TV
-
విధ్వంసం సృష్టించిన విండీస్‌ బ్యాటర్.. 44 బంతుల్లో శతకం
లెజెండ్స్‌ క్రికెట్‌ ట్రోఫీ 2024 ఎడిషన్‌లో విండీస్‌ ఆటగాడు చాడ్విక్‌ వాల్టన్‌ విధ్వంసకర శతకంతో విరుచుకుపడ్డాడు. ఈ లీగ్‌లో న్యూయార్క్‌ సూపర్‌స్టార్‌ స్ట్రయికర్స్‌కు ప్రాతినిథ్యం వహిస్తున్న చాడ్విక్‌.. కొలొంబో లయన్స్‌తో ఇవాళ (మార్చి 18) జరుగుతున్న మ్యాచ్‌లో 44 బంతుల్లో శతక్కొట్టాడు. ఈ ఇన్నింగ్స్‌లో మొత్తం 46 బంతులు ఎదుర్కొన్న చాడ్విక్‌.. 8 ఫోర్లు, 9 సిక్సర్ల సాయంతో 107 పరుగులు చేశాడు. చాడ్విక్‌తో పాటు అల్విరో పీటర్సన్‌ (49) రాణించడంతో ఈ మ్యాచ్‌లో తొలుత బ్యాటింగ్‌ చేసిన న్యూయార్క్‌ నిర్ణీత 15 ఓవర్లలో 3 వికెట్ల నష్టానికి 214 పరుగుల భారీ స్కోర్‌ చేసింది. ఆఖర్లో కపూగెదెర (17 నాటౌట్‌) రెండు భారీ సిక్సర్లతో విరుచుకుపడటంతో న్యూయార్క్‌ 200 పరుగుల మార్కును క్రాస్‌ చేసింది. కొలొంబో లయన్స్‌ బౌలర్లలో రాణా నయీమ్‌ 2 వికెట్లు పడగొట్టగా.. సిరివర్దన ఓ వికెట్‌ దక్కించుకున్నాడు. అనంతరం భారీ లక్ష్య ఛేదనకు దిగిన కొలొంబో లయన్స్‌... 8.1 ఓవర్లలో 54 పరుగులు మాత్రమే చేసి 6 వికెట్లు కోల్పోయి ఓటమి దిశగా సాగుతుంది. దమ్మిక ప్రసాద్‌ (1-0-6-2), రాహుల్‌ శర్మ (2.1-0-10-2) అసేల గుణరత్నే (2-0-6-1), జేరోమ్‌ టేలర్‌ (2-0-18-1) కొలొంబో లయన్స్‌ పతనాన్ని శాశిస్తున్నారు. కాగా, ఈ మ్యాచ్‌లో విజేత రేపు జరుగబోయే ఫైనల్లో ఢిల్లీ డెవిల్స్‌తో తలపడనుంది. ఢిల్లీ డెవిల్స్‌కు సురేశ్‌ రైనా సారథ్యం వహిస్తున్నాడు. -
'ఫైనల్‌ మ్యాచ్‌ ఆడేందుకు ఆటగాళ్లు కావాలి.. వస్తే ఫ్రీ బీర్‌'
బిగ్‌బాష్‌ లీగ్‌(బీబీఎల్‌ 11వ సీజన్‌) చివరి అంకానికి చేరుకుంది. శుక్రవారం పెర్త్‌ స్కార్చర్స్‌, సిడ్నీ సిక్సర్స్‌ మధ్య ఫైనల్‌ మ్యాచ్‌ జరగనుంది. అయితే సిడ్నీ సిక్సర్స్‌కు పెద్ద కష్టం వచ్చి పడింది. ఆ జట్టులోని ఆటగాళ్లు వరుసగా కోవిడ్‌ బారిన పడడంతో.. ఫైనల్‌ మ్యాచ్‌కు నిఖార్సైన 11 మంది ఆటగాళ్లు కరువయ్యారు. బుధవారం అడిలైడ్‌ స్ట్రైకర్స్‌ తో జరిగిన ప్లేఆఫ్‌కు ఒక ఆటగాడు తక్కువ కావడంతో అసిస్టెంట్‌ కోచ్‌గా ఉన్న జే లెంటెన్‌ను తుది జట్టులో ఆడించింది. అయితే మొయిసిస్‌ హెన్రిక్స్‌ సారధ్యంలోని సిడ్నీ సిక్సర్స్‌ నాలుగు వికెట్ల తేడాతో గెలిచి.. పెర్త్‌ స్కార్చర్స్‌తో తుదిపోరుకు సిద్ధమైంది. చదవండి: BBL 2021-22: మ్యాచ్‌ గెలిచి ఫైనల్‌కు.. ఆఖరి బంతికి డ్రామాలేంటి?! ఈ సందర్భంగా సిడ్నీ సిక్సర్స్‌ ఆటగాడు డేనియల్‌ క్రిస్టియన్‌ ఒక ఫన్నీ ట్వీట్‌ చేశాడు.'' పెర్త్‌ స్కార్చర్స్‌తో శుక్రవారం బీబీఎల్‌ ఫైనల్‌ మ్యాచ్‌ ఆడబోతున్నాం. మా జట్టులో కొందరు కరోనా బారిన పడ్డారు. దీంతో ఫైనల్‌కు సరైన ఆటగాళ్లు లేరు.. మాకు కరోనా లేని ఆటగాళ్లు ఫైనల్‌ ఆడేందుకు కావాలి.. వస్తే వారికి ఫ్రీగా బీర్‌ కొనిపెడతా. మార్వెల్‌ స్టేడియంలో గురువారం సాయంత్రం 6:30 గంటలకు మా వార్మప్‌ ప్రారంభమవుతుంది. ఈలోపు వస్తే జట్టులో చోటుతో పాటు కప్‌ గెలిచిన తర్వాత ఫ్రీ బీర్‌ తాగొచ్చు. కానీ ఒక కండీషన్‌.. టెస్టు క్రికెటర్లకు మాత్రం చాన్స్‌ లేదు'' అంటూ ట్వీట్‌ చేశాడు. డేనియల్‌ క్రిస్టియన్‌ ఫన్నీ ట్వీట్‌కు దక్షిణాఫ్రికా మాజీ ఆటగాడు ఏబీ డివిలియర్స్‌, ఇంగ్లండ్‌ పేసర్‌ జోఫ్రా ఆర్చర్‌లు స్పందించారు. ''ఫైనల్‌ ఆడేందుకు నేను సిద్ధం.. కానీ బౌలింగ్‌లో 4 ఓవర్ల కోటా బౌలింగ్‌కు గ్యారంటీ ఇస్తానంటేనే..'' అంటూ డివిలియర్స్‌ పేర్కొన్నాడు. '' సబ్‌స్టిట్యూట్‌ ప్లేయర్‌గా ఆడేందుకు కూడా రెడీ.. కానీ మీకు ఆల్రేడీ ఉన్న సబ్‌స్టిట్యూట్‌లకు డబ్బులు చెల్లించాలేమో'' అంటూ ఆర్చర్‌ రీట్వీట్‌ చేశాడు. చదవండి: Racial Discrimination: ఆ క్లబ్‌లో నల్లజాతి క్రికెటర్లకు చోటు లేదా? ఇదేం వివక్ష ఇక డిపెండింగ్‌ చాంపియన్‌ హోదాలో బరిలోకి దిగిన సిడ్నీ సిక్సర్స్‌ టోర్నీ ఆరంభం నుంచి అదరగొట్టింది. వరుసగా మూడోసారి ఫైనల్లో అడుగపెట్టింది. ఇప్పటికే మూడుసార్లు బీబీఎల్‌ టైటిల్‌(2011, 2020,2021) దక్కించుకున్న సిడ్నీ సిక్సర్స్‌.. తాజాగా నాలుగో టైటిల్‌పై కన్నేసింది. Shout out to anyone* in Melbourne that wants a game of cricket tomorrow night. My team is struggling to get 11 covid free, fit players on the park. Warm up starts at 6.30pm at Marvel Stadium. Free beer afterwards, potentially out of a large cup. DM if keen *no test cricketers — Dan Christian (@danchristian54) January 27, 2022 -
Daniel Christian: ఆర్సీబీని ముంచేశారు కదరా; ప్లీజ్.. నా భార్యను వదిలేయండి!
