Select Your Preferred Category to see your Personalized Content

ఇంఫాల్‌: మణిపూర్‌లో యువ జంట హత్యతో మొదలైన నిరసనలు గురువారం  సైతం కొనసాగాయి. ఆందోళనకారులు ఇంఫాల్‌ వెస్ట్‌లోని డిప్యూటీ కమిషనర్‌ కార్యాలయంపై దాడికి దిగారు. అక్కడున్న రెండు కార్లకు నిప్పుపెట్టారు. సీఆర్‌పీఎఫ్‌ బలగాలు పరిస్థితిని అదుపులోకి తీసుకువచ్చారు. బుధవారం రాత్రి పలు చోట్ల నిరసనకారులు భద్రతా బలగాలపై దాడులకు దిగారు. దీంతో, బలగాలు టియర్‌ గ్యాస్‌ను ప్రయోగించాల్సి వచ్చిందని అధికారులు చెప్పారు. పోలీసు వాహనానికి నిప్పుపెట్టడంతోపాటు పోలీసు వద్ద ఉన్న ఆయుధాన్ని లాక్కెళ్లారు. థౌబల్‌ జిల్లా ఖొంగ్‌జమ్‌లో బీజేపీ కార్యాలయానికి దుండగులు నిప్పుపెట్టారు. తాజా పరిస్థితుల నేపథ్యంలో అధికారులు ఇంఫాల్‌ ఈస్ట్, వెస్ట్‌ ప్రాంతాల్లో కర్ఫ్యూ విధించారు. గురువారం రాత్రి సీఎం బిరేన్‌ సింగ్‌ పూరీ్వకుల ఇంటిపై దాడికి జరిగిన ప్రయత్నాన్ని పోలీసులు వమ్ము చేశారు.    మా వాళ్ల మృతదేహాలు ఎక్కడున్నాయో గుర్తించండి దుండగుల చేతుల్లో దారుణ హత్యకు గురైన తమ పిల్లల మృతదేహాల జాడ చెబితే అంత్యక్రియలు జరుపుకుంటామని వారి తల్లిదండ్రులు పోలీసులను కోరారు. మెయితీ వర్గానికి చెందిన యువతి, యువకుడు జూన్‌లో గుర్తు తెలియని దుండగుల చేతుల్లో హత్యకు గురి కావడం, వారి ఫొటోలు ఇటీవల సామాజిక మాధ్యమాల్లో ప్రత్యక్షం కావడం తెలిసిందే. ఈ హత్య ఘటన మణిపూర్‌లో మరోసారి ఉద్రిక్తతలకు కారణమైంది. మెయితీల ఆచారం ప్రకారం..అంతిమ సంస్కారాలు జరపడానికి మృతులు ధరించిన దుస్తులకు సంబంధించిన చిన్న గుడ్డ ముక్కయినా ఉండాలి. అంత్యక్రియలు జరిపేవరకు వారి ఫొటోల వద్ద మృతుల తల్లులు అగరొత్తులు, క్యాండిల్‌ వెలిగిస్తూ రోజూ ఆహారం నివేదన చేస్తూ ఉండాలి. వారి లేని లోటు ఎవ్వరూ పూడ్చలేరు. కనీసం వారికి తగు గౌరవంతో అంత్యక్రియలు జరపాలనుకుంటున్నామని యువతి తండ్రి హిజామ్‌ కులజిత్‌ చెప్పారు. తాజాగా, సీబీఐ దర్యాప్తుతోనయినా తమ కోరిక నెరవేరుతుందనే ఆశాభావం వ్యక్తం చేశారు. మణిపూర్‌కు శ్రీనగర్‌ ఎస్‌ఎస్‌పీ బల్వాల్‌ బదిలీ న్యూఢిల్లీ: ఉగ్ర సంబంధ కేసులను డీల్‌ చేయడంలో సమర్థుడిగా పేరున్న  శ్రీనగర్‌ సీనియర్‌ ఎస్‌పీ రాకేశ్‌ బల్వాల్‌ను కేంద్రం మణిపూర్‌కు బదిలీ చేసింది. మణిపూర్‌లో మరోసారి హింసాత్మక ఘటనలు చోటుచేసుకోవడం, శాంతిభద్రతలు దారుణంగా దెబ్బతినడంతో కేంద్రం ఈ చర్య తీసుకుంది. 2012 ఐపీఎస్‌ అధికారి అయిన రాకేశ్‌ బల్వాల్‌ను డిసెంబర్‌ 2021లో అరుణాచల్‌ప్రదేశ్, గోవా, మిజోరం, కేంద్రపాలిత ప్రాంతాల కేడర్‌కు మార్చారు. తాజాగా ఆయన్ను మణిపూర్‌ కేడర్‌కు మారుస్తూ కేంద్రం ఆదేశాలు జారీ చేసింది. ఇందుకు సంబంధించిన హోం వ్యవహారాల శాఖ ప్రతిపాదనకు నియామకాల కమిటీ ఆమోదం తెలిపింది. మణిపూర్‌లో ఆయన కొత్త బాధ్యతలను చేపడతారని తెలిపింది. జమ్మూలోని ఉధంపూర్‌కు చెందిన బల్వాల్‌ మణిపూర్‌లోని చురాచంద్‌పూర్‌కు 2017లో సీనియర్‌ ఎస్‌పీగా పనిచేసిన అనుభవం ఉంది.

ఎవరైనా మృతి చెందితే సహజంగా అంతిమ సంస్కారాలు జరిపి అక్కడితే వదిలేస్తాం. కొన్నేళ్లు బాధలో ఉండిపోతాం. క్రమేణా వారి జ్ఞాపకాల నుంచి బయటపడేందుకు యత్నిస్తాం. కానీ కొంతమంది తమ వారు చనిపోయిన వారు ఏదోనాటికి తిరిగి వస్తారన్న ఆశతో వారి శరీరాలను భద్రంగా దాచుతున్నారట. అందు కోసం అమెరికాలో ఒక సంస్థ ఈ సేవను పెద్ద మొత్తంలో రుసుముతో అందిస్తోంది కూడా. అక్కడ పలువురు శరీరాలను కొన్ని రకాల ఉష్ణోగ్రత మధ్య వివిధ రసాయానాల సాయంతో అత్యంత భద్రంగా ఉంచాతారట.  వివారాల్లోకెళ్తే...చనిపోయినా మళ్లీ బతికి రావడం వంటి వాటిని సినిమాల్లోనే చూస్తాం. నిజ జీవితంలో అసాధ్యం. కానీ సాధ్యం చేయాలనకుంటున్నారు యూఎస్‌లోని అల్కోర్‌ లైఫ్‌ ఎక్స్‌టెన్షన్‌ ఫౌండేషన్‌ అనే సంస్థ. ఇక్కడ చనిపోయిన మానవులు భవిష్యత్తులో ఎప్పటికైనా తిరిగి బతికివస్తారనే ఆశతో జాగ్రత్తగా వారి మృతదేహాలను కాపాడతారు. దీన్ని క్రయో ప్రెజర్వ్‌ అంటారు. చనిపోయిన వారిని లిక్విడ్‌ నైట్రోజన్‌తో నిండిన స్టెయిన్‌ లెస్‌ స్టీల్‌ ట్యాంకులో ఉంచుతారు. ఇందులో వాటిని మైనస్‌ 196 డిగ్రీల సెల్సియస్‌ ఉష్ణోగ్రతల వద్ద దశాబ్దాల పాటు జాగ్రత్తగా ఉంచుతారు. దీన్ని క్రయోనిక్స్‌ అంటారు. వాళ్లు భవిష్యత్తులో ఏనాటికైనా మేల్కొనేలా సాంకేతిక వైద్యం అభివృద్ధి చెందుతుందనే ఆశతో ఇలా చేస్తున్నారట. ఇలా తొలిసారిగా బ్రెయిన్‌ క్యాన్సర్‌తో బాధపడుతున్న థాయ్ అమ్మాయి మాథెరిన్ నవోరాట్‌పాంగ్ 2015లో 2 సంవత్సరాల వయస్సులో క్రయో ప్రెజర్వ్‌ చేసిన పిన్న వయస్కురాలు. ఈ అమ్మాయి తల్లిదండ్రులిద్దరూ వైద్యులు, ఆమెకు మెదడుకు సంబంధించిన ఎన్నో శస్త్ర చికిత్సలు చేశారు గానీ ప్రయోజనం లేకపోవడంతో యూఎస్‌లోని అల్కోర్‌ ఫౌండేషన్‌ని సంప్రదించి క్రయో ప్రిజర్వ్‌ చేశారు. అలా బిట్‌కాయిన్‌ మార్గదర్శకుడు హాల్‌ ఫిన్నీ, 2014లో మృతి చెందిన తర్వాత క్రయో ప్రిజర్వ్‌ చేశారు. వాస్తవానికి ఒక వ్యక్తి చట్టబద్ధంగా చనిపోయిన తర్వాత క్రయో ప్రెజర్వేషన్‌ ప్రక్రియ ప్రారంభమవుతుంది. ఇందులో శరీరాన్ని రక్షించేందుకు అల్కోర్‌ సంస్థ ఉపయోగించే ప్రక్రియను విట్రిఫికేషన్‌ అంటారు. అందులో రోగి శరీరం నుంచి రక్తం, ఇతర ద్రవాలు తొలగించి హానికరమైన మంచు స్పటికాలు ఏర్పడకుండా నిరోధించే రసాయనాలతో భర్తీ చేస్తారు. అత్యంత శీతల ఉష్ణోగ్రత వద్ద విట్రిఫై చేసే ట్యాంకుల్లో ఉంచుతారు. అందుకోసం ఒక్క మృతదేహానికి సుమారు రూ. కోటి రూపాయల వరకు చెల్లించాల్సి ఉంటుంది. కేవలం రోగి మెదడుని మాత్రం క్రయో ప్రిజర్వ్‌ చేయాలంటే దాదాపు రూ. 65 లక్షలు ఖర్చవుతుంది. ఇప్పటివరకు 500 మంది వ్యక్తుల తమ శరీరాలను క్రయో ప్రిజర్వ్‌ చేయడానికి  ఈ సంస్థను సంప్రదించారని చెబుతున్నారు ఫౌండేషన్‌ అధికారులు. ప్రస్తుతానికి ఈ సంస్థలో సుమారు 199 మంది మానవులను, దాదాపు100 పెంపుడు జంతువులను క్రయో ప్రిజర్వ్‌ చేశారు. అసలు ఈ ఫౌండేషన్‌ను 1972లో లిండా, ఫ్రెడ్‌చాంబర్‌ లైన్‌ అనే వ్యక్తులు 1972లో స్థాపించారు. జీవితంలో రెండో అవకాశాన్ని ప్రజలకు అందించే ఉద్దేశంతో ఈ సంస్థను ఏర్పాటు చేశారు. ఈ మేరకు న్యూయార్క్ యూనివర్శిటీ గ్రాస్‌మన్ స్కూల్ ఆఫ్ మెడిసిన్‌లో మెడికల్ ఎథిక్స్ విభాగానికి అధిపతిగా ఉన్న​ ఆర్దర్‌ మాట్లాడతూ...ఈ వైజ‍్క్షానిక కల్పన అనేది ఊహజనితం, సాధ్యమవుతుందని కూడా చెప్పలేం. కానీ చాలా మంది తమవాళ్లు తిరిగి పునర్జీవించేలా సైన్సు అభివృద్ధి చెందుతుందనే ఆశతో ఇలా చేస్తున్నారు. ఇది కేవలం డబ్బు ఉన్నవాళ్లు  దొరికిన సువర్ణావకాశంగా పేర్కొన్నారు. ఐతే పలువురు శాస్త్రవేత్తలు మాత్రం క్రయోప్రిజర్వ్‌ చేయబడిన వ్యక్తులు వాళ్లు తిరిగి జీవించి వస్తే అతని చుట్టు ఉన్నా దశాబ్దాల నాటి ప్రపంచానికి ప్రస్తుత ప్రపంచానికి పూర్తిగా భిన్నంగా ఉంటుందని అంటున్నారు. దీంతో ఆ వ్యక్తి  ప్రస్తుత ప్రపంచానికి ఒక గ్రహాంతరవాసిగా కనిపిస్తుంటాడని చెబుతున్నారు. (చదవండి: ఎంతపనిచేసింది ఆ దోమ..నాలుగు వారాల కోమా, ఏకంగా 30 సర్జరీలా!)

