హర్యానాలోని గురుగ్రామ్‌లో జరిగిన వింత పెళ్లి వేడుక స్థానికంగా చర్చనీయాంశంగామారింది. ఇద్దరు యువతులు ఆచార సంప్రదాయాలు పాటిస్తూ, పెళ్లి చేసుకున్నారు. ఈ వివాహ వేడుకలో ఇతర వివాహాలలో మాదిరిగానే అన్ని వ్యవహారాలు జరిగాయి.మీడియాకు అందిన వివరాల ప్రకారం ఈ వివాహ వేడుక హల్దీ వేడుకతో మొదలై అప్పగింతలతో ముగిసింది. కవితా టప్పు, అంజు శర్మలు వధూవరులుగా మారి దండలు మార్చుకుని పెళ్లి చేసుకున్నారు. వధువు వేషధారణలో ఉన్న కవిత, వరుడి వేషధారణలో ఉన్న అంజు శర్మ వేదికపై కుర్చీలలో కూర్చుని అతిథుల ఆశీర్వాదాలు అందుకున్నారు.భారతదేశంలో స్వలింగ సంపర్కుల వివాహానికి చట్టబద్ధమైన గుర్తింపు లేదు. అయినప్పటికీ వీరి వివాహానికి ఎటువంటి ఆటంకం ఎదురుకాలేదు. ఈ వివాహానికి కవిత, అంజుల కుటుంబ సభ్యులు, బంధువులు, స్నేహితులు హాజరయ్యారు. అయితే పెళ్లి జరిపించాల్సిన పురోహితునికి తాను ఇద్దరు యువతులకు పెళ్లి చేయాల్సి ఉందని తెలియానే అక్కడి నుంచి వెళ్లిపోయాడు. అయితే వారి బంధువులలో ఒకరు ఆ పురోహితుడిని ఒప్పించి వివాహ వేడుక సవ్యంగా జరిగేలా చూశారు.

నంద్యాల జిల్లా శిరివెళ్ల మండలం పచర్లలో దారుణం జరిగింది. చిరుత దాడిలో మాజీ సర్పంచ్ షేక్ మెహరున్నిసా మృతి చెందింది. కట్టెల కోసం అడవిలోకి వెళ్లిన షేక్ మెహరున్నిసాపై చిరుత దాడి చేసింది. తలను తినేసింది. మొండాన్ని వదిలేసింది. అయితే కట్టెల కోసం వెళ్లిన మెహరున్నిసా రాకపోవడంతో ఆమె కుటుంబ సభ్యులు, స్థానికులు గాలింపు చర్యలు చేపట్టారు. ఈ గాలింపు చర్యల్లో మెహరున్నిసా మొండెం లభ్యం కావడంతో హతాశులయ్యారు. స్థానికులు సమాచారంతో అటవీ శాఖ అధికారులు అప్రమత్తమయ్యారు. చిరుతను పట్టుకోవడానికి 10 కెమెరాలు , 2 బొన్లు ఏర్పాటు చేశారు. చిరుత కోసం అన్వేషణ ప్రారంభించారు. కాగా, నాలుగు రోజుల క్రితం కూలీ షేక్ బీబీపై చిరుత దాడి చేసింది.

చుట్టుపక్కల వాళ్లంతా ఈ ఏజ్‌లో ఇవి నేర్చుకుంటున్నావా అని ఒకటే హేళన చేసేవారు ఆమెను. సోషల్‌ మీడియాలో సైతం ఈ వయసులో ఎందుకు మీకు..హాయిగా కృష్ణ.. రామా.. అనుకుంటూ కూర్చొక అన్న మాటలు వినిపిస్తున్నే ఉన్నాయి. అయినా లెక్కచేయకుండా ఉత్సాహభరితంగా తనకు నచ్చినవి అన్నీ చేస్తూ ఆనందంగా జీవిస్తున్నారు నీరూ సైనీ. ఆమె హర్యానాలోని పంచకులకి చెందిన 54 ఏళ్ల నీరూ సైనీ . సమాజంలో వృద్దులు అంటే ఇలానే ఉంటారనే మూస భావనను బ్రేక్‌ చేసింది నీరూ. ఆమె 40 ఏళ్ల వయసులో డ్యాన్సులు, బైకింగ్‌, ట్రెక్కింగ్‌ వంటివి నేర్చుకుని ఆదర్శంగా నిలిచింది. నేర్చుకోవాలనే జిజ్ఞాస ఉంటే వయసు అడ్డంకి కాదని ప్రూవ్‌ చేసి చూపించింది. ఇంతకీ ఆమె ఈ వయసులో ఇలా ఇవన్నీ నేర్చుకోవడానికి గల కారణం ఏంటంటే..చండీగఢ్‌లో ప్రభుత్వ ఉపాధ్యాయురాలిగా పనిచేస్తున్న నీరు కుంటుబ నేపథ్యం ఏంటంటే..నీరుకి 20 ఏళ్ల వయసులో పెళ్లయింది. ఆమె భర్త నేవీలో పనిచేస్తారు. ఆయనతో కలిసి సుమారు 26 దేశాలకు వెళ్లారు. అయితే ఆమె భర్తకు కేన్సర్‌ వచ్చిందని తెలిసిందో అప్పుడే ఆమె ప్రపంచం అంతా తలకిందులైపోయింది. 2000 సంవత్సరం అంతా నీరుకి బ్యాడ్‌ టైం అని చెప్పొచ్చు. భర్త మందులకే లక్షకు పైగా ఖర్చు అయ్యేది. ఎంతలా డబ్బు వెచ్చించినా ప్రయోజనం లేకుండా పోయింది. చివరికి ఆయన కేన్సర్‌తో పోరాడుతూ 2002లో మరణించారు. అప్పటికి ఆమెకు నాలుగు, పది సంవత్సరాల ఇద్దరు కుమార్తెలు ఉన్నారు. దీంతో ఒక్కసారిగా కుటుంబ భారం అంతా నీరుపై పడింది. భర్త చికిత్స కోసం దాచుకున్న డబ్బంతా ఖర్చు అయ్యిపోవడంతో ఒంటరిగా కూతుళ్లను పెంచడం ఆమెకు పెను భారమయ్యింది. అయినా అలానే ట్యూషన్‌, చెబుతూ కాలం వెళ్లదీసింది. ఈలోగా ఓ ప్రైవేటు పాఠశాలలో ఉపాధ్యాయురాలిగా ఉద్యోగం సంపాదించింది. అలా అంచెలంచెలుగా ఎదుగుతూ చివరికి ప్రభుత్వ ఉద్యోగం సంపాదించుకుంది. అలా ఆమె పదేహేనేళ్లు కూతుళ్ల బాధ్యతను నిర్వర్తించడంలోనే మునిగిపోయింది. నీరు పెద్ద కుమార్తె ఐవీ లీగ్‌ విశ్వవిద్యాలయంలో అడ్మిషన్‌ పొంది మంచి ఉద్యోగం సంపాదించగా, చిన్న కుమార్తె కూడా మంచి ఉద్యోగంలో