరంగల్‌, హన్మకొండ, జనగాం, కామారెడ్డి జిల్లాల్లో భారీ వర్షాలు కురిసే ఛాన్స్‌ ఉందని వాతావరణ శాఖ హెచ్చరించింది.