‘‘తెలుగు ప్రేక్షకులది మంచి మనసు. వారికి సినిమా నచ్చిందంటే పెద్ద హిట్‌ చేస్తారు. త్రీడీ సినిమాలు వచ్చి చాలా రోజులైంది. ‘విక్రాంత్‌ రోణ’తో ఆ ఎక్స్‌పీరియన్స్‌ను మరోసారి చూడబోతున్నారు. ట్రైలర్‌ అదిరిపోయింది. సినిమా కూడా పెద్ద విజయం సాధిస్తుంది’’ అని అన్నారు నాగార్జున. సుదీప్‌ టైటిల్‌ రోల్‌లో అనూప్‌      బండారి దర్శకత్వంలో రూపొందిన కన్నడ చిత్రం ‘విక్రాంత్‌ రోణ’. నీతూ అశోక్, నిరూప్‌ బండారి, జాక్వెలిన్‌ ఫెర్నాండెజ్‌ కీలక పాత్రలు పోషించారు. జాక్‌ మంజునాథ్‌ నిర్మించిన ఈ చిత్రం ఈ నెల 28న తెలుగు, తమిళ, కన్నడ, మలయాళం, హిందీ భాషల్లో రిలీజ్‌ కానుంది. ఈ సందర్భంగా మంగళవారం జరిగిన ఈ సినిమా ప్రీ రిలీజ్‌ ఈవెంట్‌లో ముఖ్య అతిథిగా పాల్గొన్న నాగార్జున మాట్లాడుతూ – ‘‘సుదీప్‌ ఇప్పటికే హిందీ, తెలుగు, తమిళ, కన్నడ, మలయాళ భాషల్లో నటించేశారు. అందరికీ సుదీప్‌ నటుడిగా సుపరిచితుడు. సాధారణంగా అన్నపూర్ణ స్టూడియోస్‌లో చిత్రీకరించిన కొన్ని సినిమాలకు సంబంధించిన పోస్టర్స్‌ను మేం పెడుతుంటాం. ఆ సినిమాల్లో మేం కూడా భాగమయ్యామనే గర్వంతో అలా చేస్తాం. ఇంతకుముందు ‘బాహుబలి’, ‘ఆర్‌ఆర్‌ఆర్‌’ పెట్టాం. ఇప్పుడు ‘విక్రాంత్‌ రోణ’ పోస్టర్‌ పెట్టాలని      ఉంది’’ అన్నారు. ‘‘నేను థియేటర్స్‌లో చూసిన తొలి సినిమా నాగార్జునగారి ‘శివ’. అప్పట్లో సైకిల్‌ చైన్‌తో కొట్టడం అనేది స్టయిల్‌గా మారిపోయింది. నేనూ సైకిల్‌ చైన్‌ను బ్యాగ్‌లో పెట్టుకున్నాను. ఇక ‘విక్రాంత్‌ రోణ’ సినిమా షూటింగ్‌ దాదాపు      70 శాతం అన్నపూర్ణ సెవెన్‌ ఏకర్స్‌లోనే జరిగింది. ‘ఈగ’, ‘బాహుబలి’, ‘సైరా: నరసింహారెడ్డి’ చిత్రాల్లో యాక్టర్‌గా నన్ను తెలుగు ప్రేక్షకులు ఆదరించారు. ‘విక్రాంత్‌ రోణ’ను కూడా ఆద     రించి, హిట్‌ చేయాలి’’ అన్నారు సుదీప్‌.     ‘‘నాగార్జునగారి ‘గీతాంజలి’ సినిమాకు అసిస్టెంట్‌ డైరెక్టర్‌గా చేశాను. ఇక నా తొలి స్క్రిప్ట్‌ సుదీప్‌గారి కోసమే రాసుకున్నాను. ‘విక్రాంత్‌ రోణ’ నా     ఇరవయ్యేళ్ల కల. సుదీప్‌గారితో వర్క్‌ చేయడం సంతోషంగా ఉంది’’ అన్నారు అనూప్‌ బండారి. 