సెటిల్‌ అయ్యింది. ఇద్దరూ ఆమెను వదిలి విదేశాలకు వెళ్లిపోవడంతో ఒంటిరిగా అయిపోయింది నీలు. ఒక్కసారిగా వచ్చిపడ్డ ఒంటరితనం భరించలేకపోయింది. ఇది ఆమె ఆరోగ్యంపై ప్రభావం చూపడంతో అనూహ్యంగా బరువు తగ్గిపోయింది. ఆమె బాధను చూడలేక చిన్న కూతురు తల్లితో గడిపేందుకు ఒక ఏడాది సెలవు తీసుకోవాలని నిర్ణయించుకుంది. ఆ టైంలోనే ధ్యానం చేయడం స్కూబా డ్రైవింగ్‌, స్కై డైవింగ్‌ వంటి సాహస క్రీడలపై దృష్టిసారించింది. తన కూతుళ్ల సాయంతోనే తనకు నచ్చినవన్నింటిన అలవోకగా నేర్చుకుంది. అంతేగాదు 52 ఏళ్ల వయసులో రెండు సోలో బైక్‌ రైడ్‌లను కూడా విజయవంతంగా పూర్తి చేసింది. ఆమె చండీగఢ్‌లోని ప్రభుత్వ పాఠశాలలో సైన్స్‌ టీచర్‌గా చేస్తూ ఇవన్నీ నేర్చుకుంది. పైగా ప్రతి స్త్రీ తన కోసం తను జీవించాలని తన కలలను కొనసాగించాలని చెబుతోంది నీరు. వ్యక్తిగత జీవితంలోని విషాదం నుంచి తేరుకుని నిలదొక్కుకోవడమే గాక పిల్లల భవిష్యత్తుని మంచిగా తీర్చిదిద్దింది. మళ్లీ జీవితంలో వచ్చి చేరిన శ్యూన్యతను చెదరగొట్టి కొత్త జీవితాన్ని ఎలా ఆస్వాదించాలో తెలిపింది. జీవితమనేది సవాలని దాన్ని నీకు నచ్చినట్లుగా మలుచుకుంటూ ముందుకు సాగిపోవాలని నీరు కథే చెబుతోంది కదూ..!.(చదవండి: ప్రపంచ సంగీత దినోత్సవం: సంగీతం మానసిక, శారీరక ఆరోగ్యాన్ని మెరుగుపరచగలదా..?)

సాక్షి, నాగర్‌కర్నూల్‌: చెంచు మహిళను వివస్త్రను చేసి అమానుషంగా దాడి చేసిన ఘటన నాగర్‌కర్నూల్‌ జిల్లాలో చోటు చేసుకుంది. వివరాలు ఇలా ఉన్నాయి. కొల్లాపూర్‌ మండలం మొలచింతలపల్లికి చెందిన చెంచు దంపతులు కాట్రాజు ఈశ్వరమ్మ–ఈదన్నలకు గ్రామంలో ఐదెకరాల వ్యవసాయ భూమి ఉంది. అదే గ్రామానికి చెందిన బండి వెంకటేశ్‌ ఈ భూమిని కౌలుకు తీసుకున్నాడు. వ్యవసాయ పనులతోపాటు సమీపంలోని ఇసుక ఫిల్టర్‌ వద్ద పనినిమిత్తం ఈశ్వరమ్మ–ఈదన్న దంపతులు వెంకటేశ్‌ వద్ద జీతం ఉంటున్నారు. వారం రోజుల కిందట ఈశ్వరమ్మ భర్తతో గొడవపడింది. ఆ తర్వాత మండల పరిధివలోని చుక్కాయిపల్లిలోని బంధువుల ఇంటికి వెళ్లింది. ఈ నెల 18వ తేదీన ఈశ్వరమ్మ కోసం బండి వెంకటేశ్‌ తన సోదరుడితో కలసి బైక్‌పై చుక్కాయిపల్లికి వెళ్లాడు. ఆమెను అదే బైక్‌పై మొలచింతలపల్లికి తీసుకొచ్చేందుకు తిరుగుపయనమయ్యాడు. మార్గమధ్యలో ఎల్లూరు శివారులో బైక్‌ ఆపాడు. పనులు ఎగ్గొట్టి పారిపోతావా అని ఆగ్రహిస్తూ ఈశ్వరమ్మను బైక్‌ నుంచి దింపాడు. అనంతరం కర్రతో విచక్షణ రహితంగా దాడి చేశాడు. ఇంటికి తీసుకొ చ్చిన తర్వాత కూడా ఆమెను వివస్త్రను చేసి కారంతో కాళ్లలో, సున్నిత అవయవాల(జననాంగాలు)పై దాడి చేశారు. కర్రకు ఓ వ్రస్తాన్ని చుట్టి డీజిల్‌తో మంట పెట్టి ఒంటిపై విచక్షణారహితంగా వాతలు పెట్టారు. మరుసటి రోజు ఉదయం బడి పిల్లల ఎన్‌రోల్‌మెంట్‌ కోసం ఆదివాసీ లిటరిటీ కౌన్సిల్‌(ఎన్‌ఏఎస్‌సీ) ప్రతినిధులు ఆ గ్రామానికి వచ్చారు. దీంతో ఈ విషయం వెలుగులోకి వ చ్చి0ది. బుధవారం సాయంత్రం ఏఎస్పీ రామేశ్వర్‌ను కలసి వారు ఫిర్యాదు చేశారు.కొందరు తమ భూములను కూడా బలవంతంగా తీసుకోవడంతో పాటు ఇలా దాడులు చేస్తున్నారని, ఈశ్వరమ్మపై జరిగిన దాడి సభ్యసమాజం తలదించుకునేలా ఉందని చెంచుసంఘం నాయకులు వాపోయారు. ఈశ్వరమ్మపై దాడి చేసిన ఘటనకు సంబంధించి నలుగురిని అరెస్టు చేసినట్లు నాగర్‌కర్నూల్‌ డీఎస్పీ శ్రీనివాసులు తెలిపారు. బండి వెంకటే‹Ù, ఆయన భార్య శివమ్మ, లింగస్వామి, లక్ష్మి దాడి చేసినట్టు తేలిందని, వీరిని అదుపులోకి తీసుకొని రిమాండ్‌కు తరలించినట్టు తెలిపారు. కాగా బాధితురాలు నాగర్‌కర్నూల్‌ జిల్లా ఆస్పత్రిలో చికిత్స పొందుతోంది. బాధితురాలికి అండగా ఉంటాం: జూపల్లి చెంచు మహిళపై జరిగిన అమానుష దాడి పట్ల మంత్రి జూపల్లి కృష్ణారావు విచారం వ్యక్తం చేశారు. బాధితురాలికి ప్రభుత్వం అండగా ఉంటుందని తెలిపారు. ఎస్పీ వైభవ్‌ గైక్వాడ్‌కు ఫోన్‌ చేసి కేసు దర్యాప్తుపై ఆరా తీశారు. అమానుషంగా ప్రవర్తించిన వ్యక్తులపై వెంటనే విచారణ చేపట్టి, ఇలాంటి ఘటనలు పునరావృతం కాకుండా చర్యలు తీసుకోవాలని ఆదేశించారు.