న్యూఢిల్లీ: కరోనా బారినపడి మృతిచెందిన వారిలో వైరస్‌ ఆనవాళ్లు ఎన్ని రోజులపాటు ఉంటాయన్న దానిపై ప్రపంచవ్యాప్తంగా భిన్నమైన వాదనలు వినిపిస్తున్నాయి. కరోనా వల్ల చనిపోయిన వారిలో వైరస్‌ కచ్చితంగా సజీవంగా ఉంటుందని, అది మరొకరికి వ్యాపిస్తుందన్న అంచనాతో ప్రత్యేకమైన జాగ్రత్తలతో అంత్యక్రియలు నిర్వహిస్తున్నారు. అయితే, చనిపోయిన తర్వాత బాధితుల ముక్కు, గొంతులో వైరస్‌ 12 నుంచి 24 గంటలకు మించి క్రియాశీలకంగా ఉండదని ఢిల్లీలోని అఖిల భారత వైద్య విజ్ఞాన సంస్థ (ఎయిమ్స్‌) ఫోరెన్సిక్‌ విభాగం అధినేత డాక్టర్‌ సుదీర్‌ గుప్తా మంగళవారం చెప్పారు. మృతుల నుంచి వైరస్‌ వ్యాప్తి చెందే అవకాశాలు భారీగా తగ్గిపోతాయని అన్నారు. కరోనా బాధితుల మృతదేహాలపై ఎయిమ్స్‌లోని డిపార్టుమెంట్‌ ఆఫ్‌ ఫోరెన్సిక్‌ మెడిసిన్‌లో గత ఏడాదికాలంగా ఒక పైలట్‌ స్టడీని  నిర్వహించారు. దాదాపు 100 మృతదేహాలను పరీక్షించారు. మరణించిన తర్వాత 12 నుంచి 24 గంటల మధ్య కరోనా నిర్ధారణ పరీక్ష చేయగా, నెగెటివ్‌ అని తేలింది. అంటే ఆయా మృతదేహాల్లో కరోనా వైరస్‌ క్రియాశీలతను కోల్పోయింది. పూర్తిగా బలహీనపడింది. కోవిడ్‌–19 మహమ్మారి కారణంగా చనిపోతే.. 24 గంటల తర్వాత మృతదేహంలోని ముక్కు, నోటి భాగాల్లో వైరస్‌ యాక్టివ్‌గా ఉండదని తమ అధ్యయనంలో వెల్లడైనట్లు డాక్టర్‌ సుధీర్‌ గుప్తా పేర్కొన్నారు. అయినప్పటికీ కరోనా సంబంధిత మృతదేహాలను దహనం లేదా ఖననం చేసే సమయంలో జాగ్రత్తలు పాటించాలని సూచించారు. ముక్కు, గొంతులో వైరస్‌ ఆనవాళ్లు లేకున్నా శరీరం లోపలి నుంచి ప్రమాదకరమైన ద్రవాలు వాటి ద్వారా బయటకు వచ్చే అవకాశం ఉంటుందన్నారు. అందుకే కరోనా సంబంధిత మృతదేహాల ముక్కు, గొంతును పూర్తిగా మూసి ఉంచాలన్నారు. అంత్యక్రియలు నిర్వహించేవారు పీపీఈ కిట్లు, మాసు్కలు ధరించాలని తెలిపారు. కరోనా సోకి మృతిచెందిన వారి అంత్యక్రియలు ముగిశాక బూడిద, ఎముకల్లో వైరస్‌ ఎంతమాత్రం ఉండదని డాక్టర్‌ సు«దీర్‌ గుప్తా పేర్కొన్నారు. వాటిని సేకరించడంలో ఎలాంటి ప్రమాదం లేదని చెప్పారు. వాటి ద్వారా వైరస్‌ వ్యాప్తి చెందే అవకాశాలు లేవన్నారు.  

లక్నో: మట్టి నుంచి వచ్చిన మానవుడు మట్టిలో కలవాల్సిందే.. కానీ, కరోనా దెబ్బకు బంధుత్వాలు, మానవత్వం మట్టిపాలు అవుతున్నాయి. కుటుంబసభ్యులు చనిపోతేనే దగ్గరుండి అంత్యక్రియల్ని జరిపించలేకపోతున్నాం. దీంతో స్మశానాల్లో, ఆస్పత్రులలో మృతదేహాల పరిస్థతి దారుణంగా తయారైంది. చీమలు, ఎలుకలు పీక్కుతింటున్నాయి. కొద్దిరోజుల  క్రితం మహారాష్ట్ర సాతారా జిల్లాలో ఫల్టాన్​ మున్సిపల్​ పరిధిలోని ఓ శ్మశాన వాటికలో.. సగం కాలిన కరోనా మృతదేహాల అవయవాలను ఓ మతిస్థిమితం లేని వ్యక్తి తిన్న దృశ్యాలు నెటిజన్లు కంటతడి పెట్టించాయి.  తాజాగా ఉత్తరప్రదేశ్ ఆజమ్‌ఘడ్ జిల్లాలో దారుణం జరిగింది. ఆస్పత్రి మార్చురీలో మహిళ మృతదేహాన్ని ఎలుకలు, చీమలు తినడం కలకలం రేపుతుంది. ఏప్రిల్‌ 29న రోడ్డు ప్రమాదంలో గుర్తు తెలియని మహిళ తీవ్రంగా గాయపడింది. అత్యవసర చికిత్స కోసం స్థానికులు బల్రాంపూర్‌ మండల ఆస్పత్రికి తరలించారు.  వైద్యపరిక్షలు నిర్వహించి ఆస్పత్రిలోనే ట్రీట్మెంట్‌ అందిస్తుండగా.. మరుసటి రోజే ఆమె మరణించింది. దీంతో ఆమె మరణంపై కుటుంబసభ్యులకు సమాచారం అందించాలని వైద్యులు జిల్లా పోలీసులకు సమాచారం అందించారు. కానీ, 4 రోజుల తర్వాత పోలీసులు, డాక్టర్ల నిర్లక్క్ష్యంతో మార్చురీలో ఉన్న మృతదేహాన్ని చీమలు, ఎలుకలు తిన్నాయి. ఈ దారుణం వెలుగులోకి రావడంతో చీఫ్ మెడికల్ ఆఫీసర్ ఏకే మిశ్రా అప్రమత్తమయ్యారు. గుర్తుతెలియని మహిళ మృతదేహానికి పోస్ట్‌ మార్టం నిర్వహించేందుకు సిద్ధమైనట‍్లు తెలిపారు. మృతదేహాన్ని ఎలుకలు తిన్న ఘటనలో బాధ్యులైన వారిపై విచారణ జరిపి చర్యలు తీసుకుంటామన‍్నారు. 