సోషల్‌ నెట్‌ వర్కింగ్‌ వెబ్‌సైట్లు ఫేస్‌బుక్, ట్విట్టర్‌లలో సెలబ్రిటీల ‘మనసులోని మాట’లు తాజాగా ఇలా...!  అయివుంటే కనుక..! ఉత్తర భారతదేశంలోని సిక్కు దేవాలయాల నిర్వహణ బాధ్యత కలిగిన ‘శిరోమణి గురుద్వారా ప్రబంధక్‌ కమిటీ’.. మద్యం మత్తులో గురుద్వారాను సందర్శించినందుకు క్షమాపణ చెప్పాలని పంజాబ్‌ ముఖ్యమంత్రి భగవంత్‌ మాన్‌ని డిమాండ్‌ చేసింది. దేవుడి దయ వల్ల అతడు విశ్వాసం గలిగిన ‘మజాబీ’ సిక్కు గానీ, నిరుపేద హిందువు గానీ కాదు. అయివుంటే కనుక అతడు చేసిన తప్పు జీవితమంతా పశ్చాత్తాపపడినా కూడా క్షమాపణ లభించనంతటిది!                         – సోనమ్‌ మహాజన్, యాక్టివిస్ట్‌ ధన్యవాదాలు ఆయన కోల్‌కతాకు చెందిన ఒక సామాజిక కార్యకర్త. అంబేడ్కర్‌ జయంతి రోజు ఆయన తన ప్రసంగంలో సుశాంత్‌ సింగ్‌ రాజ్‌పుత్‌కు జరగవల సిన న్యాయం గురించి ప్రస్తావించారు. ఆయన  ఆ పని చేసినందుకు ఎంతో సంతోషంగా, వినయపూర్వకంగా ధన్యవాదాలు తెలియజేసుకుంటున్నాం. సుశాంత్‌ కేసులో సి.బి.ఐ., ఎన్‌. సి.బి., ఇ.డి. మేల్కోవాలి.  – చైతాలీ ముఖర్జీ, నేషనలిస్ట్‌  ఎట్టకేలకు.. చిట్టచివరికి నేను గత నెలన్నరగా ఆమెను వెంటాడు తున్నాను. కనీసం 11 మంది ఎంపీలు, ఎమ్మెల్యేలతో మాట్లాడాను... చివరికి ఉప ఎన్నికల ఫలితాలకు ఒక రోజు ముందు మాత్రమే మమతా బెనర్జీ ఇంటర్వ్యూ సాధించగలిగాను.              – హిమాద్రీ ఘోష్, ‘ది వైర్‌’ జర్నలిస్ట్‌ సంచరించే ఆత్మ ఎన్నికల వ్యూహకర్త ప్రశాంత్‌ కిశోర్‌ను పార్టీలోకి చేర్చుకునే విషయమై కాంగ్రెస్‌ అధ్యక్షురాలు సోనియా గాంధీ నివాసంలో అత్యున్నత స్థాయి సమావేశం జరిగింది. ప్రశాంత్‌ ఎప్పుడూ ఒక దేహం కోసం సంచరిస్తున్న ఆత్మలా ఉంటారు. అయితే ఆ ఆత్మను కాంగ్రెస్‌ అనే దేహం ఆవహించాలను కోవడం పార్టీలోని కొంతమంది నాయకులకు రుచించడం లేదు. – అనూప్, బ్లాగర్‌ జ్వలించే నటన దక్షిణాది సినిమాలు బాలీవుడ్‌ను ఆక్రమిస్తున్నట్లు కనిపిస్తున్నాయి. అయితే వారి ‘బాహుబలి’ చిత్రాలకు అభిముఖంగా నిలబడి పోటీని ఇవ్వగల ఏకైక నటి బాలీవుడ్‌లో ఇప్పుడు ఒక్క కంగనా రనౌత్‌ మాత్రమే. జ్వలించే ఆమె నటన ఎంతో అద్భుతం! ‘ధాకడ్‌’ టీజర్‌ రిలీజ్‌ అయిన నాలుగు రోజుల్లోనే కోటి వీక్షణలు రావడం ఆమె నటనలోని సత్తాను చాటే సంగతే.  – రాజు జంగిద్, ఎన్‌.ఎఫ్‌.