టైం బాగోకపోతే ఎంతటి వారైన దారుణమైన పరిస్థితుల్లోకి వెళ్లిపోవాల్సిందే. అంతేగాదు చేయని తప్పులకు బాధ్యత వహించాల్సి వస్తుంది, నిందలు కూడా పడాల్సి వస్తుంటుంది. శిక్ష అంత అనుభవించాక గానీ అసలు నిజం వెలుగులోకి రాదు. తీరా వచ్చినా పెద్దగా ప్రయోజనం ఉండదు కూడా. ఎందుకంటే దాని తాలుకా చేదు అనుభవాలన్ని భరించేసి ఉంటారు బాధితులు. ఇక వాస్తవం ఏంటో తేలినా..చివరికి సమాజం నుంచి వచ్చే టన్నుల కొద్ది జాలి బాధిస్తుందే తప్ప ఓదార్పునివ్వదు. పైగా అవేమీ వారి కోల్పోయిన సంతోషాన్ని, పరువును తెచ్చి ఇవ్వలేవు. 'నాకే ఎందుకు ఇలా'.. అన్న మాటలకందని వేదనే మిగులుతుంది. ఇలాంటి బాధనే ఫేస్‌ చేసింది యూఎస్‌కి చెందిన ఓ మహిళ. చేయని నేరానికి ఎన్నేళ్లు కటకటాల్లో మగ్గిందో వింటే కంగుతింటారు. అసలేం జరిగిందంటే..సాండ్రా హెమ్మె అనే 64 ఏళ్ల మిస్సౌరీ మాజీ పోలీసు అధికారి. తన సహ పోలీసు అధికారిణి జెష్కేని హత్య చేసిన కేసులో ఏకంగా 40 ఏళ్లకు పైగానే జైల్లో గడిపింది. అంతేగాదు యూఎస్‌ చరిత్రలోనే ఎక్కువకాలం తప్పుగా ఖైదు చేయబడిన మహిళగా నిలిచింది. ఆమె ఎన్నో ఏళ్ల నుంచి నిర్ధొషిగా విడుదలవ్వటం కోసం ఆశగా పోరాడుతోంది. ఈ కేసులో సరైన సాక్ష్యాధారాలు ఏమీ లేవు. కేవలం హెమ్మె నుంచి తీసుకున్న వాగ్మూలం ఒక్కటే ఆధారం చేసుకుని దోషిగా నిర్థారించి కోర్టు శిక్ష విధించినట్లు పిటిషన్‌లో ఉంది. నిజానికి ఆమె మానసిక అనారోగ్యంతో బాధపడుతుంది. వాటికోసం వాడిన బలమైన మందులు ప్రభావంతో పోలీసులు అడిగిన ప్రశ్నలకు అస్ఫష్టంగా ఇచ్చిన సమాధానాలనే బేస్‌ చేసుకుంది కోర్టు. అసలైన ట్విస్ట్‌ ఏంటంటే ఈ కేసుకి సంబంధించి సాక్ష్యాలు, కొన్ని భౌతిక సాక్ష్యాలు చాలా విరుద్ధంగా ఉన్నాయి. అలాగే హెమ్మె ఇచ్చిన సమాధానాల్లో నేరానికి లింక్‌ అప్‌ అయ్యేలా ఎలాంటా సమాధానాలు కూడా ఇవ్వలేదని బాధితరుపు న్యాయవాది హార్స్‌మన్‌ పిటిషన్‌లో పేర్కొన్నారు. పైగా కోర్టు మాత్రం ఆమె వాగ్ములాన్నే ప్రధానంగా తీసుకుని ఇంతలా శిక్ష విధించడం అమానుషమని వాదించారు కూడా. అంతేగాదు న్యూయార్క్‌లో ఉన్న ఇన్నోసెన్స్‌ ప్రాజెక్ట్‌ హెమ్మీ కేసును స్వీకరించి ఆమెకు న్యాయ చేసేందుకు ముందుకొచ్చింది. అంతేగాదు ప్రాజెక్ట్‌కి సంబంధించిన పోలీసులు హెమ్మెని ఈ కేసులో ఇరికించేలా సాక్ష్యాధారాలను సృష్టించారని ఆరోపణలు చేశారు. ఎందుకంటే..ఇన్నోసెన్స్‌ చేసిన దర్యాప్తులో.. హత్య జరిగిన తరువాత రోజే తన సహ పోలీసు అధికారి క్రెడిట్‌ కార్డుని హెమ్మె ఉపయోగించిందని, అలాగే ఆమె ట్రక్‌ చనిపోయిన బాధితురాలి ఇంటి వద్ద పార్క్‌ చేసి ఉందని పిటిషన్‌లో పోలీసులు చెప్పారు. అలాగే ఆ ప్రదేశంలోనే బాధితురాలి చెవిపోగులు గుర్తించినట్లు కూడా తెలిపారు. అయితే ఇవేమీ క్లియర్‌గా హెమ్మెనే ఈ హత్య చేసిందనేందుకు కచ్చితమైన సాక్ష్యాధారాలు కావు. పైగా బాధితురాలు పోలీసు అధికారి జెష్కే హత్యకు ముందు తర్వాత కూడా ఇలాంటి నేరాలు మహిళలపై చాలా జరగాయని, అందువల్ల ఈ నేరం హెమ్మె చేసే అవకాశం లేదని వెల్లడించింది. దీంతో కోర్టు ఆమెను నిర్దోషిగా ప్రకటించింది. ఏదీఏమైనా చేయని నేరానికి మానసిక సమస్యల రీత్యా ఓ అమాయకురాలు ఏకంగా 40 ఏళ్లుకు పైగా జైలు శిక్ష అనుభవించి రావడం నిజంగా చాలా బాధకర విషయం. వందమంది దోషులు తప్పించుకున్న పర్లేదు గానీ ఒక్క నిర్దోషికి అన్యాయంగా శిక్షపడకూడదు అన్న మాట ఈమె విషయంలో రివర్స్‌ అయ్యింది కదూ!.(చదవండి: మిస్‌ ఏఐ అందాల పోటీలో టాప్‌ 10 ఫైనలిస్ట్‌గా జరా శతావరి! ఎవరీమె..?)