హైదరాబాద్‌: అనాథ శవాల చీకటి వ్యాపారంలో మరెన్నో కోణాలు బయటపడుతున్నాయి. చట్టాలు, నిబంధనల్లోని లొసుగులను వాడుకుంటున్న కొందరు ఈ దందాను యథేచ్ఛగా కొనసాగిస్తున్నారు. అనుమానాస్పద మృతిగా నమోదు చేయాల్సిన బాడీలను.. అన్‌క్లెయిమ్డ్‌గా చూపి కోట్ల రూపాయలు వెనకేసుకుంటున్నారు. ఈ వ్యవహారానికి జీవో 231ను అడ్డం పెట్టుకుంటున్నారు. ఈ మెడికల్‌ మాఫియా కేవలం రాష్ట్రంలోనే కాదు, దేశ నలుమూలలకూ అనాథ శవాల వ్యాపారాన్ని విస్తరించింది. అన్‌క్లెయిమ్డ్, అనుమానాస్పద స్థితిలో మరణించిన వారి బాడీలు, జీవో 231, సీఆర్పీసీ 174ల గురించి తెలుసుకుంటే.. ఈ వ్యవహారంలో మర్మం అర్థమవుతుంది.  అన్నింటినీ అన్‌క్లెయిమ్డ్‌గా చూపుతూ..!  ఉమ్మడి రాష్ట్రంలో అనాథ శవాలను ప్రైవేటు మెడికల్‌ కాలేజీలకు ఇచ్చేందుకు వీలు కల్పిస్తూ ఇచ్చినదే 231 జీవో. అవసరాన్ని బట్టి ప్రభుత్వ, ప్రైవేటు కాలేజీలకు అన్‌క్లెయిమ్డ్‌ డెడ్‌ బాడీస్‌ను మాత్రమే ఇవ్వాలి. ఇందుకు రూ.15,000 ఫీజు, రవాణా చార్జీలు వసూలు చేయాలి. ఇక్కడే కొందరు ఉస్మానియా, గాంధీ ఆస్పత్రుల వైద్య సిబ్బంది తెలివితేటలను ప్రదర్శిస్తున్నారు. ఏది అన్‌క్లెయిమ్డ్, ఏది అనుమానాస్పద స్థితిలో మరణించిన వారి మృతదేహం అన్నది పక్కన పెట్టి.. అన్నింటినీ అక్రమంగా అన్‌క్లెయిమ్డ్‌ డెడ్‌ బాడీస్‌ ఖాతాలో వేసేస్తున్నారు. పోస్టుమార్టం నిర్వహించకుండా గుట్టుచప్పుడు కాకుండా లక్షల రూపాయలకు ప్రైవేటు మెడికల్‌ కాలేజీలకు అమ్ముకుంటున్నారు. హైదరాబాద్‌లోని పలు ప్రాంతాల్లో దొరికిన శవాల విషయంలో 174 సీఆర్‌పీసీ కింద కేసు నమోదు చేస్తున్న పోలీసులు.. తర్వాత వాటికి పోస్టుమార్టం, అంత్యక్రియలు వంటివాటిని పర్యవేక్షించడం లేదన్న ఆరోపణలు ఉన్నాయి. దీనిని ఆసరాగా తీసుకుంటున్న వైద్య సిబ్బంది అక్రమంగా మెడికల్‌ కాలేజీలకు అమ్ముకుంటున్నారు.  దేశవ్యాప్తంగా శవాల సరఫరా: 231 జీవోను అడ్డం పెట్టుకుని చేస్తున్న శవాల దందా.. రాష్ట్ర హద్దులు దాటి దేశవ్యాప్తంగా విస్తరించింది. ఒక్క ఉస్మానియా ఆస్పత్రి నుంచే పెద్ద సంఖ్యలో అన్‌క్లెయిమ్డ్‌ డెడ్‌బాడీలను ఢిల్లీ, పుదుచ్చేరి, బెంగళూరు, కొప్పాల్, హుబ్లీ, మణిపూర్, ఏపీ, తమిళనాడులోని పలు మెడికల్‌ కాలేజీలకు విక్రయించారు. వాటి ద్వారా కోటి రూపాయలకుపైగా ఆస్పత్రికి ఆదాయం వచ్చిందని అధికారులు చెబుతున్నారు. కొన్నేళ్ల కింద మణిపాల్‌లోని ఓ మెడికల్‌ కాలేజీ ఏకంగా 15 శవాలను ఆర్డర్‌ చేయడం, ఇక్కడి నుంచి పంపడం గమనార్హం.  తరలిపోయే వాటిలో అనుమానాస్పద శవాలు కూడా..!  రాష్ట్రం నుంచి శవాలు సరిహద్దు దాటాలంటే సరైన అనుమతులు ఉండాలి. ఈ విషయంలో కొందరు పోలీసులు కూడా వైద్య సిబ్బందితో చేతులు కలిపారన్న ఆరోపణలు ఉన్నాయి. ఉస్మానియా మార్చురీ నుంచి వివిధ ప్రైవేటు మెడికల్‌ కాలేజీలకు పెద్ద సంఖ్యలో అన్‌క్లెయిమ్డ్‌ డెడ్‌బాడీలను అమ్మినట్టు రికార్డులు ఉన్నాయి. మరి ఆ డెడ్‌బాడీలన్నీ వివిధ ఆస్పత్రుల్లో చేరి చనిపోయినవారి శవాలా, లేక 174 సీఆర్‌పీసీ వర్తించే అనుమానాస్పద మృతుల శవాలా? అన్న సందేహాలు తలెత్తుతున్నాయి. వందలాది మంది అనాథల్లా ఎలా చనిపోయారు? ఆ డెడ్‌ బాడీల కోసం ఎవరూ క్లెయిమ్‌ చేసుకోలే దా? అన్న ప్రశ్నలు తలెత్తుతున్నాయి.  మెడికల్‌ కా లేజీలకు తరలిన వాటిలో అనుమానాస్పద మృతు ల శరీరాలు కూడా ఉంటాయన్న వాదనలు వినిపిస్తున్నాయి. అసలు మెడికల్‌ కాలేజీలకు తరలిన డెడ్‌బాడీలు ఎవరివి? వారి ఫొటోలు ఏ పత్రికలో ప్రచురితమయ్యాయి? ఏ వెబ్‌సైట్లో వారి వివరాలు ఉన్నాయి. వారి వేలిముద్రలు, శాంపిల్స్‌ను ఎవరు, ఎక్కడ భద్రపరిచారు. తర్వాత కాలంలో వారి బంధువులు ఎవరైనా వచ్చారా? అన్న ప్రశ్నలకు సమాధానం వైద్య సిబ్బందికే తెలియాలి.  అన్‌ క్లెయిమ్డ్‌ వేరు.. అనుమానాస్పదం వేరు  ఎవరైనా అనారోగ్య కారణాలతో.. స్వయంగానో, ఇతరుల సాయంతోనో ఆస్పత్రిలో చేరుతుంటారు. అలాంటివారిలో కొందరు చికిత్స పొందుతుండగానే మరణిస్తారు. ఆ శవాలను తీసుకెళ్లడానికి ఎవరూరారు. మరికొన్ని సందర్భాల్లో కుటుంబ సభ్యులే శవాన్ని ఆస్పత్రిలో వదిలేసి వెళ్తుంటారు. ఇలాంటి శవాలను అన్‌క్లెయిమ్డ్‌ డెడ్‌బాడీలు (అనాథ శవాలు) అంటారు. వీటికి పోస్టుమార్టం నిర్వహించాల్సిన అవసరం ఉండదు. ఈ బాడీలను మెడికల్‌ కాలేజీలకు ఇచ్చేందుకు వీలుంటుంది.   రోడ్లు, ఇతర బహిరంగ ప్రదేశాల్లో ఎవరైనా చనిపోయి, వారి వివరాలేమీ తెలియకుంటే అనుమానాస్పద డెడ్‌బాడీలుగా పేర్కొంటారు. దీనికి సంబంధించి సీఆర్‌పీసీ 174 సెక్షన్, పోలీసు మ్యాన్యువల్‌ 490 ప్రకారం.. తప్పకుండా కేసు నమోదు చేయాలి. శవానికి ప్రభుత్వాస్పత్రిలో పోస్టుమార్టం నిర్వహించి, అంత్యక్రియలు నిర్వహించాలి. పోలీస్‌ మాన్యువల్‌ 311 ప్రకారం.. అనుమానాస్పద స్థితిలో మరణించిన వ్యక్తుల శవాలను గ్రామ పంచాయతీ లేదా పురపాలక సిబ్బంది సాయంతో అంత్యక్రియలు నిర్వహించాలి. ఎట్టి పరిస్థితుల్లోనూ ప్రైవేటు లేదా ప్రభుత్వ మెడికల్‌ కాలేజీలకు అప్పగించకూడదు.  హైకోర్టును ఆశ్రయిస్తాం  అనాథ శవాల విషయంగా జరుగుతున్న అక్రమాలపై త్వరలో హైకోర్టును ఆశ్రయిస్తాం. మృతదేహాల అంత్యక్రియలకు సంబంధించి ఎలాంటి పబ్లిక్‌ డొమైన్‌ లేకపోవడం వల్లనే ఇలాంటి దారుణాలు, దందాలు సాగుతున్నాయి. అనాథ శవాలను తీసుకెళ్లి అంత్యక్రియలు జరిపే సమయంలో ఎలాంటి ఫొటోలు, వీడియోలు తీసి పెట్టడం లేదు. పెద్ద సంఖ్యలో అనాథ శవాలు వివిధ ప్రైవేటు కాలేజీలకు తరలిపోయాయి. అందులో సగానికిపైగా వివిధ రాష్ట్రాలకు పంపారు. ఇవన్నీ జీవో నం.231 ప్రకారం.. అన్‌క్లెయిమ్డ్‌ డెడ్‌బాడీస్‌ అని చెబుతున్నారు. కానీ అందులో 174 సీఆర్‌పీసీ వర్తించే అనుమానాస్పద డెడ్‌బాడీలు కూడా ఉండే ఉంటాయి. ఏళ్లుగా వేలాది శవాలను ఎవరూ క్లెయిమ్‌ చేసుకోకపోవడంపై అనుమానాలు వస్తున్నాయి. అలా పంపిన శవాల వివరాలను ఎక్కడ పొందుపర్చారో తెలియాలి. ఈ వ్యవహారంపై న్యాయ పోరాటం చేస్తాం.  – రాజేశ్వర్‌రావు, సత్యహరిశ్చంద్ర ఫౌండేషన్‌  