Daniel Christian and his partner face flak on social media: రాయల్‌ చాలెంజర్స్‌ బెంగళూరు జట్టు ఆటగాడు డేనియల్‌ క్రిస్టియాన్‌ తీవ్ర భావోద్వేగానికి లోనయ్యాడు. తన భార్యను వేధించవద్దని నెటిజన్లకు విజ్ఞప్తి చేశాడు. దయచేసి ఆమెను వదిలేయమంటూ అర్థించాడు. ‘‘నా భాగస్వామి ఇన్‌స్టాగ్రామ్‌ పోస్టుకు సంబంధించిన ఆ కామెంట్లు చూడండి. నిన్నటి మ్యాచ్‌లో నేను బాగా ఆడలేదు. కానీ ఆటను ఆటలాగే చూడండి. దయచేసి తనను వదిలేయండి’’అంటూ ఆవేదన వ్యక్తం చేశాడు. కాగా ఐపీఎల్‌-2021లో ఎలిమినేటర్‌ మ్యాచ్‌లో భాగంగా ఆర్సీబీ.. కోల్‌కతా నైట్‌రైడర్స్‌ చేతిలో 4 వికెట్ల తేడాతో పరాజయం పాలైన సంగతి తెలిసిందే. ముఖ్యంగా క్రిస్టియాన్‌ వేసిన 12వ ఓవర్లో 3 సిక్స్‌లతో కేకేఆర్‌ ఆటగాడు నరైన్‌ 22 పరుగులతో చెలరేగడంతో మ్యాచ్‌ స్వరూపమే మారిపోయింది. ఫలితంగా కీలక మ్యాచ్‌లో ఆర్సీబీ పరాజయం పాలైంది. ఈ క్రమంలో కొంతమంది నెటిజన్లు క్రిస్టియాన్‌, అతడి భార్య డియానా అట్సలాస్‌ను దారుణంగా ట్రోల్‌ చేస్తున్నారు. ‘‘ఈ మ్యాచ్‌లో మ్యాన్‌ ఆఫ్‌ ది మ్యాచ్‌ అవార్డు డియానా డాన్‌ క్రిస్టియాన్‌కే.. అసలు ఏం చేశావమ్మా... ఆర్సీబీని పుట్టిముంచేశారు’’ అంటూ అభ్యంతరకర పదజాలంతో దూషించారు. అంతేగాకుండా.. ‘‘ఈ సీజన్‌లో మొదటిసారి క్రిస్టియన్‌ స్కోరు.. ఒకటి దాటిందిరోయ్‌. గ్రేట్‌’’ అంటూ వ్యంగ్యాస్త్రాలు సంధిస్తున్నారు. మరికొందరు మాత్రం.. ‘‘క్రిస్టియాన్‌ భార్యతో ఈ మ్యాచ్‌కు సంబంధమే లేదు. అలాంటప్పుడు ఆమెను ఎందుకు విమర్శిస్తున్నారు. తను ప్రస్తుతం గర్భవతి అనుకుంటా. పాపం వాళ్లను మానసికంగా వేధించకండి’’అంటూ అండగా నిలుస్తున్నారు. కాగా సోమవారం నాటి మ్యాచ్‌లో క్రిస్టియన్‌ 8 బంతులు ఎదుర్కొని 9 పరుగులు చేశాడు. 1.4 ఓవర్లలో.. 29 పరుగులు సమర్పించుకున్నాడు. ఇక క్రిస్టియాన్‌పై జరుగుతున్న ట్రోలింగ్‌కు ఆర్సీబీ మరో ప్లేయర్‌ గ్లెన్‌ మాక్స్‌వెల్‌ ఘాటుగా కౌంటర్‌ ఇచ్చిన సంగతి తెలిసిందే. చదవండి: T20 World Cup: రషీద్‌ ఖాన్‌ టాప్‌-5 టీ20 క్రికెటర్ల లిస్టు.. ఎవరెవరంటే! And The Player Of The Match Award Goes To De Dana Dan Christian ;#RCBvsKKR pic.twitter.com/y2HO3whDOW — Akhandbarbaadi (@akhandbarbaadi) October 11, 2021 Low life people abusing Dan Christian's wife on her insta page !! (She is pregnant too) She is no where related to her man's performance ! For this sick attitude only their favourites are being lost Everytime !! Shovel up low life #RCB-ians👎 — Karthick Shivaraman (STAY SAFE😷) (@iskarthi_) October 11, 2021 -
డానియల్కు ఆర్సీబీ వార్నింగ్‌.. ఆ వీడియో తీసేశారు!