సంకల్ప దీక్షతో.. అంతా సన్నద్ధమై.. ఓ మహత్తర కార్యానికి శ్రీకారం చుట్టారు. ముందుచూపుతో మొదలైన ప్రస్థానం నేడు మహానగరాన్ని కదిలిస్తోంది. మనకు తెలియకుండానే నగరం వాయు కాలుష్యమయంగా ఎలా అవుతుందో గమనించారు. నెలకు లక్షలాది క్వింటాళ్ల బొగ్గును కేవలం నగరంలోని ఇస్త్రీ వ్యాపారులే వినియోగిస్తున్నారంటే నమ్మగలరా.. ఇలా మనం ఎంత కాలుష్యంలో బతుకుతున్నామో గమనించారా.. బొగ్గురహిత ఇస్త్రీ నగరంలో విస్తరించాలనే సదుద్దేశంతో రోటరీ క్లబ్‌ ఆఫ్‌ హైదరాబాద్‌–ది లెజెండ్స్‌ శ్రీకారం చుట్టింది. అనుకున్నదే తడవుగా ఆచరణలో పెట్టి ఇస్త్రీ వ్యాపారులకు లాభాలతో పాటు సమయం, ఆరోగ్యం, పర్యావరణ పరిరక్షణకు పాటుపడుతోంది. ప్రాజెక్ట్‌ ‘ఎకో ప్రెస్సింగ్‌’ పేరుతో ఈ ప్రాజెక్టును మొదలు పెట్టింది. ఈ ఉద్యమం ఎలా మొదలైంది? దీనికి సహకరించినవారెవరు? వంటి విషయాలు తెలుసుకుందాం... – శ్రీనగర్‌కాలనీబొగ్గు రహిత ఇస్త్రీ ఉద్యమం మొదట బెంగుళూరులో ‘ఉద్యమ్‌ వ్యాపార్‌’ ఎన్‌జీఓతో మొదలైంది. రోడ్లపై, అపార్టుమెంట్లలో వాచ్‌మెన్స్‌గా పనిచేస్తున్న వారు బొగ్గు ఇస్త్రీపెట్టెలతో ఇస్త్రీ చేసేవారు. పర్యావరణ పరిరక్షణతో పాటు ఈ బొగ్గు ఇస్త్రీపెట్టెలతో వారికి తగ్గ ఆదాయం సమకూరేదికాదు..పైగా వాటిని ఉపయోగించేందుకు ముందస్తుగా చాలా తతంగమే చేయాలి.. పైగా బొగ్గును మండించే క్రమంలో వచ్చే పొగకు ఆరోగ్య సమస్యలు తలెత్తేవి. సమయం కూడా చాలా వృథా అయ్యేది.. ఇదంతా గమనించిన ఓ ఎన్‌జీఓ సంస్థ ఎల్‌పీజీ ఇస్త్రీ పెట్టెలను అందించి వారికి తోడుగా నిలిచింది. బెంగుళూరులో సుమారు 5వేల మందికి, చెన్నైలో 3వేల మందికి ఎల్‌పీజీ ఇస్త్రీల వాడకాన్ని నేర్పింది. ఇలా బొగ్గు రహిత నగరాలుగా చేయడానికి పూనుకుంది. భాగ్యనగరంలోనూ... గ్రేటర్‌ హైదరాబాద్‌లోని రోటరీ క్లబ్‌ ఆఫ్‌ హైదరాబాద్‌ ది లెజెండ్స్‌ ఫౌండర్‌ ప్రెసిడెంట్‌ మోహనవంశీ ఆలూరి చేస్తున్న సేవా కార్యక్రమాలను గమనించిన ‘ఉద్యమ్‌ వ్యాపార్‌’ దీనికి సంబంధించిన ప్రాజెక్టును వివరించారు. ఉద్యమ్‌ వ్యాపార్‌ ప్రతినిధులు కృష్ణన్, జూహీలు నగరానికి వచ్చి వారి ప్రాజెక్ట్‌ను వివరించి, క్లబ్‌ చేస్తున్న విస్తృత కార్యమాలకు ముగ్ధులై ఈ ప్రాజెక్ట్‌ను మీ క్లబ్‌ నుండే చేయాలని తెలిపారు. దీంతో ప్రాజెక్ట్‌ ‘ఎకో ప్రెస్సింగ్‌’ ఇస్త్రీ నగరంలో మోతీనగర్‌ నుండి ప్రారంభమై నేడు సుమారు 200 మందికిపైగా ఎల్‌పీజీ ఇస్త్రీలను అందించింది.బొగ్గు ఇస్త్రీల వల్ల నష్టాలుమహానగరంలో సుమారు 10 వేల మంది ఇస్త్రీ వ్యాపారులు ఉన్నారు. వీరిలో అధిక శాతం మంది ఇస్త్రీలకు ప్రధాన వనరుగా బొగ్గునే వాడుతున్నారు. ఒక్కొక్కరూ రోజుకు సుమారు రెండు కిలోల బొగ్గును వాడతారు. అంటే రోజుకు సుమారు 20వేల కేజీలు.. నెలకు 6లక్షలు, సంవత్సరానికి 72 లక్షల కిలోల బొగ్గును కేవలం ఇస్త్రీ వ్యాపారులే వినియోగిస్తున్నారంటే అతిశయోక్తికాదు.. నగరంలో వాయుకాలుష్యానికి ఇది కూడా ఒక సవాలుగా మారుతోంది. భారీగా పెరిగిన బొగ్గు ధరలు దీనికితోడు బొగ్గు ఖరీదుకూడా భారీగా పెరిగింది. బొగ్గు వినియోగానికి సుమారు నెలకు 2 నుండి మూడువేల వరకూ ఖర్చు చేస్తున్నారు. ఇస్త్రీ చేసేవారికి బొగ్గు మండా లంటే సుమారు గంటకు పైగా సమయం పడతుంది. పైగా మండించే క్రమంలో వచ్చే పొగ కారణంగా ఆరోగ్య సమస్యలు తలెత్తుతున్నాయి. బొగ్గు మండించడానికీ సమయం వృథా అవుతోంది. అంతేకాకుండా వీటికి ఉష్ణాన్ని అదుపుచేసే విధానం ఉండదు. దీంతో కొన్నిరకాల బట్టలు త్వరగా రంగుమారడం, ప్రధానంగా దుస్తులపైనున్న లోగోలు చెడిపోవడం, ఒక్కోసారి తెల్ల చొక్కాలపై మసి అంటి మరకలు పడటం వంటి సమస్యలు తలెత్తుతున్నాయి. ఇంతా చేస్తే చివరికి మిగిలేది నామమాత్రమే అని పలువురు నిర్వాహకులు వాపోతున్నారు.