సాక్షి, గాంధీ మార్చురీ: చటాన్‌పల్లి ఎన్‌కౌంటర్‌లో మరణించిన నలుగురు దిశ నిందితుల మృతదేహాలను తదుపరి ఆదేశాలు ఇచ్చేంతవరకు గాంధీ మార్చురీలోనే భద్రపరచాలనే హైకోర్టు ఆదేశాల మేరకు గాంధీ మార్చురీ వైద్యులు తగిన జాగ్రత్తలు చేపట్టారు. మృతదేహాలు కుళ్లిపోకుండా ఎంబామింగ్‌ (రసాయనపూత) చేసి ప్రత్యేక ఫ్రీజర్‌ బాక్సుల్లో భద్రపరిచారు. మనిషి మరణించిన 24 గంటల తర్వాత పలు రకాల వైరస్, బాక్టీరియాలు చేరడంతో మృతదేహం కుళ్లిపోవడం ప్రారంభమవుతుందని, మృతదేహాలను భద్రపరిచే విధానం పూర్వకాలం నుంచే అవలంబిస్తున్నారని పలువురు వైద్యనిపుణులు స్పష్టం చేస్తున్నారు. అయితే మృతులు మహ్మద్‌ ఆరిఫ్, జొల్లు శివ, జొల్లు నవీన్, చెన్నకేశవులు మృతదేహాలకు ఎంబామింగ్‌ ప్రక్రియ చేపట్టారు. రక్తనాళాల ద్వారా సుమారు రెండు గ్యాలన్ల ఫార్మల్‌ డీహైడ్‌ అనే ద్రావకాన్ని ఒక మృతదేహాంలోకి ఎక్కిస్తారు. రక్తనాళాల్లోకి ద్రావకం పంపింగ్‌ చేసేందుకు ప్రత్యేక వైద్యయంత్రాన్ని వినియోగిస్తారు. ఒకసారి ఎంబామింగ్‌ చేస్తే రెండు వారాల పాటు మృతదేహాలు పాడైపోకుండా తాజాగా ఉంటాయని సంబంధిత వైద్యులు తెలిపారు. ఎంబామింగ్‌ చేయకుండా ఫ్రీజర్‌బాక్స్‌లో పెడితే శీతలానికి గడ్డకట్టుకుపోతాయి తప్పితే తాజాగా ఉండవని వివరించారు. మృతదేహాలకు పోస్టుమార్టం నిర్వహించి నివేదికలు అందించినప్పటికీ కోర్టు ఆదేశిస్తే మరోమారు పోస్టుమార్టం నిర్వహించేందుకు వీలుగా మృతదేహాలు తాజాగా ఉండేందుకు ఎంబామింగ్‌ ప్రక్రియ చేపట్టి ఫ్రీజర్‌ బాక్సుల్లో భధ్రపరిచినట్లు సంబంధిత వైద్యులు వెల్లడించారు. గాంధీ మార్చురీ వద్ద ముగ్గురు సీఐలు, ఆరుగురు ఎస్సైలు, సుమారు 40 మంది కానిస్టేబుళ్లతో బందోబస్తు ఏర్పాట్లు చేపట్టి మూడంచెల భద్రతను కొనసాగిస్తున్నారు.    బుల్లెట్ల కోసం గాలింపు  దిశ నిందితుల ఎన్‌కౌంటర్‌ స్థలంలో వెతికిన పోలీసులు   షాద్‌నగర్‌ టౌన్‌: దిశ హంతకులను ఎన్‌కౌంటర్‌ చేసిన ప్రదేశాన్ని పోలీసులు శనివారం మరోసారి తనిఖీ చేశారు. బుల్లెట్ల కోసం విస్తృతంగా గాలించారు. 8 మంది సభ్యులతో కూడిన పోలీసుల బృందం బుల్లెట్లను వెతికేందుకు ప్రత్యేక మెటల్‌ డిటెక్టర్లను ఉపయోగించింది. ఘటన జరిగిన రంగారెడ్డి జిల్లా చటాన్‌పల్లి బ్రిడ్జి సమీపంలో బుల్లెట్లను స్వాధీనం చేసుకునేందుకు చుట్టుపక్కల ప్రాంతం మొత్తాన్ని ప్రత్యేక పోలీసు బృందం తనిఖీ చేసింది. సుప్రీంకోర్టులో బుల్లెట్లకు సంబంధించిన వివరాలు అడిగిన నేపథ్యంలో పోలీసులు ఎన్‌కౌంటర్‌ జరిగిన స్థలంలో బుల్లెట్ల కోసం గాలించినట్లు తెలుస్తోంది. ఘటనా స్థలంలో బుల్లెట్లు లభించాయా.. లేదా అనే విషయాలను మాత్రం పోలీసులు వెల్లడించలేదు. ఘటనా స్థలానికి పోలీసులు ఎవరినీ అనుమతించలేదు. 

తూర్పుగోదావరి ,రాజమహేంద్రవరం సిటీ: రోడ్డు ప్రమాదాలు, ఫుట్‌పాత్‌లపై మరణించే అనాథల శవాలను రోటరీ కైలాసభూమికి తరలింపులో మున్సిపల్, పోలీసు సిబ్బంది వ్యవహరిస్తున్న తీరుపై సర్వత్రా విమర్శలు వినిపిస్తున్నాయి. అనాథుల మృతదేహాలను శ్మశానవాటికకు తరలించేందుకు రోటరీ కైలాసభూమి నుంచి ఉచితంగా వాహనాలు అందించే అవకాశం ఉన్నా వాటిని సద్వినియోగం చేసుకోవడం లేదు. చెత్తను తరలించే తొట్టెలో అమానవీయంగా తరలిస్తుండడంపై నగరవాసులు మండిపడుతున్నారు. రాజమహేంద్రవరం ఇన్నీసుపేట కైలాస భూమికి అనాథ మృతదేహాన్ని మున్సిపల్‌ సిబ్బంది పోలీసులు ఇలా చెత్త బండిలో తరలిస్తుండడంతో ఓ వ్యక్తి తీసిన ఫొటో సామాజిక మాద్యమాల్లో హల్‌చల్‌ చేస్తోంది. నగరంలో మానవత్వం మంటగలిసేలా ఈ చర్యలేంటని పోలీసులు, మున్సిపల్‌ సిబ్బంది తీరుపై పలువురు ఆగ్రహం వ్యక్తం చేస్తున్నారు. ఈ విషయమై పోలీస్‌ అధికారులను ‘సాక్షి’ వివరణ కోరగా.. అనాథ మృతదేహాల తరలింపులో సంబంధిత సిబ్బందికి రూ.వెయ్యి స్టేషన్‌ నుంచి ఇస్తామని చెబుతున్నారు. అయితే రాజమహేంద్రవరంలోని రోటరీ కైలాసభూమి నిర్వాహకులు పట్టపగలు వెంకట్రావును సంప్రదించగా ఇన్నీసుపేట, కోటిలింగాల రేవు శ్మశానవాటికలకు సంబంధించి రెండు వాహనాలు అనాథ మృతదేహాలను ఉచితంగా తరలించేందుకు సిద్ధంగా ఉన్నాయన్నారు. ఈ సంఘటన జరిగిన రోజు మున్సిపాలిటీ, పోలీసుల వద్ద నుంచి ఏవిధమైన సమాచారం రాలేదని రెండో పట్టణ పోలీస్‌స్టేషన్‌కు చెందిన కానిస్టేబుల్‌ అనాథ మృతదేహాన్ని తీసుకుని వచ్చి కైలాసభూమిలో అప్పగించి వెళ్లిపోయారని వెంకట్రావు తెలిపారు.

