Select Your Preferred Category to see your Personalized Content

సినిమాలో హీరోయిన్‌గా ఛాన్స్‌ వచ్చిందని సంబరపడేలోపే తనను మూవీలో నుంచే తీసేశారట! ఒక దర్శకుడు పెట్టిన పెళ్లి ప్రపోజల్‌కు ఒప్పుకోలేదని తనను పక్కన పెట్టేశారంటోంది అలనాటి హీరోయిన్‌ మీనాక్షి చౌదరి. దామిని (1993) సినిమా సమయంలో తనకు ఎదురైన ఇబ్బందులను తాజాగా ఓ ఇంటర్వ్యూలో ఏకరువు పెట్టింది. పెళ్లి ప్రపోజల్‌మీనాక్షి శేషాద్రి మాట్లాడుతూ.. 'ఈ సినిమా చిత్రీకరణ ప్రారంభంలో దర్శకుడు రాజ్‌కుమార్‌ సంతోషి నన్ను పెళ్లి చేసుకుంటావా? అని అడిగాడు. నేను కుదరదని తిరస్కరించాను. దాని గురించి పెద్ద రచ్చ కూడా చేయలేదు. సైలెంట్‌గా ఉన్నాను. ఆయన కూడా మౌనంగానే ఉన్నాడు. నా మనసుకు అనిపించింది చెప్పాను. అదే మాట మీద నిలబడ్డాను కూడా! నో చెప్పాను కదా అని నన్ను సినిమాలో నుంచి తీసేయాలని చూస్తే ఎలా? వాళ్లు జోక్యం చేసుకోవడంతో..పరిస్థితులు వర్కవుట్‌ అయితే టీమ్‌గా కలిసి పని చేస్తాం, లేదంటే లేదు. ఒక గొప్ప సినిమా చేయాలనుకున్నాను. ఆ గొప్ప సినిమా దామిని అవ్వాలనుకున్నాను. ఆ సమయంలో నిర్మాతల మండలి జోక్యం చేసుకుంది. ఆర్టిస్టుల గిల్డ్‌ కూడా ఈ వ్యవహారంపై స్పందించి నేను మళ్లీ దామిని చిత్రంలో భాగమయ్యేట్లు చేసింది. అలా దామిని సినిమా షూటింగ్‌ సజావుగా సాగిపోయింది' అని చెప్పుకొచ్చింది.పెళ్లి తర్వాత..కాగా మీనాక్షి.. 1995లో హరీశ్‌ మైసూర్‌ను పెళ్లాడింది. వీరికి ఒక కూతురు, కుమారుడు సంతానం. మరోవైపు రాజ్‌కుమార్‌ సంతోషి.. మనీలాను పెళ్లి చేసుకున్నాడు. వీరికి ఇద్దరు పిల్లలు జన్మించారు. 1996లో మీనాక్షి, రాజ్‌కుమార్‌ సంతోషి ఘటక్‌ సినిమాకు కలిసి పని చేశారు.చదవండి: ప్రభాస్ ఇంటి ఫుడ్‍‌ని మర్చిపోలేకపోతున్న హీరోయిన్.. ఐదేళ్లయినా సరే