టి. క్రియేటర్‌ కంటికి ఒత్తిడి  నెట్‌ఫ్లిక్స్‌లో తాజాగా వచ్చిన ‘మాయి’లో సాక్షీ తన్వార్‌  అద్భుతంగా నటించారు. అయితే ఈ ఓటీటీ డైరెక్టర్‌లు కళ్లకు ఒత్తిడి కలిగించే ముదురు వర్ణాలను భావోద్వేగ భరిత సన్నివేశాలకు ఎందుకు అద్దుతారో తెలియదు.  – ఖుష్‌బూ ఎస్‌., స్క్రీన్‌ లవర్‌ సంరక్షక ప్రధాని శ్రీ నరేంద్ర మోదీజీ మన ప్రధానమంత్రి మాత్రమే కాదు. ఈ దేశానికి, పౌరులకు సంరక్షకుని లాంటి వారు. పీఎం మోదీ లేత మనసులతో సంభాషించడానికి ఇష్టపడతారు. వారికి జ్ఞాన మార్గ దర్శనం చేస్తారు. ఆయన ‘పరీక్షా పే చర్చా’.. పరీక్షల ఒత్తిడిని అధిగమించడానికి లక్షలాది మంది విద్యార్ధులకు సహాయ పడుతోంది. – వరుణ్‌ పూరి, ఎం.ఇ.ఎ. సలహా సభ్యులు

న్యూఢిల్లీ: సిండికేట్‌ బ్యాంకులో జరిగిన రూ.209 కోట్ల మోసం కేసులో వ్యాపారవేత్త అనూప్‌ బర్తియా,  బ్యాంక్‌ మాజీ అసిస్టెంట్‌ జనరల్‌ మేనేజర్‌ (ఏజీఎం) ఆదర్శ్‌ మన్‌చందన్, చార్టర్డ్‌ అకౌంటెంట్‌ (సీఏ) భరత్‌సహా మరో 15 మందిపై సీబీఐ చార్జ్‌షీట్‌ దాఖలు చేసింది. జైపూర్‌ ప్రత్యేక కోర్టులో చార్జిషీట్‌ను సమర్పించింది. రియల్టీ ప్రాజెక్టులకు సంబంధించి నకిలీ పత్రాలు, ఇన్‌వాయిస్‌లు, వర్క్‌ ఆర్డర్లని వినియోగించి మొత్తం 118 రుణ అకౌంట్లకు రూ.209 కోట్ల నిధులను మళ్లించినట్లు సీబీఐ ఆరోపణ. 118 అకౌంట్లలో గృహ రుణ అకౌంట్లు, టర్మ్‌లోన్‌ అకౌంట్లు ఉన్నాయని ఉన్నతస్థాయి అధికారులు తెలిపారు. కమర్షియల్‌ ప్రాపర్టీల కొనుగోళ్లు, గృహ రుణాలు, ఓవర్‌ డ్రాఫ్ట్‌లు, వర్కింగ్‌ క్యాపిటల్‌ టర్మ్‌లోన్ల పేరుతో అధికారులు కుమ్మక్కై  జైపూర్‌లోని మిరోడ్‌ బ్రాంచ్, మాళవ్య నగర్‌ బ్రాంచ్, ఉదయ్‌ పూర్‌ బ్రాంచీల నుంచి భారీ రుణాలను 118 అకౌంట్లకు మళ్లించినట్లు ప్రధాన ఆరోపణ.  


 ఇంట గెలిచి రచ్చ గెలవమంటారు. అనూప్ తేజ్ రచ్చ గెలిచారు. ఇప్పుడు ఇంట గెలవడానికి సిద్ధమయ్యారు. తమిళంలో మూడు చిత్రాల్లో కథానాయకునిగా నటించి, మంచి గుర్తింపు తెచ్చుకున్న అనూప్ తెలుగులో ‘కేక’ చిత్రం ద్వారా పరిచయమయ్యారు. ఈ యువహీరో నటించిన ‘జాబిల్లి కోసం ఆకాశమల్లె’ ఈ 13న విడుదల కానుంది. ‘యామినీ చంద్రశేఖర్’, ‘నిన్ను చూసి వెన్నెలే అనుకున్నా’లో కూడా నటించారు అనూప్. హీరో కాకముందు నృత్యశిక్షణాలయాన్ని నడిపానని, ఇప్పుడు నటన మీదే దృష్టి సారించానని అనూప్ చెప్పారు. కథ బాగుంటే రెండో హీరోగా, విలన్‌గా కూడా చేయడానికి సిద్ధమని స్పష్టం చేశారు.