చేతులు స్పష్టంగా కనిపిస్తున్న ఫొటో అది. కుడి చేతిపై అమ్మ, ఎడమ చేతిపై రాధ అని పచ్చబొట్లు ఉన్నాయి. ‘రాధ’.. ఆ పేరును ఒకటికి రెండు సార్లు అనుకున్నాడు సీఐ. నమ్మకాన్ని హత్య  చేసేవాడు ఒకడు.విశ్వాసాన్ని హత్య చేసేవాడొకడు.ప్రేమను హత్య చేసే వాడొకడు.పాశాన్ని హత్య చేసేవాడొకడు. హితం కోరేవాడు స్నేహితుడైతే హత్య చేసేవాడు ఏమవుతాడు? 2005 జూన్‌ 27. ఆ ఉదయం వర్షకాల ఆగమనానికి సూచికగా ఆకాశం మబ్బు పట్టి ఉంది. చల్లటి గాలులు వీస్తున్నాయి. నిజానికి అలాంటి వాతావరణంలో ఊళ్లో ఒక ఉత్సాహం ఉంటుంది. కానీ ఆ గ్రామంలోమాత్రం కలకలం రేగింది.గ్రామం పేరు తక్కెళ్లపాడు.గుంటూరు  శివార్లలో ఉంటుంది.‘ఏం జరిగిందిరా సుబ్బా. అంతా అలా పరిగెడుతున్నారు’ ఎవరో మరొకరిని ఆపి అడిగారు.‘వే బ్రిడ్జి దగ్గర ఎవర్నో చంపి పొలాల్లో పడేశారంట..’ జవాబు చెప్పిన వ్యక్తి తిరిగి పరుగందుకున్నాడు.పొలాలకు నీళ్లు పెట్టే సమయం అది. ఉదయాన్నే పొలాల వైపు వెళ్లాల్సిన కాళ్లు వేబ్రిడ్జివైపు పరుగులు తీస్తున్నాయి. అందరూ చేరుకున్నారు. పొలాల మధ్య గుర్తు తెలియని యువకుడి మృతదేహం పడి ఉంది. రక్తం మట్టిలో ఇంకిపోయింది. దారుణం జరిగిందనడానికి గుర్తుగా చెదిరిన పొలం తాలూకునారుమొక్కలు బెదిరిపోయిన పిల్లల్లా కనిపిస్తున్నాయి. పెదకాకాని సీఐ వచ్చాడు. సిబ్బంది జనాన్ని కంట్రోల్‌ చేస్తున్నారు.సీఐ అక్కడ పడి ఉన్న డెడ్‌బాడీని పరిశీలించాడు. శరీరంపై లోతైన గాయాలున్నాయి. ఏదైనా  బాటిల్‌తో పొడిస్తే అలాంటి గాయాలుఅవుతాయి. గొంతు, తలపై విచక్షణారహితంగా పొడవడం వల్ల ముఖం గుర్తు పట్టరాకుండా ఉంది. శరీరం నలిగిపోయి ఉంది. బహుశా చెక్క ముక్కలతో విపరీతంగా కొట్టినట్టున్నారు. క్లూస్‌టీం, డాగ్‌ స్వా్కడ్‌లు చేరుకున్నాయి. ఆధారాలు సేకరించే పనిలో పడ్డాయి.శవానికి కొద్ది దూరంలో బీరు బాటిళ్లు, చెక్కలు తప్ప మరే ఆధారం దొరకలేదు. వేబ్రిడ్జి నిర్వాహకుడు‡సుబ్బారావు ఫిర్యాదు మేరకు గుర్తు తెలియని మృతదేహంగా పోలీసులు కేసు నమోదు చేసి  మృతదేహాన్ని గుంటూరు జీజీహెచ్‌ మార్చురీకి తరలించారు.‘కేసు ఛేదించాలంటే ముందు మృతుడు ఎవరో తెలియాలి’ ఆలోచనలో పడ్డాడు సీఐ. అప్పుడే సంఘటనాస్థలంలో తీసిన మృతుడి ఫొటోలు సీఐ టేబుల్‌ మీద ఉంచారు సిబ్బంది. వాటిని తీసుకొని ఒక్కొక్కటి గమనిస్తున్నాడతను. ఓ ఫొటో దగ్గర అతని చూపు ఆగిపోయింది.చేతులు స్పష్టంగా కనిపిస్తున్న ఫొటో అది. కుడి చేతిపై అమ్మ, ఎడమ చేతిపై రాధ అని పచ్చబొట్లు ఉన్నాయి.‘రాధ’.. ఆ పేరును ఒకటికి రెండు సార్లు అనుకున్నాడు సీఐ.‘ఈ కేసులో ఈ పచ్చబొట్టే కీలకం కానుందా... ఈ రాధ ఎవరో తెలిస్తే మృతుడెవరో తెలుస్తాడా’ అనుకున్నాడు.  ‘సార్‌..’ అనే మాట వింటూనే ఏంటన్నట్టు చూశాడు కానిస్టేబుల్‌ 205. ‘సర్‌.. నిన్నటి ఈ పేపర్‌..’ అని చేతిలో ఉన్న న్యూస్‌పేపర్‌ చూపించాడతను. ‘సీఐగారు లోపలున్నాడు పదండి’ అని సీఐ దగ్గరకు తీసుకెళ్లాడు కానిస్టేబుల్‌. ‘సార్‌.. నిన్న మనం ఓ న్యూస్‌ ఇచ్చాం కదా! దాని తాలూకు వ్యక్తి వచ్చాడు’ చెప్పి వెళ్లిపోయాడు. సీఐ ఆ వచ్చిన వ్యక్తివైపు చూశాడు. అతడు ఒంటికాలుతో ఉండి, చెక్క కాలును ఆధారంగా చేసుకొని నిలబడి ఉన్నాడు.‘సర్‌.. నా పేరు మణిబాబు. గుర్తు తెలియని యువకుడి హత్య అని పేపర్‌లో ఈ న్యూస్‌ వచ్చింది’ అంటూ పేపర్‌ క్లిప్పింగ్‌ చూపించాడు.‘అవును..’ అన్నాడు సీఐ.‘ఈ ఫొటోలోని పచ్చబొట్టు చూస్తే అతను మా తమ్ముడు సూరియే అని అనుమానంగా ఉంది సార్‌’ అన్నాడు అనుమానం, ఆందోళన నిండిన గొంతుతో.వెంటనే సీఐ అతణ్ణి మార్చురీకి తీసుకెళ్లి అక్కడ భద్రపరిచిన యువకుడి మృతదేహాన్ని చూపించాడు. మృతదేహం చేతిపై ఉన్న పచ్చబొట్టును పరిశీలనగా చూశాడు మణి. అతని కళ్లు ధారాపాతంగా వర్షిస్తున్నాయి. ‘సార్‌... ఇతను నా తమ్ముడే సూరి’ ‘మరి రాధ ఎవరు?’‘తెలియదు. కానీ మా అమ్మంటే వాడికి చాలా ప్రేమ’ అన్నాడు ‘అమ్మ’ అని ఉన్న పచ్చబొట్టు వైపు చూస్తూ.ఈలోపు బంధువులు అక్కడికి చేరుకున్నారు. పోస్టుమార్టం జరిపిన అనంతరం మృతదేహాన్ని మణికి అప్పగించారు పోలీసులు. సూరి, మణిబాబు అన్నదమ్ములు. చిన్నతనంలోనే తండ్రి చనిపోవడంతో తల్లి కూలి చేసి పిల్లలను చదివించింది. మణిబాబు పదోతరగతితోనే చదువు మానేసి తల్లికి చేదోడువాదోడుగా ఉండేవాడు. సూరి చదువుకునేవాడు. అయితే ఏడాది క్రితం మణిబాబుకి రోడ్డు ప్రమాదం జరిగి కాలు తీసేయాల్సిన పరిస్థితి వచ్చింది.  తల్లి ఆరోగ్యం అంతంతమాత్రం కావడంతో సూరి కూడా చదువు ఆపేసి పనిలో చేరకతప్పలేదు.మణిబాబు చెప్పిన వివరాల ఆధారంగా పోలీసులు సూరి స్నేహితులను విచారించారు. 26వ తేదీ రాత్రి తొమ్మిది గంటల సమయంలో వెంకటేశ్, గోవిందస్వామిలతో కలిసి సూరి బైక్‌పై వెళ్తుండటం నాజ్‌సెంటర్‌ వద్ద చూశామని విచారణలో తెలిసింది. వెంటనే ఆ ఇద్దరినీ అదుపులోకి తీసుకున్నారు పోలీసులు. ఒక్కో విషయం వెలుగులోకి రాసాగింది. అసలు ఏం జరిగిందంటే...గోవిందస్వామి, వెంకటేశ్, సూరి స్నేహితులు. కానీ వారి మధ్య అంతస్తులో తేడా ఉంది. టౌన్‌లో వెంకటేశ్‌కి ఐరన్‌షాప్‌ ఉంది. స్నేహితుడు కనుక సూరి ఆ షాపులోనే పనికి చేరాడు. చేరిన కొద్ది రోజులకే మంచినమ్మకస్తుడు అని పేరు తెచ్చుకున్నాడు. షాప్‌ పనులే కాకుండా ఇంటి పనులకూ సూరిని పురమాయించేవాడు వెంకటేశ్‌. రెండు నెలల క్రితం షాపును సూరికి అప్పజెప్పి పని మీద హైదరాబాద్‌ వెళ్లాడతను. ఆ సమయంలో సూరి చూడకుండా గల్లపెట్టెలోని లక్షరూపాయలను దొంగిలించాడు గోవిందస్వామి. అతడి దొంగతనం తెలుసుకున్న సూరి ‘నలుగురిలో ఈ విషయం బయటపెట్టక ముందే మర్యాదగా డబ్బు తెచ్చివ్వు’ అని హెచ్చరించాడు.  ‘నీకూ వాటా ఇస్తా! ఇద్దరమూ చెరి సగం పంచుకుందాం. ఏదో లెక్కల్లో జమ చేసేయ్‌. ఈ విషయం చూసీ చూడనట్టు ఊరుకో’ అన్నాడు గోవిందస్వామి. ‘నువ్విలాంటివాడివని తెలియక వెంకటేశ్‌ నిన్ను నెత్తికెత్తుకున్నాడు. అతడు రానీ, నీ విషయం అంతా చెబుతా’ అన్నాడు ఆవేశంగా సూరి. మారు మాటాడకుండా తీసుకెళ్లిన సొమ్ముని తెచ్చిచ్చిన గోవిందస్వామి ఆ నాటి నుంచి సూరిమీద పగ పెంచుకున్నాడు.  ‘సూరి అంత మంచివాడు కాదురా! నీ షాపులో డబ్బులు నొక్కేస్తున్నాడని నాకు సమాచారం తెలుస్తోంది. పైగా నీ చెల్లెలితో బయట తిరుగుతున్నాడు. జాగ్రత్తగా ఉండు’అంటూ వెంకటేశ్‌ను హెచ్చరించేవాడు. వెంకటేశ్‌ మొదట్లో పట్టించుకోలేదు. కానీ, సూరి మీద తన పెద్ద చెల్లెలు రాధ ప్రేమ పెంచుకుందని తెలిసి తట్టుకోలేకపోయాడు. పైగా రాధ పేరు సూరి పచ్చబొట్టు పొడిపించుకోవడంతో ఇంకా ఉగ్రుడయ్యాడు.‘పని ఇచ్చినవాడినే మోసం చేస్తావా, చంపేస్తా’ అంటూ సూరి మీద దాడి చేశాడు వెంకటేశ్‌.‘మరోచోట పనిచూసుకొని పదిరోజుల్లో నీ చెల్లెలిని తీసుకెళ్తా.. చూసుకో’ అంటూ హెచ్చరించి వెళ్లాడు సూరి.తన దగ్గర పనిచేసేవాడిని చెల్లెలు పెళ్లి చేసుకుంటే టౌన్‌లో తన పరువేం కావాలి... పైగా పని ఇచ్చిన తనపైనే ఎదురు తిరిగాడు అని మథన పడసాగాడు వెంకటేశ్‌. ఈ విషయాన్ని స్నేహితుడైన గోవిందస్వామితో చర్చించాడు. అప్పటికే సూరి మీద పగ పెంచుకున్న గోవిందస్వామి ఇదే అదనుగా వెంకటేశ్‌తో ‘నువ్వెందుకు బాధపడటం... సూరిని లేపేస్తే సమస్య పరిష్కారం అవుతుంది’ అన్నాడు.   వెంకటేశ్‌ బెదిరిపోయాడు.‘వద్దు. ఏదోవిధంగా వాడిని బెదిరించి ఇక్కణ్ణుంచి పంపించేయాలి. నా చెల్లెలికి నేను నచ్చజెప్పుకుంటా’ అన్నాడు. ‘అలాగే చేద్దాం. ముందు నే చెప్పినట్టు చేయ్‌’ అన్నాడు గోవిందస్వామి.ముందే అనుకున్న విధంగా చీకటి పడే వేళకు సూరికి ఫోన్‌ చేయమన్నాడు గోవిందస్వామి వెంకటేశ్‌ని. ‘రాధ విషయం మాట్లాడాలి... నువ్వు రా’ అని చెప్పాడు వెంకటేశ్‌.రాధ పేరు వినేసరికి సరేన ని వెంకటేశ్‌ చెప్పిన చోటుకి వచ్చాడు సూరి. అక్కడ బైక్‌పైన గోవిందస్వామిని చూసి ‘నేను రాను’ అన్నాడు.వెంకటేశ్‌ నచ్చచెప్పడంతో బండెక్కాడు సూరి.ముగ్గురూ ఆ బండి మీద హైవే దారి పట్టారు.‘ఇంతదూరమా’ అన్నాడు సూరి ఓ చోట.‘పార్టీ చేసుకోవాలంటే ప్రశాంతంగా ఉండాలిగా’ అంటూ తక్కెళ్ళపాడు వద్ద ఉన్న పొలాల్లోకి  తీసుకెళ్లి బండిని నిలిపాడు గోవిందస్వామి.ముగ్గురూ కలసి ఓ చోటు చూసుకొని కూర్చున్నారు. గోవిందస్వామి సూరి చేత అతిగా మద్యం తాగించాడు. మద్యం మత్తులోకి జారుకున్నాడు సూరి.‘వాడినేదో హెచ్చరించి, ఈ ఊరు వదిలి వెళ్లగొట్టే పని చేస్తావనుకుంటే నువ్వేంటి ఇక్కడదాకా తీసుకొచ్చి పీకలదాకా తాగించావు’ విసుక్కున్నాడు వెంకటేశ్‌.‘ఊరి నుంచి ఎందుకు ఈ లోకంలోనే లేకుండా పంపించేద్దాం’ అన్నాడు గోవిందస్వామి.  అర్థంకానట్టు చూశాడు వెంకటేశ్‌. గోవిందస్వామి సూరి తల మీద బీరుబాటిల్‌తో బలంగా కొట్టాడు. ఆ దెబ్బకు సూరి స్పృహ కోల్పోయాడు.వెంకటేశ్‌ షాక్‌ తగిలినట్టు క్షణం సేపు ఉండిపోయాడు.సూరి గొంతు నులిమి, తలపై బీరు బాటిళ్లతో పదే పదే మోదాడు గోవిందస్వామి. కర్కశంగా గొంతు దగ్గర, ముఖం మీద పొడిచాడు. మత్తులో వెంకటేశ్‌కు కూడా కోపం వచ్చింది. పక్కనే ఉన్న చెక్క ముక్కలతో సూరినిపొడిచాడు.సూరి మరణించాడని నిర్ణయించుకున్నాక వెంకటేశ్‌కి ఏం చేయాలో అర్థం కాలేదు. సూరి దగ్గరున్న ఫోన్‌ తీసి, స్విచ్ఛాఫ్‌ చేసి, ‘పద’ అన్నాడు వెంకటేశ్‌తో గోవిందస్వామి. వెంకటేశ్‌ బండి తీశాడు. దారిలో బ్రిడ్జికి మరో వైపు ఆ ఫోన్‌ని విసిరేసి, ఇద్దరూ ఇంటికి వెళ్ళిపోయారు. ప్రకృతి అన్నీ గమనిస్తుంటుంది.అది ఏ ద్రోహాన్నైనా క్షమిస్తుంది గానీ స్నేహద్రోహాన్ని మాత్రం కాదు.వాళ్లిద్దరూ తమ జీవితాలకు మించి కోల్పోయింది ఒక మంచి స్నేహితుణ్ణే. – వడ్డే బాలశేఖర్,   సాక్షి, గుంటూరు 