జబ్‌ కోయీ బాత్‌ బిగడ్‌ జాయే.. జబ్‌ కోయీ ముశ్కిల్‌ పడ్‌ జాయే.. తుమ్‌ దేనా సాథ్‌ మేరా.. ఓ హమ్‌నవా.. (అనుకున్నది జరక్కపోయినా.. అవాంతరాలు ఎదురైనా నా తోడు వీడొద్దు నేస్తమా!)  ఈ పాట జుర్మ్‌ (1990) సినిమాలోనిది. పాడింది కుమార్‌ సాను, నటించింది మీనాక్షి శేషాద్రి. జీవితంలోనూ మీనాక్షి తోడు కావాలనుకున్నాడు... కానీ కష్టకాలంలో ఆ ఇద్దరూ ఒకరికొకరు తోడు కాలేకపోయారు.  అసలు ఆ ప్రేమ ఎలా మొదలైంది... ఆ కష్టకాలం ఏంటి? వివరాలు.. జుర్మ్‌ సినిమా ప్రీమియర్‌ షోలో మీనాక్షిని చూశాడు కుమార్‌ సాను. ఆమె అందానికి అతని మనసు చెదిరింది. ఆమె నవ్వు అతనికి నిద్రలేకుండా చేసింది కొన్ని వారాలు. ఆమె ఇంటి ఫోన్‌ నంబర్‌ సంపాదించాడు. సంభాషణ కలిపాడు. ఒంటరిగా కలుసుకునే ప్రయత్నమూ చేశాడు. ఫలించింది. మీనాక్షి .. కుమార్‌ను కలిసింది. ఆమె అంటే తనకెంత ప్రేమో వివరించాడు. ఎప్పటిలాగే నవ్వింది మీనాక్షి. ‘నిజం’ అన్నాడు ఆ వివాహితుడు. ఆ  స్నేహాన్ని స్వీకరించింది మీనాక్షి. ఏ కాస్త వెసులుబాటు దొరికినా కుమార్‌ సానుతో గడపడానికి ఆసక్తి చూపించసాగింది ఆమె. అతనూ అంతే మీనాక్షి ఏ కొంచెం టైమ్‌ ఇచ్చినా రెక్కలు కట్టుకొని చెప్పిన చోటికి వాలిపోయేందుకు సిద్ధమయ్యాడు. పెరిగిన చనువుతో ఆమెకూ కుమార్‌ అంటే ఇష్టం ఏర్పడింది. డేటింగ్‌ మొదలైంది. ఆ సమయంలోనే మీనాక్షి నటించిన ఘాయల్‌ (హీరో సన్నీ డియోల్‌ )సూపర్‌ డూపర్‌ హిట్‌ అయింది. సన్నీ డియోల్, మీనాక్షి జంటతోనే ఇంకో సినిమా ప్లాన్‌ చేశాడు ఘాయల్‌ దర్శకుడు రాజ్‌కుమార్‌ సంతోషి. అదే దామిని (1993). అదీ  బంపర్‌ హిట్‌. సన్నీ, మీనాక్షి, రాజ్‌కుమార్‌ సంతోషి త్రయానికి ప్రేక్షకుల్లో విపరీతమైన క్రేజ్‌ ఏర్పడింది. మీనాక్షి పట్ల రాజ్‌కుమార్‌ సంతోషీకీ ప్రేమ మొదలైంది. ఇటు .. కుమార్‌ సాను, మీనాక్షి తమ ప్రేమ వ్యవహారాన్ని రహస్యంగా ఉంచారు. అలా మూడేళ్లు గడిచాయి. రాజ్‌కుమార్‌కు మీనాక్షి పట్ల ఆరాధన అంతకంతకూ పెరిగిపోతోంది. ఒకరోజు ధైర్యం చేసి మీనాక్షి వాళ్లింటికి వెళ్లి ‘నువ్వంటే ఇష్టం.. నీకూ ఇష్టమైతే పెళ్లి చేసుకుంటాను’ అని తన మనసులో మాట ఆమెకు వినిపించాడు. సున్నితంగా తిరస్కరించింది మీనాక్షి. కుంగిపోయాడు అతను. డిప్రెషన్‌లోకీ వెళ్లాడు. మరోవైపు.. తమ ప్రేమను ఎంత గుట్టుగా దాచినా ఆ పొగ ఇండస్ట్రీ మిత్రుల ద్వారా కుమార్‌ సాను భార్య రీటా భట్టాచార్యకు చేరింది. ఆమెలో అనుమానం మొదలైంది. ఈ లోపే మీడియా కుమార్‌ సాను సెక్రటరీని ఇంటర్వ్యూ చేసింది. అందులో ఆమె ‘కుమార్‌కి చాలామంది గర్ల్‌ ఫ్రెండ్స్‌ ఉన్నారు. ఇప్పుడు మాత్రం మీనాక్షితో డేటింగ్‌ చేస్తున్నాడు’ అని చెప్పింది. ఆ రాతప్రతి రీటా కంట్లోనూ పడింది. కుమార్‌ సానును నిలదీసింది. అదంతా రూమర్‌ అని కొట్టిపారేశాడు. దాంతో రీటా సమాధానపడలేదు. పదేపదే ప్రశ్నించించడంతో నిజమే అని ఒప్పుకోక తప్పలేదు కుమార్‌ సానుకు. విడాకుల దావా వేసింది రీటా. ‘భర్త తన సంపాదనంతా మీనాక్షి కోసమే ఖర్చుచేస్తున్నాడు’ అనే అపవాదునూ జతపర్చింది. ఈ సీన్‌కి మనస్తాపం చెందింది మీనాక్షి. అంతేకాదు నెంబర్‌ వన్‌గా, అత్యధిక పారితోషికం తీసుకుంటున్న హీరోయిన్‌గా సాగుతున్న తన కెరీర్‌ను, ఇమేజ్‌ను దెబ్బతీసేలా ఉందనీ భావించింది. పైగా కుమార్‌ సాను నుంచీ తనకు అనుకూలంగా ఎలాంటి స్పందన రాలేదు. విడాకుల వ్యవహారంతో కుమార్‌ సాను కూడా అభాసుపాలయ్యాడు. విడాకులు మంజూరయ్యాయి. మీనాక్షితో రిలేషన్‌ కూడా బ్రేక్‌ అయింది.   న కోయీ హై, నా కోయీ థా.. జిందగీ మే తుమ్హారే సివా..  తుమ్‌ దేనా సాథ్‌ మేరా.. ఓ హమ్‌నవా.. (నాకప్పుడూ ఎవరూ లేరు.. ఇప్పుడూ లేరు.. నువ్వు నాకు తోడు ఉండవా నేస్తమా)  అనే పంక్తులు మిగిలాయి కుమార్‌ సానుకు పాడుకోవడానికి.  అయితే ఆ తర్వాత కొన్నాళ్లకు మళ్లీ రీటా, కుమార్‌ సాను ఒక్కటయ్యారు.  ఘాతక్‌..  డిప్రెషన్‌ నుంచి బయటపడ్డా మీనాక్షి మీద ప్రేమను చంపుకోలేకపోయాడు రాజ్‌కుమార్‌ సంతోషి. మళ్లీ ఆమెతో కలసి పనిచేయాలని నిశ్చయించుకున్నాడు. ఆమెను అడిగాడు. ఒప్పుకుంది. ’ఘాతక్‌’ సినిమా వచ్చింది. ఆ తర్వాత మీనాక్షి శేషాద్రి అమెరికాలో స్థిరపడ్డ హరీష్‌ మైసూర్‌ అనే ఇన్వెస్ట్‌మెంట్‌ బ్యాంకర్‌ను పెళ్లి చేసుకుంది. ఆమెకు ఇద్దరు పిల్లలు. భారతీయ శాస్త్రీయ నృత్యశాలను నిర్వహిస్తోంది. రాజ్‌కుమార్‌ సంతోషి కూడా మిలన్‌ అనే అమ్మాయిని పెళ్లి చేసుకున్నాడు.  అలా ఈ ట్రయాంగిల్‌ లవ్‌ స్టోరీ ఏ ఇద్దరి ప్రేమకూ శుభం కార్డ్‌ వేయలేదు. - ఎస్సార్‌