న్యూఢిల్లీ: గత కొన్నిరోజులుగా తన ఆటకన్నా ఒక వీడియో ద్వారా వార్తల్లో నిలుస్తూ వచ్చాడు ఆసీస్‌కు చెందిన ఆర్సీబీ ప్లేయర్‌ డానియల్‌ క్రిస్టియన్‌. ‘ ద గ్రేడ్‌ క్రికెటర్‌’ యూట్యూబ్‌ చానల్‌కు ఇచ్చిన ఇంటర్వ్యూలో కొన్ని వివాదాస్పద వ్యాఖ్యలు చేయడంతో దుమారం రేగింది. తమ కెప్టెన్‌ విరాట్‌ కోహ్లికి ఐపీఎల్‌ కంటే డబ్యూటీసీ(వరల్డ్‌ టెస్టు చాంపియన్‌) ఫైనల్‌ ముఖ్యమని ఇప్పుడు దానిపైనే కన్నేశాడన్నాడు. ఆ క్రమంలోనే న్యూజిలాండ్‌ క్రికెటర్‌ జెమీసన్‌ వద్ద ఉన్న డ్యూక్‌ బాల్స్‌ను వేయమని కోరినట్లు తెలిపాడు. అదే సమయంలో దానికి జెమీసన్‌ నిరాకరించాడన్నాడు. మరొకవైపు ఆర్సీబీ సమావేశాలకు పూర్తి స్థాయిలో హాజరుకావడం లేదని, ఏదో కొన్నింటికి మాత్రమే వస్తున్నాడని ఆ ఇంటర్య్యూలో పేర్కొన్నాడు. ఈ వీడియో సోషల్‌ మీడియాలో విపరీతంగా చక్కర్లు కొట్టింది. ఒక జట్టు కెప్టెన్‌ను అవమానపరిచేలా ఉన్న ఆ వీడియోపై ఆర్సీబీ మేనేజ్‌మెంట్‌ ఆగ్రహం వ్యక్తం చేసింది. ఈ క్రమంలోనే క్రిస్టియన్‌కు వార్నింగ్‌ ఇచ్చినట్లు తెలుస్తోంది. దాంతో ఆ వీడియోను యూట్యూబ్‌ చానల్‌ నుంచి డిలీట్‌ చేయమని క్రిస్టియన్‌ స్వయంగా ‘ద గ్రేడ్‌ క్రికెటర్‌’కు విన్నవించుకున్నాడు. ఆ చానల్‌ హోస్ట్‌ అయిన సామ్‌ పెర్రీని ఆ వీడియోను తీసేయమని క్రిస్టియన్‌ అభ్యర్థించాడట. ఈ విషయాన్ని సామ్‌ పెర్రీ తెలుపుతూ.. ‘ మాకు క్రిస్టియన్‌ నుంచి రిక్వెస్ట్‌ వచ్చింది. తన ఇచ్చిన ఇంటర్వ్యూ వీడియోను తీసేయమని కోరాడు. ఇది ఐపీఎల్‌ నిబంధనల కాంట్రాక్ట్‌ ఉల్లంఘనలో భాగమట. అందుకు ఆ వీడియోను యూట్యూబ్‌ చానెల్‌లో వద్దన్నాడు. డానియల్‌పై గౌరవంతో దాన్ని తీసేశాం’ అని పెర్రీ తెలిపారు. కాగా, ఐపీఎల్‌ ముగిసిన తర్వాత భారత్‌-న్యూజిలాండ్‌ జట్లు మాంచెస్టర్‌ వేదికగా డబ్యూటీసీ ఫైనల్లోతలపడనున్నాయి. జెమీసన్‌ న్యూజిలాండ్‌ క్రికెటర్‌ కావడంతో పాటు అక్కడ డ్యూక్‌ బాల్స్‌ను వినియోగించనున్నారు. ఇక్కడ చదవండి: అదీ కెప్టెన్‌ అంటే: కోహ్లి చేసిన పనికి నెటిజన్లు ఫిదా! IPL 2021: షర్ట్‌లు విప్పేసి మరీ హంగామా చేశారు! 'జాగ్రత్త.. సెహ్వాగ్‌కు తెలిసిందో ఇక అంతే'
Advertisement