సాక్షి, హైదరాబాద్‌: ఉత్తరాదిలో అదృశ్యమైన ఓ వ్యక్తి నగరంలో శవంగా కనిపిస్తాడు... ఆ రాష్ట్రంలో మిస్సింగ్‌గా ఉన్న ఈ కేసు ఇక్కడ ఆన్‌నోన్‌ డెడ్‌బాడీగా ఉంటుంది... అనేక కారణాల నేపథ్యంలో ప్రత్యర్థుల్ని హత్య చేస్తున్న నేరగాళ్లు వారి శవాలను వేరే ప్రాంతానికి తరలించి రోడ్లపై పడేస్తున్నారు... రాజధానిలో ఏటా లభిస్తున్న గుర్తుతెలియని మృతదేహాల వెనుక ఇలాంటి కారణాలెన్నో ఉన్నాయి. ఈ కేసుల దర్యాప్తు దశ, దిశ లేకుండా సాగి చివరకు మూతపడుతున్నాయి. దేశ వ్యాప్తంగా ఉన్న ఈ సమస్యను కేంద్రం పరిగణనలోకి తీసుకుంది. మిస్సింగ్‌ కేసులు, గుర్తు తెలియని శవాలతో పాటు నేరగాళ్ల వివరాలతోనే డీఎన్‌ఏ బ్యాంకులు ఏర్పాటు చేయాలని నిర్ణయించింది. దీనికి సంబంధించిన బిల్లును కేంద్రమంత్రి హర్షవర్ధన్‌ గురువారం లోక్‌సభలో ప్రవేశపెట్టారు. ఇది అమల్లోకి వస్తే కేసుల దర్యాప్తులో ఎంతో ఉపయుక్తమని పోలీసులు చెప్తున్నారు. వ్యాపార, ఆర్థిక లావాదేవీలతో పాటు సెక్సువల్‌ జెలసీ కారణంగా దారుణంగా హత్యలు చేస్తున్నవారు మృతదేహాలను బహిరంగ ప్రదేశాల్లో పడేస్తున్నారు. ఈ తరహా కేసులను కొలిక్కి తీసుకురావడానికి పోలీసులు ముప్పుతిప్పలు పడుతున్నా ఫలితం దక్కట్లేదు. ఇది మరికొందరు ఇదే బాటపట్టడానికి ‘ప్రోత్సాహం’ఇస్తోంది.   ఇదే ఆ దుండగుల ధైర్యం.. హత్య జరిగినప్పుడు పోలీసులు హతుడి చరిత్ర, వ్యాపార/వ్యక్తిగత లావాదేవీలు, ప్రవర్తన తెలుసుకోవడంపై దృష్టి పెడతారు. హత్యకు వీటిలో ఏదో ఒకటి కారణమై.. నిందితులు పట్టుబడే అవకాశం ఉంటుంది. ఘటనాస్థలి, హతుడు లేదా హంతకుడికి సంబంధించి స్థలంలో శవాన్ని వదిలేస్తే అది దర్యాప్తునకు ఆధారంగా మారే చాన్స్‌ ఉంది. దీంతోనే హంతకులు ఓ వ్యక్తిని చంపిన తరవాత వారిని గుర్తుపట్టే అవకాశం లేకుండా బహిరంగ ప్రదేశాల్లో పడేస్తున్నారు. ఒకవేళ సీసీ కెమెరాల ఆధారంగా పోలీసులు గుర్తించినా... ఈలోపు పరారవడమో, అజ్ఞాతంలోకి వెళ్లిపోవడమో చేస్తున్నారు. ఇలాంటి కేసులు కొలిక్కి వచ్చినా వాటిని న్యాయస్థానాల్లో నిరూపించడానికి ఆధారాలను సేకరించడం అంత తేలిక్కాదు.   ‘లుక్‌ఔట్‌’తో సరిపెట్టాల్సిందే... ఇలా మృతదేహాలుగా దొరుకుతున్న వారు ఎక్కడో ఒకచోట అదృశ్యం అవుతున్న వారే. ప్రస్తుతం అదృశ్యం కేసులు, గుర్తుతెలియని మృతదేహాల కేసుల దర్యాప్తు మొక్కుబడిగానే సాగుతోంది. వీరి ఫొటోలతో లుక్‌ఔట్‌ నోటీసులు జారీ చేస్తున్న పోలీసులు వాటిని అన్ని స్టేషన్లకు పంపిస్తున్నారు. ఈ మృతదేహాలు ఎక్కువగా చెడిపోయిన స్థితిలో లభిస్తున్నాయి. మిస్సింగ్‌ కేసు నమోదు చేసిన మరో ఠాణా అధికారులు ఈ ఫొటోలను చూసినా గుర్తించే స్థితిలో ఉండట్లేదు. ఫలితంగా అనేక అదృశ్యం కేసులు మిస్సింగ్స్‌ గానే, గుర్తు తెలియని మృతదేహాల కేసులు అలానే ఉండిపోతున్నాయి. దీంతో హత్యలు చేసిన నేరగాళ్లు స్వేచ్ఛగా సమాజంలో సంచరిస్తున్నారు.   ‘సుప్రీం’ ఆదేశాలతో కదిలిన కేంద్రం... గుర్తుతెలియని శవాలకు సంబంధించి ఓ కేసును విచారించిన సుప్రీం కోర్టు 2015, జనవరిలో కేంద్రంపై ఆగ్రహం వ్యక్తం చేసింది. ఈ కేసుల్ని కొలిక్కి తెచ్చేందుకు సమగ్ర విధానాన్ని ఏర్పాటు చేయాల్సిందిగా ఆదేశించింది. దీంతో కదిలిన కేంద్రం డీఎన్‌ఏ బ్యాంకులుగా సమాచార నిధి ఏర్పాటుకు సన్నాహాలు ప్రారంభించింది. దీనికోసం తయారు చేసిన ముసాయిదా బిల్లు ప్రకారం దేశంలోని అన్ని జిల్లాలు, కమిషనరేట్లలో డీఎన్‌ఏ నమూనాల సేకరణ, పరీక్ష కేంద్రాలు ఏర్పాటు చేస్తారు. గుర్తుతెలియని మృతదేహాలు, మిస్సింగ్‌ కేసుల డీఎన్‌ఏను సేకరించి విశ్లేషించడంతో పాటు భద్రపరుస్తారు. అన్నీ తేలతాయి.. ఈ బ్యాంకుల ఏర్పాటుతో ఓపక్క మిస్సింగ్‌ కేసులతో పాటు మరోపక్క అన్‌నోన్‌ డెడ్‌బాడీస్‌ గుట్టు రట్టవుతుందని అధికారులు చెప్తున్నారు. ఎవరైనా తమ వారు తప్పిపోయారని ఫిర్యాదు చేస్తే సంబంధీకుల డీఎన్‌ఏను సేకరిస్తారు. అలాగే గుర్తుతెలియని శవాల డీఎన్‌ఏను భద్రపరుస్తారు. ఈ వివరాలతో దేశ వ్యాప్తంగా సెంట్రలైజ్డ్‌ డేటాబేస్‌ సిద్ధమవుతుంది. ఫలితంగా ఓ రాష్ట్రంలో తప్పిపోయి, మరో రాష్ట్రంలో శవంగా మారిన వారి వివరాలను తక్షణం గుర్తించే వీలుంటుంది. దీంతో పాటు మతిస్థిమితం లేక ఓ చోట తప్పిపోయి మరోచోట పోలీసుల చెంతకు చేరుతున్న వారి వివరాలూ తెలుసుకునే అవకాశం ఏర్పడుతుంది. దీంతో దారుణహత్యలకు పాల్పడుతున్న నేరగాళ్లను జైలుకు పంపేందుకు ఆస్కారం ఉంటుందని నగర అధికారులు పేర్కొంటున్నారు.