ముంబై: ప్రముఖ సినీ దర్శకుడు, నిర్మాత, రచయిత రాజ్‌కుమార్ సంతోషి ఆస్పత్రిలో చేశారు. గుండె సంబంధింత సమస్యలతో నానావతి ఆస్పత్రిలో చేరిన ఆయనకు వైద్యులు యాంజియోప్లాస్టి చేశారు. ప్రస్తుతం ఆయన ఆరోగ్య పరిస్థితి నిలకడగా ఉందని సన్నిహిత వర్గాలు వెల్లడించాయి. బాలీవుడ్‌లో రాజ్‌కుమార్ సంతోషి తెరకెక్కించిన సినిమాలు విశేష ప్రేక్షకాదరణ పొందాయి. ఘాయల్‌(1990), అందాజ్‌ అప్నా అప్నా(1993), ఘాతక్‌(1996), పుకార్‌ (2000), ద లెజెండ్‌ ఆఫ్‌ భగత్‌ సింగ్ ‌(2002), ఫటా పోస్టర్‌ నిక్లా హీరో(2013) సినిమాలు ఆయనకు మంచి పేరు తెచ్చిపెట్టాయి. పుకార్‌, ద లెజెండ్‌ ఆఫ్‌ భగత్‌ సింగ్ సినిమాలకు జాతీయ అవార్డులు దక్కాయి.


