సామాన్యులకు చమురు కంపెనీలు భారీ షాకిచ్చాయి. వంట గ్యాస్‌ సిలిండర్‌పై రూ.50, వాణిజ్య సిలిండర్‌పై రూ.350.50 పెంచుతూ నిర్ణయం తీసుకున్నాయి. ఇక మార్చి 1న పెరిగిన ధరలతో హైదరాబాద్‌లో వంట గ్యాస్‌ ధర రూ.1,155 చేరింది. ఢిల్లీలో కమర్షియల్‌ సిలిండర్‌ ధర రూ.2119.50కు ఎగబాకింది.

కాగా, ఇప్పటికే ఆర్ధిక మాంద్యం భయాలు, పెరిగిపోతున్న వడ్డీ రేట‍్లు, నిత్యావసర సరకుల పెంపుతో సామాన్య, మధ్యతరగతి కుటుంబాల నడ్డి విరుగుతోంది. తాజాగా పెరిగిన గ్యాస్‌ ధరలతో ఆ భారం మరింత పెరగనుంది.

దేశంలో వివిధ ప్రాంతాల్లో పెరిగిన ఎల్‌పీజీ కమర్షియల్‌ సిలిండర్‌ ధరలు ఇలా ఉన్నాయి. 

ఢిల్లీలో కమర్షియల్‌ సిలిండర్‌ ధర రూ.1769 నుంచి రూ.2119.50కి చేరింది. 

ముంబైలో కమర్షియల్‌ సిలిండర్‌ ధర రూ.1052 నుంచి రూ.1102.5కి పెరిగింది. 

కోల్‌కతాలో కమర్షియల్‌ సిలిండర్‌ ధర రూ. 1079 నుంచి రూ.1129కి పెరిగింది.

చెన్నైలో కమర్షియల్‌ సిలిండర్‌ ధర రూ.1068.50 నుంచి రూ.1118.5కి చేరింది.