సోమాజిగూడ : ప్రతిష్టాత్మక నిమ్స్‌ ఆస్పత్రిలోని పార్థివ అంబులెన్స్‌కు మంగళం పలికారు. గతంలో ఆస్పత్రికి చికిత్స కోసం వచ్చిన రోగి మృతి చెందితే ఆయా వాహనాల్లో ఉచితంగా మృతదేహాన్ని ఇంటికి తరలించేవారు. దీంతో మృతుల బంధువులకు ఇబ్బందులు తప్పేవి. ఒక వాహనంలో రెండు దేహాలను తీసుకు వెళ్లే సామర్థ్యం గల రెండు అంబులెన్సులను 2016 నవంబర్‌లో కేటాయించారు. కొన్నాళ్లు సేవలు అందించిన ఈ వాహనాలు గతేడాది జూలై నుంచి సేవలు నిలిచిపోయాయి. అవి ఇప్పుడు ఎక్కడున్నాయో తెలియని పరిస్థితి. దీంతో ప్రస్తుతం నిమ్స్‌లో ఎవరైనా ప్రాణాలు కోల్పోతే ప్రైవేట్‌ వాహనాలను ఆశ్రయించాల్సి వస్తోంది. ఎంతో ప్రతిష్టాత్మకమైన నిమ్స్‌లో పార్థివ వాహనాలు మూలన చేరడం.. వాటిని తిరిగి అందుబాటులోకి తీసుకువచ్చేందుకు యాజమాన్యం కృషి చేయ కపోవడాన్ని పలువురు తప్పు పడుతున్నారు.   గాంధీలో 10, ఉస్మానియాలో నాలుగు   చికిత్స కోసం వచ్చి గాంధీలో ఎవరైనా రోగి మృతి చెందితే ఆ దేహాన్ని తరలించేందుకు అక్కడ 10 పార్థివ వాహనాలు అందుబాటులో ఉన్నాయి. ఇక ఉస్మానియాలోనూ నాలుగు వాహనాలు నిత్యం సేవలు అందిస్తున్నాయి. ఈ ఆస్పత్రుల కంటే ఎంతో ఖ్యాతి గాంచిన నిమ్స్‌లో మాత్రం ఆ వాహనాల సేవలను నిలిపివేశారు. ఆస్పత్రిలోని మృతదేహాన్ని వారి ఇంటికి తరలించడం బంధువులకు వ్యయంతో కూడిన శ్రమ. ఈ సమస్యను పరిష్కరించేందుకు ముఖ్యమంత్రి కేసీఆర్‌ ఉచిత పార్థివ అంబులెన్సులను అందుబాటులోకి తెచ్చారు. సీఎం ఆశయం మంచిదైనా.. అధికారుల నిర్లక్ష్యం వల్ల వాహనాలు మూలకు చేరాయి.  అడిగినంత ఇచ్చికోవాల్సిందే..  రోగి వైద్యానికి ఎంత వ్యయం చేసినా ఇబ్బందులు పడని వారు.. పరిస్థితి విషమించి ఆ రోగి మృతి చెందితే ఆ దేహాన్ని దూరప్రాంతానికి తీసుకెళ్లడంలో ఎన్నో ఇబ్బందులు పడుతుంటారు. అర్ధరాత్రి  వేళ తరలించేందుకు వాహనాలు అందుబాటులో ఉండవు. సమీపంలోని అంబులెన్సుల కోసం వెతులాట తప్పదు. అయితే వాహనం దొరికినా వారు ఎంత అడిగితే అంత ఇచ్చుకోవాలి. గతంలో నిమ్స్‌లో ఆ సమస్య ఎదురయ్యేది కాదు. సంబంధిత ఆర్‌ఎంను సంప్రదిస్తే వాహనం ఉచితంగా అందుబాటులోకి వచ్చేది. ఇప్పటికైనా నిమ్స్‌ యాజమాన్యం స్పందించి పార్థివ వాహనాన్ని అందుబాటులోకి తేవాలని పలువురు కోరుతున్నారు.  

న్యూఢిల్లీ/చండీగఢ్‌: ఇరాక్‌లో ఐసిస్‌ ఉగ్రవాదుల చేతుల్లో హతమైన 39 మంది భారతీయుల మృతదేహాలను వారం రోజుల్లో భారత్‌కు తీసుకురానున్నట్లు విదేశాంగ మంత్రి సుష్మా స్వరాజ్‌ పేర్కొన్నారు. సోమవారం తనను ఢిల్లీలో కలిసిన బాధిత కుటుంబసభ్యులకు సుష్మ ఈ విషయాన్ని తెలిపారు. ఇందుకోసం విదేశాంగ శాఖ సహాయ మంత్రి వీకే సింగ్‌ స్వయంగా ఇరాక్‌ వెళ్లి మొత్తం లాంఛనాలను పూర్తి చేస్తారని తెలిపారు. ఇరాక్‌కు ఉద్యోగాలకు వెళ్లినవారే తమ కుటుంబ పోషణకు ఆధారమని కుటుంబసభ్యులు సుష్మకు తెలిపారు.ప్రభుత్వం ఇచ్చిన భరోసాను.. మృతదేహాలను వెనక్కు రప్పించేందుకు చేస్తున్న యత్నా లను వారు అభినందించారు. ‘ప్రభుత్వం అన్ని రకాల హామీలను ఇచ్చింది. కుటుంబంలో ఒక రికి ప్రభుత్వోద్యోగం ఇచ్చే ప్రయత్నం చేస్తా మని సుష్మాజీ చెప్పారు. ఇందుకోసం బాధితులకు చెందిన నాలుగు రాష్ట్రాల సీఎంలతో మాట్లాడతానన్నారు. మృతదేహాలను వారంలోగా భారత్‌ తెస్తామన్నారు’ అని మృతుడు గోవింద్‌ సింగ్‌ సోదరుడు తెలిపారు. 

శ్రీకాళహస్తి రూరల్‌: మండలంలోని వాంపల్లి సమీపంలో ఏర్పేడు–వెంకటగిరి రోడ్డులో బుధవారం రాత్రి జరిగిన ప్రమాదంలో మృతిచెందిన వారి బంధువుల ఆర్తనాదాలతో శ్రీకాళహస్తి ఆస్పత్రి దద్దరిల్లింది. యువకుల మృతదేహాలకు గురువారం పోస్టుమార్టం నిర్వహించి బంధువులకు అప్పగించారు. శ్రీకాళహస్తి రూరల్‌ సీఐ సుదర్శన్‌ప్రసాద్‌ కథనం మేరకు.. శ్రీకాళహస్తి రూరల్‌ వాంపల్లి సమీపంలో బైక్‌ను ఆర్టీసీ బస్సు ఢీకొనడంతో ముగ్గురు యువకులు మృతి చెందిన సంఘటన తెలిసిందే. మృతులు చిత్తూరు పట్టణానికి చెందిన కిరణ్‌(35), రాజేష్‌(34), జనశక్తి(34). వీరు మంచి స్నేహితులు. ప్రమాదంలో మృతిచెందిన విషయం తెలిసిన వెంటనే కుటుంబ సభ్యులు, బంధువులు పెద్ద సంఖ్యలో గురువారం శ్రీకాళహస్తి ఆస్పత్రికి తరలివచ్చారు. మృతదేహాలను చూసి కన్నీరుమున్నీరయ్యారు.  ముగ్గురూ స్నేహితులు: చిత్తూరు పట్టణంలోని హకీంసాహెబ్‌ వీధికి చెందిన టౌన్‌ బ్యాంకు విశ్రాంతి ఉద్యోగి శంకరయ్య కుమారుడు కిరణ్‌ 12 ఏళ్ల నుంచి వెంకటగిరి సమీపంలోని 9వ బెటాలియన్‌లో కమాండెంట్‌ జీపు డ్రైవర్‌గా పనిచేస్తున్నాడు. ఇతనికి ఆరేళ్ల క్రితం పెళ్లి అయింది. ఇంకా పిల్లలు లేరు. ఇతని కుటుంబ సభ్యులు బెటాలియన్‌ ఆవరణలో ఉన్న పోలీస్‌ క్వార్టర్స్‌లో నివాసం ఉంటున్నారు. చిత్తూరు పట్టణంలోని న్యూ బాలాజీ కాలనీకి చెందిన గణేష్‌ కుమారుడు రాజేష్‌ ఐదేళ్ల నుంచి ట్రాఫిక్‌ కానస్టేబుల్‌గా పనిచేస్తున్నాడు. ఇతనికి 8 ఏళ్ల క్రితం వివాహమైంది. ఇతనికి భార్య ఒకటిన్నర ఏడాది కలిగిన బాబు ఉన్నారు. ఇతను చిత్తూరులోనే నివాసం ఉంటున్నాడు. చిత్తూరు పట్టణంలోని కన్నయ్యనాయుడు కాలనీకి చెందిన కాశీమాణిక్యం కుమారుడు జనశక్తి ఫోటో గ్రాఫర్‌గా పనిచేస్తున్నాడు. ఇతనికి ఆరేళ్ల క్రితం వివాహమైంది. ఇతనికి భార్య, ఏడాది వయస్సు కలిగిన కుమార్తె ఉన్నారు. కొద్ది రోజుల నుంచి కిరణ్‌ ఆరోగ్యం సరిగా లేకపోవడంతో అతన్ని పరామర్శించడానికి చిత్తూరు నుంచి రాజేష్‌. జనశక్తి బెటాలియన్‌కు వచ్చారు. అనంతరం రాజేష్, జనశక్తిని బస్సు ఎక్కించడానికి కిరణ్‌ అతని స్కూటీలో వాంపల్లికి బయలుదేరారు. వెంకటగిరి ఆర్టీసీ డిపోకు చెందిన బస్సు ఢీకొనటంతో అక్కడికక్కడే ముగ్గురు మృతి చెందారు.