ఎల్‌పీజీ, ‘ప్రాజెక్ట్‌ ఎకో’తో లాభాలుఎల్‌పీజీ ఇస్త్రీలతో చాలా లాభాలున్నాయి. కమర్షియల్‌ సిలిండర్‌ 19 కేజీలు రెండు నుండి మూడు నెలలు వస్తుంది. పైగా దీని ధర రెండు వేలలోపు మాత్రమే.. బొగ్గుతో పోలిస్తే... ఖర్చు తగ్గి లాభాలతో పాటు సమయం కూడా కలిసి వస్తుంది. పర్యావరణానికి ఎటువంటి హానీ కలగదు. వినియోగదారులకు సంతోషకరమైన పనిని అందించవచ్చు. ఎందుకంటే ఇందులో ఇస్త్రీ పెట్టె ఉషో్టగ్రతలను అదుపు చేసే వెçసులుబాటు ఉంటుంది.వినియోగం చాలా సులువుబొగ్గు ఇస్త్రీపెట్టెల కంటే ఎల్‌పీజీ ఇస్త్రీల వినియోగం చాలా సులువైనది. త్వరగా హీట్‌ అయి హెచ్చు, తగ్గులను కంట్రోల్‌ చేసుకోవచ్చు. ఆదాయం పెరిగి సమయం కలిసొస్తుంది. ఇస్త్రీ వ్యాపారులు రోటరీ క్లబ్‌ సహకారంతో ఎల్‌పీజీని వాడి పర్యావరణాన్ని కాపాడాలి. –ధర్మ, ఇస్త్రీ వ్యాపారి, మోతీనగర్‌ప్రాజెక్ట్‌ ‘ఎకో ప్రెస్‌’ ఇలా..రోటరీ క్లబ్‌ ఆఫ్‌ హైదరాబాద్‌ లెజెండ్స్‌ వారు ‘ఉద్యమ్‌ వ్యాపార్‌’ ఆలోచనతో ప్రాజెక్ట్‌ ‘ఎకో ప్రెస్సింగ్‌’ను ముందుకు తీసుకెళుతున్నారు. వీరికి తోడుగా రోటరీక్లబ్‌ ఆఫ్‌ మద్రాస్, రోటరీ క్లబ్‌ జూబ్లీహిల్స్, సైనిక్‌పురి, గ్లోబర్‌ విజర్డ్స్, స్మార్ట్‌ హైదరాబాద్, సంస్కార్‌ స్కూల్స్‌తో పాటు పలు సంస్థలు సహకారాన్ని అందిస్తున్నాయి. ఎల్‌పీజీ ఇస్త్రీ ఏడువేలకు పైగా ఉంటుంది. కానీ వీరు వీటిని రూ. 2,500 మాత్రమే ఇస్తున్నారు. ఇందులో వాడే ఇత్తడి మెటీరియల్‌ ఖరీదుకు మాత్రమే వారు తీసుకుంటున్నారు. బొగ్గురహిత గ్రేటర్‌ హైదరాబాద్‌ నగరంగా తీర్చిదిద్దడమే ధ్యేయంగా పెట్టుకున్నామని, రెండు మూడు సంవత్సరాల్లో ప్రాజెక్ట్‌ పూర్తి చేయడానికి శ్రమిస్తామని ఎకో ఇస్త్రీ మేన్‌ ఆఫ్‌ హైదరాబాద్‌గా పేరున్న మోహనవంశీ తెలిపారు.కోల్‌ఫ్రీ ఇస్త్రీ నగరంగా... కాలుష్యాన్ని తగ్గించి హైదరాబాద్‌ను బొగ్గురహిత ఇస్త్రీ నిలయంగా చేయాలన్నదే మా సదుద్దేశం. ఈ ఆలోచనకు నాంది ఉద్యమ్‌ వ్యాపార్‌ సంస్థ. వారి ఆలోచనను రోటరీ క్లబ్‌ ఆఫ్‌ హైదరాబాద్‌–ది లెజెండ్స్‌ పూర్తిస్థాయిలో నెరవేర్చడానికి పూనుకున్నాం. నగరంలోని అందరికీ ఈ ఎల్‌పీజీ ఇస్త్రీపెట్టెల వినియోగంపై అవగాహన కలి్పంచి వారికి అందజేస్తాం. కోల్‌ఫ్రీ ఇస్త్రీ నగరంగా హైదరాబాద్‌ నిలుపుతాం. – ఆలూరి మోహనవంశీ, రోటరీక్లబ్‌ ఆఫ్‌ హైదరాబాద్‌ ది లెజెండ్స్‌ ఫౌండర్‌ ప్రెసిడెంట్‌

సాక్షి, హైదరబాద్‌: షాపింగ్‌ను, హైదరాబాద్‌ నగరాన్ని వేర్వేరుగా చూడటం దాదాపుగా సాధ్యం కాదేమో..! సిటీ లైఫ్‌స్టైల్‌లో షాపింగ్‌కు అంతటి ఆదరణ, క్రేజ్‌ ఉంది. ఇప్పటికే నగరంలో ఎన్నో మాల్స్, షాపింగ్‌ జోన్స్‌ ఉన్నప్పటికీ రద్దీ మాత్రం తగ్గట్లేదు. ఈ తరుణంలో ఇండియా కా హైపర్‌మార్ట్‌గా పిలుచుకునే ప్రతిష్టాత్మక ‘నేషనల్‌ మార్ట్‌’ను నగరంలో తాజాగా ప్రారంభించారు. షాపింగ్‌ ప్రియుల అవస్థలను తీర్చడానికి సుచిత్ర–మేడ్చల్‌ మధ్య 40 వేల చదరపు అడుగుల విస్తీర్ణంలో నేషనల్‌ మార్ట్‌ ఏర్పాటైంది. ఈ మార్ట్‌ వేదికగా కిరాణా సరుకులు, పానీయాలు, వ్యక్తిగత సంరక్షణ, స్టేషనరీ, గృహ–వంటగది ఉపకరణాలు, పాదరక్షలు, దుస్తులు అందుబాటులోకి వచ్చాయి. అంతేకాకుండా సిటీ లైఫ్‌స్టైల్‌కు ప్రతీకగా వినూత్న ఫ్యాషన్‌ శ్రేణులతో స్టైల్‌ మార్ట్‌ని సైతం పరిచయం చేస్తున్నామని నేషనల్‌ మార్ట్‌ వ్యవస్థాపకుడు యష్‌ అగర్వాల్‌ తెలిపారు. అవాంతరాలు లేని షాపింగ్‌ కోసం 24 బిల్లింగ్‌ కౌంటర్లను ఏర్పాటు చేశామని పేర్కొన్నారు. వినియోగదారులందరికీ షాపింగ్‌ను మరింత అందుబాటులోకి తీసుకురావడానికి ప్యాకెట్‌ ఫ్రెండ్లీ ధరలతో సేవలందిస్తున్నామని యష్‌ వివరించారు.