 కేన్సర్‌తో పోరాటం తర్వాత తేరుకున్న మనీషా కోయిరాలా త్వరలోనే మళ్లీ తెరపైకి రానుంది. రాజ్‌కుమార్ సంతోషి తదుపరి చిత్రంలో ఆమె కీలక పాత్ర పోషించనున్నట్లు సమాచారం. వచ్చే ఏడాది జనవరిలో ఈ చిత్రం షూటింగ్ ప్రారంభించేందుకు రాజ్‌కుమార్ సంతోషి ఏర్పాట్లు చేసుకుంటున్నాడు. మనీషా ప్రస్తుతం పూర్తిగా కోలుకుందని ఆమె మేనేజర్ మీడియాకు వెల్లడించాడు. రాజ్‌కుమార్ సంతోషి దర్శకత్వంలో మనీషా ఇదివరకు ‘లజ్జ’ చిత్రంలో నటించింది.


 'నెల్లూరి నెరజాణా...' అంటూ ఒకేఒక్కడు లాంటి సినిమాలతో తెలుగు ప్రేక్షకులకు బాగా దగ్గరైన మనీషా కొయిరాలా.. మళ్లీ మేకప్ వేసుకుంటోంది. కేన్సర్తో పోరాడి.. విజయం సాధించిన మనీషా ఎంతో ఆత్మవిశ్వాసంతో ముందడుగు వేస్తోంది. యోగాతో తనను తాను మళ్లీ పూర్తి ఆరోగ్యవంతురాలిగా తీర్చిదిద్దుకుంది. అన్నీ అనుకున్నట్లుగానే జరిగితే, రాజ్కుమార్ సంతోషి తీయబోయే తదుపరి చిత్రంలో ఆమె నటించే అవకాశం ఉంది.
 
 మనీషా ఇప్పుడు చాలా బాగుందని, ఆరోగ్యం కూడా భేషుగ్గా ఉందని ఆమె మేనేజర్ సుబ్రతో ఘోష్ తెలిపారు. ప్రస్తుతం ఆమె స్క్రిప్టులు చదువుతోందని, రాజ్కుమార్ సంతోషి తదుపరి చిత్రం దాదాపు ఓకే అయిపోయిందని అన్నారు. స్క్రిప్టు ఆమెకు బాగా నచ్చిందని, అన్నీ బాగుంటే 2015 జనవరిలో షూటింగ్ మొదలవుతుందని చెప్పారు. ఈ చిత్రంలో మనీషా ప్రధానపాత్రలో నటిస్తుందని, పంకజ్ కపూర్ కూడా అందులో ఉంటారని అన్నారు.


 దక్షిణాది సినిమాను నిర్లక్ష్యం చేస్తోందనేది మొన్నటివరకూ ఇలియానాపై ఉన్న అభియోగం. కానీ ఈ మధ్య ఓ బాలీవుడ్ మీడియా ఇంటర్‌వ్యూలో విలేకరులు అడిగిన ప్రశ్నకు ఇలియానా చెప్పిన సమాధానం... ఆ అభియోగం తప్పని చెబుతోంది. 
  