సాక్షి, గుంటూరు : గుంటూరు జిల్లా దాచేపల్లి మండలం నడికుడిలో కలకలం రేగింది. నడికుడి జంక్షన్‌లోని రైల్వేట్రాక్ పై బుధవారం మూడు మృతదేహాలు బయటపడ్డాయి. ట్రాక్‌పై మూడు కిలోమీటర్ల పరిధిలో మృతదేహాలను రైల్వే పోలీసులు గుర్తించారు.  నడికూడి రైల్వేస్టేషన్‌, కేశానుపల్లి, గోగులపాడు సమీపంలో ఈ మూడు గుర్తు తెలియని మృతదేహాలు పడి ఉన్నాయి. ఈ ఘటనపై కేసు నమోదు చేసిన పోలీసులు అసులు నడికుడి జంక్షన్‌లో ఏం జరిగిందనే దానిపై దర్యాప్తు ముమ్మరం చేశారు. రైల్లో నుంచి జారి పడ్డారా? లేక హతమార్చి పడేశారా? అనే కోణంలో పోలీసులు విచారణ చేపడుతున్నారు.

సాక్షి, తిరుపతి : తిరుమలలో రెండు మృతదేహాలు కలకలం సృష్టించాయి. అనుమానాస్పద స్థితిలో పడి ఉన్న రెండు మృతదేహాలను చూసి భక్తులు కలవరపాటుకు గురయ్యారు. వివరాల్లోకి వెళ్తే కొండపై ఉన్న మాధవ నిలయం ముందున్న కాలి బాటలో ఒక పురుషునితో పాటు మహిళ మృతదేహాలను చూసి భక్తులు భయబ్రాంతులకు గురయ్యారు. పోలీసులకు సమాచారం అందించారు. స్పందించిన పోలీసులు మృతదేహాలను స్వాధీనం చేసుకుని, మార్చురీకి తరలించారు.   మృతులు చిత్తూరుకు చెందిన తల్లీకొడుకులు పుష్ప(50), శేఖర్‌(37)గా గుర్తించారు. వీరిద్దరూ నెల రోజులుగా తిరుమలలోనే ఉంటున్నారు. వ్యవసాయంలో నష్టపోయి, తీవ్ర అప్పుల బాధతో తిరుమలకు చేరుకున్నారు. నెలరోజుల పాటు గడిపారు. అప్పుల బాధలు భరించలేకే ఆత్మహత్య చేసుకుని ఉంటారని పోలీసులు అనుమానిస్తున్నారు. కేసు నమోదు చేసుకున్న పోలీసులు దర్యాప్తు చేస్తున్నారు.

ఇనుము వ్యాపారి పల్లపోతు శ్రీనివాసరావు, ప్రమీలారాణి దంపతులను చంపిన తీరు హృదయ విదారకంగా ఉంది. కిరాతకులు వారిని అత్యంత పాశవికంగా కడతేర్చారు. రేకుల షెడ్డులో చిన్నపాటి గుంత తీసి మృతదేహాలను అందులో కుక్కారు. ఎవరూ కనిపెట్టకుండా ఉండేందుకు బండలతో ఫ్లోరింగ్‌ చేశారు. ఆనవాళ్లు చెరిపేందుకు గది మొత్తం కారం చల్లారు. ప్రధాన నిందితుడితో పాటు అతడికి సహకరించిన ఐదుగురిని పోలీసులు అరెస్టు చేశారు. ఒంగోలు క్రైం: నగరానికి చెందిన పాత ఇనుము వ్యాపారి పల్లపోతు శ్రీనివాసరావు, ప్రమీలారాణి దంపతుల మృతదేహాలను గురువారం పోలీసులు వెలికితీశారు. నిందితులు పూడ్చిన మృతదేహాలను డీఎస్పీ గుంటుపల్లి శ్రీనివాసరావు, రెవెన్యూ అధికారులు, రిమ్స్‌ వైద్యుల సమక్షంలో బయటకు తీశారు. దంపతులను అత్యంత కిరాతకంగా హతమార్చిన హంతకులు అంతే కిరాతకంగా నాలుగు అడుగుల గుంతలో పాతి పెట్టారు. మృతదేహాలను గోనె సంచిలో కుక్కినట్లు గోతిలో కుక్కారు. ఇదంతా చేసింది ఏ పొలాల్లోనో.. చెట్ల పొదల్లోనో కాదు.. నిర్మానుష్య ప్రాంతం అంతకంటే కాదు.. పరిశ్రమలు, నివాస ప్రాంతాల నడుమ. ఒక రేకుల షెడ్డులో. హత్యలకు పాల్పడింది నగరంలోని శివప్రసాద్‌ కాలనీకి చెందిన లక్కే శ్రీనివాసులుగా గుర్తించారు. అదుపులోకి తీసుకొని విచారించటంతో హత్యకు సంబంధించిన పూర్తి విషయాలు వెలుగులోకి వచ్చాయి. ప్రధాన నిందితుడు లక్కే శ్రీనివాసులు, అతడికి సహకరించిన అతని స్నేహితురాలు ఎనిమిరెడ్డి సుబ్బులు, అతని వద్ద లారీ ట్యాంకర్‌ డ్రైవర్‌గా పనిచేస్తూ కొత్తడొంకలోనే నివాసం ఉంటున్న మరాఠీ సింధే కుమార్‌లను ఒంగోలు డీఎస్పీ జి.శ్రీనివాసరావు, ఒన్‌టౌన్‌ సీఐ ఎండీ ఫిరోజ్‌ తోపాటు డీఎస్పీ క్రైం ప్రత్యేక టీమ్‌లు స్థానిక ఎంఎస్‌ నగర్‌లోని కొత్తడొంకలో ఉన్న సంఘటన స్థలానికి మధ్యాహ్నం 2.45 గంటలకు తీసుకొచ్చారు. మృతదేహాలను ఎక్కడ పూడ్చి పెట్టింది నిందితుల ద్వారానే తెలుసుకున్నారు. ఫ్లోరింగ్‌ తవ్వించి.. ఒంగోలు తహసీల్దార్‌ కె.చిరంజీవితో పాటు రిమ్స్‌ ప్రొఫెసర్‌ రాజ్‌కుమార్‌ సమక్షంలో మృతదేహాలు ఉన్న ప్రాంతంలో తవ్వించారు. నాపరాళ్లు తొలగించి కొంచెం మట్టి తీయగానే దుర్గంధం వెదజల్లింది. మృతదేహాలను వేర్వేరు దిశల్లో కుక్కి ఉన్నాయి. దాదాపు 8 రోజులు కావడంతో మృతదేహాలు పూర్తిగా ఉబ్బి ఉన్నాయి. తహసీల్దార్‌ చిరంజీవి సమక్షంలో మృతదేహాలకు పోలీసులు పంచనామా నిర్వహించారు. అనంతరం ప్రొఫెసర్‌ రాజ్‌కుమార్‌ అక్కడే పోస్టుమార్టం చేశారు. పోస్టుమార్టం నిర్వహిస్తున్న సమయంలో మృతదేహాలపై గాయాలు గుర్తించారు. శ్రీనివాసరావు గొంతులో ఒక కత్తి పోటు, ఛాతిపై మరో కత్తి పోటు ఉన్నాయి. ప్రమీలారాణి గొంతులో ఒక కత్తి పోటు, గొంతు కింద, ఛాతిపై మరో రెండు కత్తిపోట్లు ఉన్నాయి. పోస్టుమార్టం అనంతరం మృతదేహాలను మృతురాలి తండ్రి బాపనపల్లి వెంకటేశ్వర్లుకు అప్పగించారు. 


 ఆర్కేబీచ్(విశాఖపట్నం): విశాఖపట్నం ఆర్కేబీచ్ వద్ద సముద్రంలో మంగళవారం ఉదయం ఐదో మృతదేహం లభ్యమైంది. గల్లంతైన ఐదుగురిలో నిన్న ( సోమవారం) నాలుగు మృతదేహాలు తీరానికి కొట్టుకొచ్చాయి. తొలుత మూడు మృతదేహాలు లభ్యం కాగా, మరో మృతదేహం తీరానికి కొట్టుకొచ్చింది. ఈ నెల 8న ఆర్కే బీచ్‌లో ఐదుగురు సందర్శకులు గల్లంతైన సంగతి తెలిసిందే.
 
 మృతదేహాల్లో ఇద్దరు బిహార్‌కు చెందిన బాబర్, ఒడిశాకు చెందిన చేతన్‌లుగా గుర్తించారు. విజయనగరం జిల్లా కొత్తవలస మండలం మంగళపాలేనికి చెందిన వ్యక్తిగా గుర్తించారు. గల్లంతైన ఒకరి కోసం నిన్నటి నుంచి నాలుగు మెరైన్‌ బోట్లు, నేవీ హెలికాఫ్టర్లతో గాలింపు చర్యలు చేపట్టగా చివరకు ఐదో మృతదేహాన్ని గుర్తించారు.


 ఆర్కేబీచ్(విశాఖపట్నం): విశాఖపట్నం ఆర్కేబీచ్ వద్ద సముద్రంలో నిన్న(ఆదివారం) గల్లంతైన ఐదుగురిలో ఇప్పటివరకూ నాలుగు మృతదేహాలు సోమవారం తీరానికి కొట్టుకొచ్చాయి. తొలుత మూడు మృతదేహాలు లభ్యం కాగా, మరో మృతదేహం తీరానికి కొట్టుకొచ్చింది.
 
 మృతదేహాల్లో ఇద్దరు బిహార్‌కు చెందిన బాబర్, ఒడిశాకు చెందిన చేతన్‌లుగా గుర్తించారు. విజయనగరం జిల్లా కొత్తవలస మండలం మంగళపాలేనికి చెందిన ఒకరి జాడ ఇంకా తెలియరాలేదు. గల్లంతైన ఒకరి కోసం నాలుగు మెరైన్‌ బోట్లు, నేవీ హెలికాఫ్టర్లతో గాలింపు చర్యలు కొనసాగుతోన్నాయి.