నాలుగున్నరేళ్లకే ఆసియా బుక్‌ ఆఫ్‌ రికార్డ్స్‌ వంద దేశాలు, రాజధానులు, కరెన్సీ పేర్లు టకటకా చెప్పేస్తారు ప్రఖ్యాత ప్రదేశాలు, ప్రముఖ వ్యక్తుల పేర్లు, జీకే ప్రశ్నలకు కూడా..అద్భుతమైన జ్ఞాపక శక్తి ఆ ఇద్దరి అన్నదమ్ముల సొంతం. ఒక్కసారి చదివినా, చెప్పింది విన్నా ఇట్టే గుర్తుంటుంది. ఏడాదిన్నర వయసులోనే విషయం గ్రహించిన తల్లిదండ్రులు పిల్లల పట్ల ప్రత్యేక శ్రద్ధ వహించారు. సాధారణంగా భారతదేశం రా్రష్టాలు, రాజధానులు, చిత్రపటంలో గుర్తించడం వంటివి చెప్పారు. అవి ధారాళంగా పలకడం, గుర్తుంచుకుని చెప్పడం చూసిన తల్లిదండ్రులు ప్రపంచపటం వైపు అడుగులు వేశారు. ఆ వివరాలేంటో తెలుసుకుందాం... వంద దేశాలను లక్ష్యంగా చేసుకుని దేశాలు, రాజధానులు, కరెన్సీల పేర్లను ప్రాక్టీస్‌ చేయించారు. ఆ బుడతలకు మూడేళ్లకే వంద దేశాల సమాచారం నాలుకమీద నడయాడుతుంది. అసాధారణ ప్రతిభను చూసిన తల్లిదండ్రులు ఇండియా బుక్‌ ఆఫ్‌ రికార్డ్స్, ఆసియా బుక్‌ ఆఫ్‌ రికార్డ్స్‌ ప్రతినిధులను సంప్రదించారు. ఇంకేముంది పిల్లల తెలివితేటలను గుర్తించిన ఆయా సంస్థల ప్రతినిధులు రికార్డుల్లో స్థానం కలి్పంచారు. అయితే ఇంత సమాచారాన్ని గుక్కతిప్పుకోకుండా చెప్పడం అందరికీ సాధ్యం కాదనే చెప్పాలి. భాగ్యనగరానికి చెందిన బుడుమూరు గౌతం నంది మాత్రం నాలుగున్నరేళ్లకే ఆ అసాధ్యాన్ని సుసాధ్యం చేశాడు. 3.59 నిమిషాల్లో..దేశాలు, రాజధానులు, భారత దేశంలోని రాష్ట్రాలు, రాజధానులు, 25 జంతువుల పేర్లు, 30 మంది చారిత్రక వ్యక్తుల పేర్లు, 12 జనరల్‌ నాలెడ్జ్‌ వంటి ప్రశ్నలకు సమాధానాలు కేవలం 3.59 నిమిషాల్లో టకటకా చెప్పేశాడు. ఇంకేముంది ఇండియన్‌ బుక్‌ ఆఫ్‌ రికార్డ్స్, ఆసియా బుక్‌ ఆఫ్‌ రికార్డ్స్‌లో స్థానం సంపాదించుకున్నాడు. దీంతో పాటు పాటలు పాడటం, రామాయణం, భగవద్గీత, కొన్ని ఆధ్యాతి్మక శ్లోకాలు ఇట్టే చెప్పేస్తున్నాడు. ప్రస్తుతం మహాభారతం చదువుతున్నాడు. దీంతో పాఠశాల స్థాయిలో వివిధ రకాల పోటీల్లో చురుగ్గా పాల్గొనడం అలవాటుగా మార్చుకున్నాడు. యాజమాన్యాలు సైతం గౌతం ప్రతిభను గుర్తించి ఎక్కడ ప్రతిభ పోటీలు నిర్వహించినా తమ పాఠశాల నుంచి పాల్గొనేందుకు అవకాశం కలి్పస్తున్నాయి. ప్రస్తుతం మూడో తరగతికి వెళుతున్న గౌతం నంది తల్లిదండ్రుల ప్రోత్సాహం, యూ ట్యూబ్‌ సాయంతో సెల్ఫ్‌ లెరి్నంగ్‌ స్కిల్స్‌లో దూసుకుపోతున్నాడు. అన్న బాటలో తమ్ముడు... అన్న గౌతం నంది అలవాట్లు, తెలివితేటలు తమ్ముడు కౌస్తవ్‌ నందికి కూడా అబ్బాయి. మూడేళ్ల వయసులోనే 50 మంది ఆవిష్కర్తల పేర్లు, భారత రాష్ట్రాలు, 10 శ్లోకాలు, 6 ఇంగ్లి‹Ù, 5 తెలుగు నర్సరీ రిథమ్స్, 50 రకాల పండ్లు, 50 జంతువులు, 30 మంది చారిత్రక వ్యక్తుల పేర్లు, 20 జనరల్‌ నాలెడ్జ్‌ ప్రశ్నలకు సమాధానాలు చెప్పిన బుడుమూరు కౌస్తవ్‌ నంది ఇండియన్‌ బుక్‌ ఆఫ్‌ రికార్డ్స్‌లో స్థానం సంపాదించుకున్నాడు. ఈ పిల్లాడు ఇంకా పాఠశాలలో చేరకపోవడం విశేషం.తల్లిదండ్రులు శ్రద్ధవహించాలి.. గౌతం నంది తెలివితేటలను ఏడాదిన్నర వయసులోనే గుర్తించాం. అందుకే ఎక్కువ సమయం కేటాయించేవాళ్లం. చెప్పేకొద్దీ తెలివితేటలు ఆశ్యర్యం కలిగించేవి. దీంతో తల్లి కల్పన ప్రత్యేకంగా శ్రద్ధ పెట్టారు. ఈ క్రమంలో ఇండియా బుక్‌ ఆఫ్‌ రికార్డ్స్‌ ప్రతినిధులను సంప్రదించాం. వారు గౌతం ప్రతిభకు గుర్తించారు. మరో ఏడాది తరువాత ఆసియా బుక్‌ ఆఫ్‌ రికార్డ్స్‌లో స్థానం లభించింది. కౌస్తవ్‌ సైతం అదే బాటలో వెళుతున్నాడు. చిన్నప్పటి నుంచే తల్లిదండ్రులు ప్రత్యేక శ్రద్ధ వహిస్తే మంచి ఫలితాలు సాధించొచ్చని నమ్ముతా. – వెంకట అప్పలనాయుడు, విద్యార్థి తండ్రి

