మరోసారి విధ్వంసం సృష్టించిన శార్దూల్‌ ఠాకూర్‌

కొన్నిసార్లు అంతే! అందుబాటులో ఉన్నాసరే సరిగా వినియోగించుకోవడం తెలియాలి. ఎవరో వచ్చి తాము చేయలేనిది చేస్తే అప్పుడు అర్థమవుతోంది. హిందీ దర్శకనిర్మాతల పరిస్థితి ఇప్పుడు ఇలానే ఉందేమో! ఎందుకంటే బాలీవుడ్ చేయలేని ఓ పని.. ఇప్పుడు 'దేవర' చేసి చూపించాడు. ఇప్పటివరకు ఎవరి గురించి చెప్పామా ఈపాటికే మీకు అర్థమై ఉంటుందనుకుంటా! హీరోయిన్ జాన్వీ కపూర్ గురించే ఇదంతా!(ఇదీ చదవండి: 'బిగ్‌బాస్' హోస్టింగ్ నుంచి తప్పుకొన్న కమల్.. కారణమదే)అతిలోక సుందరి శ్రీదేవి కూతురిగా జాన్వీ కపూర్ అందరికీ తెలుసు. హీరోయిన్‌గా ఎంట్రీ ఇచ్చి దాదాపు ఆరేళ్లు అయిపోయింది గానీ ఇప్పటివరకు సరైన హిట్ ఒక్కటీ లేదు. పోనీ గ్లామర్ పరంగా అయినా బాలీవుడ్ ఉపయోగించుకుందా అంటే అదీ లేదు. జాన్వీ ఇప్పటివరకు చేసిన సినిమాల్లో పెద్దగా గ్లామర్ చూపించే ఛాన్స్ రాలేదు. ఇప్పుడదే 'దేవర' చేసి చూపించాడు.జాన్వీ కపూర్ అందాలకు సోషల్ మీడియాలో విపరీతమైన ఫాలోయింగ్ ఉంది. కానీ ఇప్పటివరకు బాలీవుడ్‌లో ఒక్కరు కూడా 'దేవర' పాటలో ఉన్నంత అందంగా ఈమెని చూపించలేకపోయారు. ఈ సాంగ్ మీద ట్రోల్స్ వస్తున్నాయి గానీ జాన్వీని మాత్రం ఎవరేం అనట్లేదు. యూట్యూబ్‌లోనే ఈ రేంజ్ రెస్పాన్స్ వస్తుందంటే.. థియేటర్లలో ఈ పాట చూసిన తర్వాత జాన్వీకి ఇంకెంత మంది ఫ్యాన్స్ అయిపోతారో?(ఇదీ చదవండి: 'దేవర' విలన్‌కి అరుదైన వ్యాధి.. అదేంటంటే?)

‘‘మొదలైంది... తెలుసు కదా’ అంటున్నారు సిద్ధు జొన్నలగడ్డ. ప్రముఖ కాస్ట్యూమ్‌ డిజైనర్‌ నీరజ కోన దర్శకురాలిగా పరిచయం అవుతున్న రొమాంటిక్‌ ఎంటర్‌టైనర్‌ ‘తెలుసు కదా’. ఈ చిత్రంలో సిద్ధు జొన్నలగడ్డ హీరోగా నటిస్తుండగా, రాశీ ఖన్నా, శ్రీ నిధి శెట్టి హీరోయిన్లుగా నటిస్తున్నారు.టీజీ విశ్వప్రసాద్‌ నిర్మిస్తున్న ఈ సినిమా చిత్రీకరణ మంగళవారం ప్రారంభమైంది. దాదాపు ముప్పై రోజుల పాటు సాగే ఈ షెడ్యూల్‌లో కొంత టాకీ పార్టుతో పాటు పాటలనూ చిత్రీకరించనున్నారు. ‘‘తొలి రోజు సిద్ధు, రాశీ కాంబినేషన్‌లోని సన్నివేశాల చిత్రీకరణను ప్రారంభించాం’’ అని చిత్రబృందం తెలిపింది.

