అమెరికన్‌ ప్రెసిడెంట్‌గా వ్యవహరిస్తున్న వ్యక్తి భార్యను ఫస్ట్‌ లేడీ అని సంబోధిస్తారు. హాలీవుడ్‌లో ప్రస్తుతం ‘ఫస్ట్‌ లేడీస్‌’ అనే టైటిల్‌తో ప్రెసిడెంట్‌ సతీమణులపై ఓ సిరీస్‌ రూపొందబోతోంది. ఈ సిరీస్‌ మొదటి సీజన్‌లో అమెరికాకు ప్రెసిడెంట్లుగా వ్యవహరించిన ఇలియానోర్‌ రూజ్‌వెల్ట్‌ , బెట్టీ ఫోర్డ్, ఒబామా భార్యల కథలను చర్చించనున్నారు. ఇందులో ఒబామా భార్య మిచ్చెలీ ఒబామా పాత్రలో వయోలా డేవిస్‌ నటించనున్నారు. ‘మిచ్చెలీ లాంటి ధైర్యవంతురాలు, ఎక్స్‌ట్రార్డినరీ ఉమెన్‌ పాత్ర చేస్తున్నందుకు చాలా గర్వంగా ఉంది’ అని డేవిస్‌ అన్నారు.