గచ్చిబౌలి: ఎలక్ట్రికల్‌ మ్యూజిక్‌ అంటేనే హై హోల్టేజీ సౌండ్‌ ఉంటుంది. ఆ మ్యూజిక్‌ను వినాలంటే మామూలుగానైతే కర్ణబేరి బద్దలైనట్లు ఉంటుంది. కాని డ్రగ్స్‌ తీసుకున్న వారు ఆ మ్యూజిక్‌ను ఎంజాయ్‌ చేస్తుంటారు. ఇదే తరహలో సైబరాబాద్‌ కమిషనరేట్‌కు కూతవేటు దూరంలో ఖాజాగూడలోని ద కేవ్‌ పబ్‌లో ‘ఫారెస్ట్‌ సైకెడలిక్‌ పార్టీ’ని నిర్వహించారు. డ్రగ్స్‌ సేవించి పార్టీలో పాల్గొన్నారని సమాచారం అందడంతో సైబరాబాద్‌ పోలీసులు, తెలంగాణ నార్కొటిక్‌ బ్యూరో శనివారం రాత్రి ఖాజాగూడలోని ఎస్‌వీ ఆర్కెడ్‌ లోని నాల్గవ అంతస్తులో ఉన్న ‘ద కేవ్‌ పబ్‌పై మెరుపు దాడి చేసింది. పార్టీలో పాల్గొన్న వారందరికీ మెడికల్‌ టెస్ట్‌లు నిర్వహించారు. 24 మందికి పాజిటివ్‌గా నిర్థారణ అయ్యింది. ఆదివారం గచ్చిబౌలిలో నిర్వహించిన విలేకరుల సమావేశంలో మాదాపూర్‌ డీసీపీ డాక్టర్‌ వినీత్‌ కేసు వివరాలను వెల్లడించారు. రాత్రి 10.30 గంటల సమయంలో నార్కొటిక్‌ బ్యూరో, ఎస్‌ఓటీ, రాయదుర్గం పోలీసులు సంయుక్తంగా కేవ్‌ పబ్‌పై దాడి చేశారని తెలిపారు. పారీ్టలో పాల్గొన్న, హోటల్‌లో పని చేస్తున్న 55 మందిని అదుపులోకి తీసుకొని టెస్ట్‌ చేయగా 24 మందికి పాజిటివ్‌గా నిర్ధారణ అయ్యిందన్నారు. పలు మల్టీ నేషనల్‌ కంపెనీలలో పని చేసే సాఫ్ట్‌వేర్‌ ఇంజనీర్లు, వ్యాపారవేత్తలు, విద్యార్థులు ఉన్నారని చెప్పారు. పాజిటివ్‌ వచ్చిన వారితో పాటు కేవ్‌ పబ్‌ మేనేజర్‌ బెంగళూర్‌కు చెందిన సందీప్‌ శర్మ(44)ను అరెస్ట్‌ చేశామన్నారు. పబ్‌ యజమానులు రాజేష్, అభినవ్, సాయి కృష్ణ, సన్నీలు పరారీలో ఉన్నారని వివరించారు. సైకెడలిక్‌ పార్టీ ఆర్గనైజర్, డీజే ఆపరేటర్‌ న్యూ మల్లెపల్లికి చెందిన అబ్ధుల్‌ అయూబ్‌(24) ఇన్‌స్ట్రాగామ్‌లో సైకెడలిక్‌ పార్టీ ఉన్నట్లు ప్రచారం చేశారన్నారు. దీంతో వివిధ ప్రాంతాల నుంచి వేర్వేరు బృందాలు వేర్వేచు చోట్ల గంజాయి, కొకైన్‌ , ఎండీఎంఏ సేవించి వచి్చనట్లు గుర్తించినట్లు తెలిపారు. 17 మంది గాంజా, ఇద్దరు కొకైన్, గాంజా, నలుగురు ఎండీఎంఏ, గాంజా, ఒకరు ఎండీఎంఏ సేవించినట్లు డీసీపీ తెలిపారు. గాంజా, ఎండీఎంఏ, కొకైన్‌ ఎక్కడ సేవించారు, ఎక్కడి నుంచి కొనుగోలు చేశారనే అంశాలపై సమగ్ర విచారణ చేయాల్సి ఉందన్నారు. నార్కొటిక్‌ బ్యూరో డీఎస్‌పీ సీహెచ్‌.శ్రీధర్‌ , టాస్‌్కఫోర్స్‌ డీఎస్‌పీ టి.శ్రీనివాస్, ఏడీసీపీ జయరాం, ఏసీపీ శ్రీకాంత్, ఇన్‌స్పెక్టర్లు దాలినాయుడు, సంజయ్, సీహెచ్‌.వెంకన్న తదితరులు పాల్గొన్నారు. పబ్‌లపై చర్యలు తప్పవు డ్రగ్‌ సేవించే వారి కోసం పార్టీలు నిర్వహిస్తే పబ్‌లపై కఠిన చర్యలు తీసుకుంటామని మాదాపూర్‌ డీసీపీ వినీత్‌ హెచ్చరించారు. ర్యాండమ్‌గా పబ్‌లలో తనిఖీలు చేస్తామని అక్కడికక్కడే యూరిన్‌ కిట్ల పరీక్షలు నిర్వహిస్తామని తెలిపారు. పాజిటివ్‌గా తేలితే సంబంధిత వ్యక్తులపై ఎన్‌డీపీఎస్‌ యాక్ట్‌ ప్రకారం కేసు నమోదు చేస్తామని తెలిపారు. మత్తు పదార్థాలు అమ్ముతున్నట్లు, వాడుతున్నట్లు సమాచారం 8712671111 ఫోన్‌ నెంబర్‌కు తెలియజేయాలని సూచించారు. డ్రగ్‌ రహిత సమాజం ప్రతి ఒక్కరు సహకరించాలని కోరారు.24 మందికి పాజిటివ్‌ ద కేవ్‌ పబ్‌ డీజే ఆపరేటర్, ఈవెంట్‌ ఆర్గనైజర్‌ మల్లెపల్లికి చెందిన అబ్ధుల్లా అయూబ్, మేనేజర్‌ శేఖర్‌ కుమార్‌(52), పార్టీకి వచి్చన కస్టమర్లు మహ్మద్‌ అడ్నన్‌ బారీ(23), మహ్మద్‌ అలీ(29), సాయి కిరణ్‌ బేగరీ(31), గిరిధర్‌ మనీష్‌(39), చింతమ్‌ పూజిత్‌ (24), మహేష్‌ చంద్ర(24), మహ్మద్‌ యాసిన్‌(22), మహ్మద్‌ రఫీ నిజామీ(22), సాయి ప్రణీత్‌(23), కంది రేగుల కిరణ్‌(25), నేరడుమల్లీ సందీప్‌(24), పోతురి వంశీ కృష్ణ(24), మహ్మద్‌ అర్బజ్‌(24), మిరాజ్‌ అసద్‌ అహ్మద్‌(25), మహ్మద్‌ సయ్యద్‌రజా(26), పూలపల్లి శివ(22), ఎం.డి.నవాజుద్ధీన్‌(29), అయలసోమయాజుల సాయి గౌరంగ్‌(26), ఎం.హరికృష్ణ(26), కె.మధుసూదన్‌(24), అనీస్‌ ముష్రాఫ్‌(39), డి.రోహిత్‌ వర్మ(26)లకు పాజిటివ్‌గా తేలింది. వారందరికి తదుపరి వైద్యపరీక్షలు నిర్వహించనున్నారు.