‘‘నేనిప్పటివరకూ వైవిధ్యమైన పాత్రలు చేశాను. తొలిసారి ‘డబుల్‌ ఇస్మార్ట్‌’ చిత్రంలో యాక్షన్‌ సీన్స్‌ చేశాను. మొదటిసారి ఫైట్స్‌ చేయడం, పాటల్లో ఫుల్‌ జోష్‌తో డ్యాన్స్‌ చేసే అవకాశం రావడం సవాల్‌గా అనిపించింది’’ అని హీరోయిన్‌ కావ్యా థాపర్‌ అన్నారు. రామ్‌ పోతినేని హీరోగా పూరి జగన్నాథ్‌ దర్శకత్వం వహించిన చిత్రం ‘డబుల్‌ ఇస్మార్ట్‌’. పూరి జగన్నాథ్, ఛార్మీ కౌర్‌ నిర్మించిన ఈ చిత్రాన్ని తెలుగు, తమిళ, కన్నడ, మలయాళ, హిందీ భాషల్లో ఈ నెల 15న ప్రైమ్‌షో ఎంటర్‌టైన్‌మెంట్‌ విడుదల చేస్తోంది. ఈ సందర్భంగా కావ్యా థాపర్‌ పంచుకున్న విశేషాలు. పూరి జగన్నాథ్‌గారి దర్శకత్వంలో నటించాలని ఉండేది. ‘ఇస్మార్ట్‌ శంకర్‌’కి ఆడిషన్‌ ఇచ్చాను కానీ కుదరలేదు. ‘డబుల్‌ ఇస్మార్ట్‌’కి నా ఆడిషన్స్‌ నచ్చి పూరి సార్, ఛార్మీగారు చాన్స్‌ ఇచ్చారు. ఇప్పుడు డబుల్‌ ఫన్, ఎంటర్‌టైన్మెంట్‌ ఉండే ఈ సినిమాలో అవకాశం రావడం మరింత హ్యాపీగా ఉంది. పూరీగారు గొప్ప డైరెక్టర్‌. ఆయన్నుంచి చాలా విషయాలు నేర్చుకున్నాను. ఈ మూవీలో నా క్యారెక్టర్‌ చాలా బోల్డ్‌ అండ్‌ స్ట్రాంగ్‌గా ఉంటుంది. అలాగే చిన్న అమాయకత్వం కూడా ఉంటుంది. రామ్‌గారితో సాంగ్‌ షూట్‌లో ఫస్ట్‌ డే మార్నింగ్‌ సిక్‌ అయ్యాను. చాలా ఎనర్జీ, పవర్‌ కావాల్సిన సాంగ్‌ అది. అయినా సెట్‌కి వెళ్లాను. ఛార్మీగారు హాస్పిటల్‌కి తీసుకెళ్లారు. నన్ను చాలా జాగ్రత్తగా చూసుకున్నారు. మూడు రోజుల తర్వాత డబుల్‌ ఎనర్జీతో డిస్‌చార్జ్‌ అయ్యాను... నా బెస్ట్‌ డ్యాన్స్‌ ఇచ్చాను. మణిశర్మగారు లెజండరీ కంపోజర్‌. ఆయన సాంగ్స్‌కి డ్యాన్స్‌ చేయడం అదృష్టంగా భావిస్తున్నాను. ‘డబుల్‌ ఇస్మార్ట్‌’ నేరుగా హిందీలో రిలీజ్‌ కావడం చాలా ఎగ్జయిటింగ్‌గా ఉంది. నాకు యాక్షన్‌ రోల్స్, అడ్వంచరస్‌ మూవీస్‌ చేయాలని ఉంది. ప్రస్తుతం గోపీచంద్‌గారితో ‘విశ్వం’ చిత్రంలో నటిస్తున్నాను. మరికొన్నిప్రాజెక్ట్స్‌ చర్చల్లో ఉన్నాయి.