 సౌత్ సినిమాను పక్కన పెట్టేసినట్టేనా? అని ఓ విలేకరి ఈ గోవా బ్యూటీని అడిగితే -‘‘సౌత్ సినిమా లేకపోతే ఈ రోజు మీరు నా ఇంటర్‌వ్యూ చేసేవారా? అసలు ఇలియానా అనే నటి ప్రపంచానికి తెలిసేదా? అని సదరు జర్నలిస్ట్‌పై ప్రశ్నాస్త్రాలను సంధించారు ఇలియానా ‘‘బాలీవుడ్‌లో నాకు ఎంత స్టార్‌డమ్ వచ్చినా సరే... సౌత్ సినిమాను మాత్రం వదలను. ప్రస్తుతం అక్కడ సినిమాలు చేయకపోవడానికి కారణం ఒక్కటే. ఇక్కడ కొన్ని ప్రాజెక్టులకు సైన్ చేశాను. 
  
 అవి పూర్తవ్వాలి. కొన్ని తెలుగు సినిమాలకు సంబంధించిన కథలు వింటున్నాను కూడా. అన్ని కుదిరితే త్వరలోనే ఓ మంచి తెలుగు సినిమాలో చేస్తా’’ అని చెప్పారు ఇలియానా. ‘పటా పోస్టర్ నిక్లా హీరో’ సినిమా గురించి మాట్లాడుతూ -‘‘షాహిద్‌కపూర్‌ని అందరూ ‘చాక్లెట్‌బోయ్’ అంటుంటే ఏమో అనుకున్నాను. తను నిజంగా చాక్లెట్‌బోయే. ఆ ఇమేజ్, ఆయన లుక్స్ ఈ సినిమాకు బాగా హెల్ప్ అయ్యాయి. ఇందులో మా ఇద్దరి కెమెస్ట్రీ అదిరిపోయింది. యాక్షన్, రొమాన్స్, కామెడీ, డ్రామా... 
  
 ఇలా అన్ని అంశాలూ ఉన్న సినిమా ఇది. తప్పకుండా నా బాలీవుడ్ కెరీర్‌లో మరో బిగ్ హిట్‌గా నిలుస్తుంది. రాజ్‌కుమార్ సంతోషీ డెరైక్షన్ సూపర్బ్. ఈ నెల 20న సినిమా విడుదల కానుంది.  ఆ రోజు కోసం ఎంతో ఉద్వేగంతో ఎదురు చూస్తున్నాను’’ అని చెప్పుకొచ్చారు ఇలియానా.
  


 టాలీవుడ్, బాలీవుడ్ లో అవకాశాల కోసం ఎదురు చూస్తున్న ఇలియానా హీరో షాహీద్ కపూర్ ను పొగడ్తలతో ఆకాశానికెత్తిసింది. తాజాగా షాహిద్ కపూర్ తో ఇలియానా ఫటా పోస్టర్ నిక్లా హీరో చిత్రంలో నటిచింది.
 
 షాహీద్ చాక్టెట్ బాయ్ లుక్స్, ఇమేజ్ చిత్రానికి బాగా వర్కవుట్ అవుతుందని ఇలియానా తెలిపింది. అంతేకాక షాహీద్ తో తెరపై చేసిన కెమిస్ట్రీ అద్బుతంగా పండిందని ఇలియానా ఆనందాన్ని వ్యక్తం చేసింది.
 
 ఈ చిత్రంలో షాహీద్ పాత్ర  ప్రత్యేకమైంది అని ఇలియానా తెలిపింది. యాక్షన్, కామెడీ, డ్రామా, రోమాన్స్ తదితర అంశాలు అభిమానులను ఆకట్టుకుంటాయని తెలిపింది. సెప్టెంబర్ 20 తేదిన విడుదలవుతున్న ఈ చిత్రానికి రాజ్ కుమార్ సంతోషి దర్శకత్వం వహిస్తున్నారు. Shahid Kapoor