సనత్‌నగర్‌: బల్కంపేట ఎల్లమ్మ కల్యాణోత్సవం సందర్భంగా నేటి నుంచి మూడు రోజుల పాటు ట్రాఫిక్‌ ఆంక్షలు విధించినట్లు పోలీసులు తెలిపారు. కల్యాణం జరిగే 9న, రథోత్సవం నిర్వహించే 10న భక్తులు విశేషంగా తరలిరానున్న నేపథ్యంలో ఈ నెల 8 నుంచి 10 వరకు ట్రాఫిక్‌ ఆంక్షలు అమలులో ఉంటాయని పేర్కొన్నారు. వాహనదారులు, ప్రయాణికులు గమనించి ప్రత్యామ్నాయ మార్గాల్లో వెళ్లాల్సిందిగా సూచించారు. ట్రాఫిక్‌ ఆంక్షలు ఇలా ఉన్నాయి. గ్రీన్‌ల్యాండ్స్, మాతా టెంపుల్, సత్యం థియేటర్‌ నుంచి ఫతేనగర్‌ వైపు వెళ్లే ట్రాఫిక్‌ను ఎస్‌ఆర్‌నగర్‌ టి–జంక్షన్‌ వద్ద మళ్లించి ఎస్‌ఆర్‌నగర్‌ కమ్యూనిటీ హాల్, అభిలాష టవర్స్, బీకేగూడ ఎక్స్‌రోడ్డు, శ్రీరామ్‌నగర్‌ క్రాస్‌రోడ్డు, సనత్‌నగర్‌ మీదుగా ఫతేనగర్‌ రోడ్డు వైపు అనుమతిస్తారు. ⇒ ఫతేనగర్‌ ఫ్లైఓవర్‌ నుంచి బల్కంపేట వైపు వెళ్లే వాహనాలను కొత్త వంతెన వద్ద కట్టమైసమ్మ దేవాలయం, బేగంపేట వైపు మళ్లిస్తారు. ⇒ గ్రీన్‌ల్యాండ్స్‌–బకుల్‌ అపార్ట్‌మెంట్స్, ఫుడ్‌వరల్డ్‌ నుంచి వచ్చే వాహనాలను బల్కంపేట వైపు అనుమతించరు. ఫుడ్‌వరల్డ్‌ ఎక్స్‌ రోడ్డులో సోనాబాయి టెంపుల్, సత్యం థియేటర్, మైత్రివనం లేదా ఎస్‌ఆర్‌నగర్‌ టి–జంక్షన్‌ వైపు మళ్లిస్తారు. ⇒ బేగంపేట కట్టమైసమ్మ దేవాలయం నుంచి వచ్చే వాహనాలు బల్కంపేట వైపు వెళ్లడానికి అనుమతించరు. ఆ ట్రాఫిక్‌ను గ్రీన్‌ల్యాండ్స్, మాతా ఆలయం, సత్యం థియేటర్, ఎస్‌ఆర్‌నగర్‌ టి–జంక్షన్‌ ఎడమ మలుపు నుంచి ఎస్‌ఆర్‌నగర్‌ కమ్యూనిటీ హాల్‌ వైపు మళ్లిస్తారు. ⇒ ఎస్‌ఆర్‌నగర్‌ టి–జంక్షన్‌ నుంచి ఫతేనగర్‌ వరకు బైలేన్లతో పాటు లింక్‌ రోడ్లు మూసివేస్తారు. వాహనాల పార్కింగ్‌ ఇలా.. ఎస్‌ఆర్‌నగర్‌ టి–జంక్షన్‌ సమీపంలో ఆర్‌అండ్‌బీ కార్యాలయం, ఫుడ్‌వరల్డ్‌ ఎక్స్‌రోడ్డు సమీపంలోని జీహెచ్‌ఎంసీ గ్రౌండ్, నేచర్‌క్యూర్‌ హాస్పిటల్‌ రోడ్డు సైడ్‌ పార్కింగ్, నేచర్‌క్యూర్‌ హాస్పిటల్‌ పార్కింగ్, ఫతేనగర్‌ రైల్వే వంతెన కింద పార్కింగ్‌ ప్రాంతాలను గుర్తించారు. భక్తులు తమ వాహనాలను నిరీ్ణత పార్కింగ్‌ ప్రదేశాల్లో మాత్రమే సక్రమంగా పార్కింగ్‌ చేయాలని ట్రాఫిక్‌ పోలీసులు సూచించారు. ఏదైనా అత్యవసర పరిస్థితుల్లో, ప్రయాణ సహాయం కోసం ట్రాఫిక్‌ హెల్ప్‌లైన్‌ 90102 03626కు ఫోన్‌ చేయాలన్నారు.