ఓటీటీలో ‘ఇది చూడొచ్చు’ అనేప్రాజెక్ట్స్‌ చాలా ఉంటాయి. ప్రస్తుతం స్ట్రీమింగ్‌ అవుతున్న వాటిలో ప్రముఖ దర్శకుడు రాజమౌళిపై రూపొందిన ‘మోడ్రన్‌ మాస్టర్స్‌’ డాక్యుమెంటరీ ఒకటి. ఈ డాక్యుమెంటరీ గురించి తెలుసుకుందాం.నెట్‌ ఫ్లిక్స్‌ వేదికగా ఇటీవల విడుదలైన డాక్యుమెంటరీ ‘మోడ్రన్‌ మాస్టర్స్‌: ఎస్‌.ఎస్‌. రాజమౌళి’. నెట్‌ ఫ్లిక్స్‌ అనేది అమెరికా దేశపు ప్రముఖ ఓటీటీ సంస్థ. అమెరికా ఎంటర్‌టైన్మెంట్‌ మార్కెట్‌లో దాదాపు 25 శాతం కలిగి, భారతదేశంలో దాదాపు 12 కోట్లకు పైగా సబ్‌స్క్రైబర్స్‌ కలిగిన నెట్‌ ఫ్లిక్స్‌ ఓ తెలుగు దర్శకుడి మీద డాక్యుమెంటరీ విడుదల చేయడం ఇదే తొలిసారి.దాదాపు గంటా 54 నిమిషాల నిడివితో ప్రముఖ వ్యాఖ్యాత అనుపమా చోప్రా నిర్మించిన డాక్యుమెంటరీ ‘మోడ్రన్‌ మాస్టర్స్‌: ఎస్‌.ఎస్‌. రాజమౌళి’. రాఘవ్‌ కన్నా, తన్వి దర్శకులు. ‘నేను నా కథకు బానిసను. నా ఆడియన్స్ విషయంలో అత్యాశపరుణ్ణి. నా కథను చూడ్డానికి ఎక్కువమంది ఆడియన్స్ కావాలి’... ఇలా తన అభిలాషను ఈ డాక్యుమెంటరీలో వెలిబుచ్చారు రాజమౌళి. తెలుగు చిత్రపరిశ్రమలో దర్శకుడు రాజమౌళి ఓ సంచలనం. ‘స్టూడెంట్‌ నెం.1’ చిత్రం నుండి ‘ఆర్‌ఆర్‌ఆర్‌’ సినిమా వరకు దర్శకుడిగా రాజమౌళి ప్రయాణంతో పాటు ప్రముఖుల విశ్లేషణలతో ఉంటుందీ డాక్యుమెంటరీ. ప్రభాస్, ఎన్టీఆర్, రామ్‌చరణ్, రానా, కీరవాణిలు రాజమౌళితో తమ అనుబంధాన్ని ఈ డాక్యుమెంటరీలో పంచుకున్నారు. ‘‘రాజమౌళికి కావాలనుకున్నట్టుగా మనం ఇమిడిపోతే ఆయనే మనలను తనకు తగ్గట్టుగా మలుచుకుంటాడు’’ అని చె΄్పారు ఎన్టీఆర్‌. ‘‘రాజమౌళికి సినిమా అంటే పిచ్చి. సీన్‌ ఎవరైనా వివరిస్తారు. కాని ఆ సీన్‌లో ముందు ఆయన నటించి తరువాత మనతో చేయిస్తాడు. అందుకే రాజమౌళితో చేయడం అదృష్టంగా భావిస్తున్నాను’’ అని ప్రభాస్‌ తెలిపారు. వీరితో పాటు రాజమౌళి కుటుంబ సభ్యులు ఆయనతో తమ అనుభవాలు పంచుకున్నారు. తన సినిమాలలో హీరోలు ఆయుధాలని, దర్శకుడు ఆయుధాలను వదిలే సాధనం అని రాజమౌళి చెబుతూ... ‘‘తనకు రాముడు కన్నా రావణుడు ఇష్టమని, అందుకే తన చిత్రాలలో ప్రతినాయకుడు ప్రత్యేకంగా కనిపించేలా చూసుకుంటాను’’ అని వివరించారు. చిన్న పిల్లాడు అడుగులు వేసేటప్పుడు తడబడతాడు. అప్పుడు తల్లిదండ్రులుప్రోత్సహించి మరో రెండు అడుగులు వేయిస్తే కొన్ని రోజులయ్యాక పరిగెడతాడు. ఆ కోవలోనే విజయం కోసం కృషి, పట్టుదల,ప్రోత్సాహంతో ఎంతో సాధన చేయాలి. ఈ విషయాన్ని డాక్యుమెంటరీలో లోతుగా వివరించారు రాజమౌళి. డాక్యుమెంటరీ మొత్తంలో చిన్న లోపం ఏంటంటే తెలుగులో దీనికి డబ్బింగ్‌ వేరొకరితో చెప్పించడం. అందుకే ఇంగ్లీషులో చూడడం శ్రేయస్కరం. – ఇంటూరు హరికృష్ణ

హాలీవుడ్‌ మూవీ ‘అవెంజర్స్‌’ సిరీస్‌లో తమిళ నటుడు ధనుష్‌ భాగమయ్యే అవకాశాలు కనిపిస్తున్నాయి. మార్వెల్‌ ఫ్రాంచైజీలోని ‘అవెంజర్స్‌’ సిరీస్‌లో తర్వాతి చిత్రాలుగా ‘అవెంజర్స్‌: డూమ్స్‌ డే, అవెంజర్స్‌: సీక్రెట్‌ వార్‌’ రానున్నాయని, ‘అవెంజర్స్‌: ఎండ్‌ గేమ్‌’ చిత్రానికి దర్శకత్వం వహించిన రూసో బ్రదర్స్‌ (ఆంథోనీ రూసో, జోసెఫ్‌ రూసో) ఈ చిత్రాలను తెరకెక్కించనున్నారని మార్వెల్‌ సంస్థ ప్రకటించింది.‘అవెంజర్స్‌: డూమ్స్‌ డే’లో రాబర్ట్‌ డౌనీ జూనియర్‌ ఓ లీడ్‌ రోల్‌లో నటించనున్నారు. మరో లీడ్‌ రోల్‌లో ధనుష్‌ నటించనున్నారనే టాక్‌ వినిపిస్తోంది. రూసో బ్రదర్స్‌ దర్శకత్వం వహించిన హాలీవుడ్‌ మూవీ ‘ది గ్రే మ్యాన్‌’లో ధనుష్‌ ఓ లీడ్‌ రోల్‌ చేశారు. మరి... ‘అవెంజర్స్‌: డూమ్స్‌ డే’లోనూ ఈ ఇండియన్‌ హీరో నటిస్తారా? వేచి చూడాలి.